„აჭარის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ აჭარის ავტონომიური რესპუბლიკის კანონში ცვლილების შეტანის თაობაზე

აჭარის ავტონომიური რესპუბლიკის კანონი

 „აჭარის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ აჭარის ავტონომიური რესპუბლიკის კანონში ცვლილების შეტანის თაობაზე

მუხლი 1. „აჭარის  ავტონომიური  რესპუბლიკის  მთავრობის  სტრუქტუ­რის, უფლებამოსილებისა  და  საქმიანობის  წესის  შესახებ” აჭარის  ავ­ტო­ნომიური  რესპუბლიკის  კანონში (ა.ა.რ.ს.მ. № 11, 21.08.04) შეტანილ  იქნეს  შემ­დეგი  ცვლილება:

1. მე-5 მუხლის პირველი პუნქტი ჩამოყალიბდეს შემდეგი რედაქციით:

„1. აჭარის ავტონომიური რესპუბლიკის ახალარჩეული უმაღლესი საბჭოს უფლებამოსილების ცნობიდან10დღის ვადაში საქართველოს პრეზიდენტი უმაღლეს საბჭოში წარმოდგენილ პოლიტიკურ სუბიექტებთან კონსულტაციის შემდეგ, საქართველოს მთავრობის წინასწარი თანხმობით , უმაღლეს საბჭოს დასამტკიცებლად წარუდგენს აჭარის ავტონომიური რესპუბლიკის მთავრობის თავმჯდომარის კანდიდატურას. აჭარის ავტონომიური რესპუბლიკის მთავრობის თავმჯდომარე დამტკიცებულად ითვლება, თუ მას მხარს დაუჭერს აჭარის ავტონომიური რესპუბლიკის უმაღლესი საბჭოს სრული შემადგენლობის ნახევარზე მეტი.” .

2. მე-8 მუხლის „თ“ ქვეპუნქტი ჩამოყალიბდეს შემდეგი რედაქციით:

„თ) ქმნის საჯარო სამართლის იურიდიულ პირებს საქართველოს კანონ­მდებ­ლო­ბით დადგენილი წესით, ამტკიცებს მათ დებუ­ლე­ბებს, თანამდებობაზე ნიშნავს საჯარო სამართლის იურიდიული პირის ხელმძღვანელებს მთავრობის უფლება­მოს­ი­ლე­ბის ვადით;“.

3. მე-11 მუხლის მე-2 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) თანამდებობაზე ნიშნავს და თანამდებობიდან ათავისუფლებს მთავ­რო­ბის საქვეუწყებო დაწესე­ბუ­ლე­ბე­ბის, აგრეთვე შესაბამისი მინისტრის წარდგი­ნე­ბით სამი­ნის­ტ­როს საქვეუწყებო დაწესე­ბუ­ლებების ხელმ­ძღვანელებს – მთავრობის თავმჯდომარის უფლებამოსილების ვადით და მათ მოადგილეებს საქვეუწყებო დაწესებულებების ხელმძღვანელების უფლებამოსილების ვადით, საჯარო სამართლის იურიდიული პირების ხელმძღვანელის მოადგილეებს კონტროლის განმა­ხორ­ციელებელი ორგანოს ხელმძღვანელის წარდგინებით – საჯარო სამართლის იურიდიული პირების ხელმძ­ღვა­ნე­ლე­ბის უფლებამოსილების ვადით;”.  

4. მე-14 მუხლის შემდეგ დაემატოს შემდეგი შინაარსის 14¹ მუხლი:

„მუხლი 14¹

ის პირები, რომლებიც ამ კანონის შესაბამისად დანიშნული არიან თანამდებობის პირის (ორგანოს) უფლებამოსილების ვადით, თანამდებობის პირის (ორგანოს) უფლება­მო­­სილების შეწყვეტის შემთხვევაში თავიანთ მოვალეობას ასრულებენ ახალი თანამ­დე­ბო­ბის პირის (ორგანოს) დანიშვნამდე (დამტკიცებამდე).“. 

5. მე-17 მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. მთავრობის აპარატის მიმდინარე საქმიანობას ხელმძღვანელობს აპარატის უფროსი, რომელსაც თანამდებობაზე ნიშნავს და თანამდებობიდან ათავისუფლებს მთავრობის თავმჯდომარე – მთავრობის თავმჯდომარის უფლებამოსილების ვადით.“;

ბ) მე-4 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) მთავრობის თავმჯდომარეს თანამდებობაზე დასანიშნად წარუდგენს აპარატის სტრუქტურული ერთეულების ხელმძღვანელებსა და აპარატის საშტატო ნუსხით გათვა­ლის­წინებულ სხვა საჯარო მოსამსახურეებს. აპარატის სტრუქტურული ერთეულების ხელმძღვანელებს , მთავრობის თავმჯდომარის მრჩევლებსა და თანაშემწეებს მთავრობის თავმჯდომარე თანამდებობაზე ნიშნავს – მთავრობის თავმჯდომარის უფლებამოსილების ვადით;“.

6. 28-ე მუხლის პირველი პუნქტი ჩამოყალიბდეს შემდეგი რედაქციით:

„1. მინისტრს შეიძლება ჰყავდეს მოადგილეები, მათ შორის , ერთი პირველი მოადგილე. მინისტრის მოადგილეს შესაბამისი მინისტრის წარდგინებით თანამ­დე­ბო­ბაზე ნიშნავს და თანამდებობიდან ათავისუფლებს მთავრობის თავმჯდომარე – მინისტრის უფლებამოსილების ვადით.“.

7. 30-ე მუხლის მე-4 პუნქტი ამოღებულ იქნეს.

მუხლი 2

1. ეს კანონი , გარდა ამ კანონის პირველი მუხლის პირველი პუნქტისა , ამოქმედდეს გამოქვეყნებისთანავე.

2. ამ კანონის პირველი მუხლის პირველი პუნქტი ამოქმედდეს 2013წლის ოქტომბრის მორიგი საპრეზიდენტო არჩევნების შედეგად არჩეული საქართველოს პრეზიდენტის მიერ ფიცის დადების მომენტიდან.

აჭარის ავტონომიური რესპუბლიკის

მთავრობის თავმჯდომარე                                               ლ . ვარშალომიძე

ჩაქვი ,

2012 წლის 22 აგვისტო .

№ 178-უ.ს.რ.ს.