თვითმმართველი ქალაქი რუსთავის ტერიტორიაზე მშენებლობის ნებართვის მოსაკრებლის განაკვეთის განსაზღვრის შესახებ

დადგენილება №158

2012 წლის 30 აპრილი

 ქ . რუსთავი

თვითმმართველი ქალაქი რუსთავის ტერიტორიაზე მშენებლობის ნებართვის მოსაკრებლის განაკვეთის განსაზღვრის შესახებ

„ადგილობრივი თვითმმართველობის შესახებ“ საქართველოს ორგანული კანონის 22 -ე მუხლის პირველი პუნქტის „მ“ ქვეპუნქტის, „ადგილობრივი მოსაკრებლების შესახებ“ საქართველოს კანონის მე -5 მუხლის პირველი პუნქტის „ა“ ქვეპუნქტის და „ნორმატიული აქტების შესახებ“ საქართველოს კანონის 25 -ე მუხლის შესაბამისად, თვითმმართველი ქალაქი რუსთავის საკრებულო ადგენს:

    მუხლი 1.    

განისაზღვროს თვითმმართველი ქალაქი რუსთავის ტერიტორიაზე მშენებლობის ნებართვის მოსაკრებლის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) ოდენობა 1 კვ/მ -ზე 1 ლარის დაანგარიშებით.

    მუხლი 2.

მოსაკრებლის ადმინისტრირებაზე უფლებამოსილება მიენიჭოს თვითმმართველი ქალაქი რუსთავის მერიის ადგილობრივი მოსაკრებლების სამსახურს.

    მუხლი 3.

ძალადაკარგულად გამოცხადდეს „თვითმმართველ ქალაქ რუსთავში მშენებლობის ნებართვის მოსაკრებლის შემოღებისა და მისი გაანგარიშების და გადახდის ინსტრუქციის დამტკიცების შესახებ“ თვითმმართველი ქალაქი რუსთავის საკრებულოს 2007 წლის 5 თებერვლის №63 დადგენილება.

    მუხლი 4.

დადგენილება ძალაშია გამოქვეყნებისთანავე.

საკრებულოს თავმჯდომარე                         კ . გურგენიძე