ოზურგეთის მუნიციპალიტეტის წარმომადგენლობით და აღმასრულებელ ორგანოში მოქალაქეთა მიღების წესის დამტკიცების თაობაზე

ოზურგეთის მუნიციპალიტეტის საკრებულო ს

დადგენილება №15

2012 წლის 25 აპრილი

ქ. ოზურგეთი

ოზურგეთის მუნიციპალიტეტის წარმომადგენლობით და აღმასრულებელ ორგანოში მოქალაქეთა მიღების წესის დამტკიცების თაობაზე

„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-3 პუნქტის, 43-ე მუხლის მე-2პუნქტის და „საჯარო სამსახურის შესახებ“ საქართველოს კანონის   შესაბამისად, საკრებულომ დაადგინა:

1. დამტკიცდეს ოზურგეთის მუნიციპალიტეტის წარმომადგენლობით და აღმასრულებელ ორგანოში მოქალაქეთა მიღების წესი, №1 დანართის შესაბამისად.

2. დამტკიცდეს მოქალაქეებზე გასაცემი საშვის ტიპური ფორმა, №2 დანართის შესაბამისად.

3. დადგენილების შესრულებაზე კონტროლი დაევალოს ოზურგეთის მუნიციპალიტეტის საკრებულოს აპარატის უფროსს პაატა ბურჭულაძეს.

4 .   ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე               ა. მამეშვილი

 

№1 დანართი

ოზურგეთის მუნიციპალიტეტის წარმომადგენლობით და აღმასრულებელ ორგანოში მოქალაქეთა მიღების წესი

    მუხლი 1

ეს წესი შემუშავებულია „ადგილობრივი თვითმმართველობის შესახებ“ საქართველოს ორგანული კანონის, „საჯარო სამსახურის შესახებ“ საქართველოს კანონის, „ოზურგეთის მუნიციპალიტეტის საკრებულოს დებულების დამტკიცების შესახებ“ ოზურგეთის მუნიციპალიტეტის საკრებულოს 2010 წლის 19 ივლისის №2 დადგენილების და „ოზურგეთის მუნიციპალიტეტის გამგეობის დებულების დამტკიცების შესახებ“ ოზურგეთის მუნიციპალიტეტის საკრებულოს 2010 წლის 4 აგვისტოს №10 დადგენილების შესაბამისად.

    მუხლი 2

ოზურგეთის მუნიციპალიტეტში (საკრებულოსა და გამგეობაში)მოქალაქეთა (საქართველოს მოქალაქეთა და უცხოელთა) მიღების, განცხადებებ ი ს და საჩივრების განხილვის პროცესის სრულყოფისა და მუნიციპალიტეტის შეუფერხებელი ფუნქციონირების უზრუნველყოფის მიზნით:

1. მოქალაქეთა მიღება მოხდეს მხოლოდ ადმინისტრაციულ შენობაში მდებარე მოქალაქეთა მომსახურების ცენტრის მეშვეობით;

2. მოქალაქეთა მიღების დროს განიხილება ზეპირი,წერილობითი განცხადებები და საჩივრები, მუნიციპალიტეტის კომპეტენციას მიკუთვნებულ საკითხებზე;

3. მუნიციპალიტეტის თანამდებობის პირებთან და საჯარო მოსამსახურეებთან მოქალაქეთა მიღების ჩაწერა უზრუნველყო ნ საკრებულოსა და გამგეობის შესაბამისმა მთავარმა სპეციალისტებმა,დადგენილი წესის მიხედვით, რომლ ებ იც ვალდებული არიან აწარმოო ნ მოქალაქეთა მიღების აღრიცხვა სპეციალურ ჟურნალში. ჟურნალში შედის მონაცემები მოქალაქის ვინაობის, მიღების თარიღის, განხილული საკითხისა და მიღების შედეგის თაობაზე. ჟურნალში სააღრიცხვო ჩანაწერს ხელს აწერს მიმღები თანამდებობის პირი;

4. მოქალაქის განცხადებაში (საჩივარში) დასმული საკითხის მნიშვნელობიდან  და აუცილებლობიდან გამომდინარე, საკრებულოს აპარატის უფროსის და/ან გამგეობის ადმინისტრაციული სამსახურის უფროსის შუამდგომლობით, მუნიციპალიტეტის თანამდებობის პირი აწარმოებს მოქალაქის მიღებას;

5. მუნიციპალიტეტის ადმინისტრაციულ შენობაში (საკრებულოს და გამგეობის 1-ელ და მე-2 სართულზე) მოქალაქეთა გადაადგილება მოხდეს მოქალაქეთა მიღებაზე პასუხისმგებელი მოსამსახურ ის (მოსამსახურეები ს) მეშვეობით;

6. მუნიციპალიტეტში მოქალაქეთა მიღება არ წარმოებს საქართველოს კანონმდებლობით გათვალისწინებულ უქმე და დასვენების დღეებში;

7.მუნიციპალიტეტის საჯარო მოსამსახურეებმა საკუთარი კომპეტენციის ფარგლებში უზრუნველყონ მოქალაქეთა უფლებებისა და კანონიერი ინტერესების დაცვა;

8.მოსამსახურის მიერ სამსახურებრივი უფლებამოსილების განხორციელებისას, მოქალაქეთა მიღება ხორციელდება წინასწარ შეთანხმებით, საშვის (დანართი N№2) დაშვების შემდეგ, რომელშიც მითითებული უნდა იყოს: ორგანიზაციის დასახელება, საშვის ნომერი, გაცემის თარიღი,მოქალაქის ვინაობა,შენობაში შემოსვლისა და გასვლის დრო, მიმღები (პასუხისმგებელი) პირის ვინაობა და ხელმოწერა;

9. მოქალაქეზე (ებზე) საშვის გაცემა განხორციელდეს მოქალაქის პირადობის მოწმობის, პასპორტის ან მოქალაქის ვინაობის დამადასტურებელი სხვა დოკუმენტის წარმოდგენის შემდგომ.

    მუხლი 3

ამ წესის მოქმედება არ ვრცელდება მუნიციპალიტეტის საკრებულოს, საკრებულოს ბიუროს, საკრებულოს კომისიების, ფრაქციების სხდომებისა და საჯარო განხილვების ჩატარების დღეს.

    მუხლი 4

მუნიციპალიტეტის ადმინისტრაციულ შენობაში საშვის დაშვების უფლების მქონე პირთა წრე, აგრეთვე საშვის გარეშე შესვლის უფლების მქონე პირთა ნუსხა განისაზღვრება ოზურგეთის მუნიციპალიტეტის საკრებულოს თავმჯდომარის ბრძანებით.

    მუხლი 5

ამ წესში ცვლილების და დამატებების შეტანა ხორციელდება საქართველოს კანონმდებლობით დადგენილი წესის შესაბამისად.

    

 

№2 დანართი

ოზურგეთის მუნიციპალიტეტი

 

საშვი № ___

__ ________ ___ წ.

თარიღი

შე მოვიდა __ სთ. __ წთ.

მოქალაქე _________________________

მიმღები  __________________________

პასუხისმგებელი პირი:

წავიდა __ სთ. ______________

მიმღების ხელმოწერა: ____________________