„საჯარო სკოლების მასწავლებელთა შრომის ანაზღაურების ოდენობისა და პირობების შესახებ ინსტრუქციის დამტკიცების თაობაზე“ საქართველოს განათლებისა და მეცნიერების მინისტრის 2005 წლის 21 ოქტომბრის №576 ბრძანებაში ცვლილების შეტანის თაობაზე

საქართველოს განათლებისა და მეცნიერების მინისტრის

ბრძანება №190/ნ

2012 წლის 19 სექტემბერი

ქ. თბილისი

„საჯარო სკოლების მასწავლებელთა შრომის ანაზღაურების ოდენობისა და პირობების შესახებ ინსტრუქციის დამტკიცების თაობაზე“საქართველოს განათლებისა და მეცნიერების მინისტრის 2005 წლის 21 ოქტომბრის №576 ბრძანებ აში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე , ვბრძანებ:

მუხლი 1. ,,საჯარო სკოლების მასწავლებელთა შრომის ანაზღაურების ოდენობისა და პირობების შესახებ ინსტრუქციის დამტკიცების თაობაზე“საქართველოს განათლებისა და მეცნიერების მინისტრის 2005 წლის 21 ოქტომბრის №576 ბრძანებ ის   (სსმ, 122, 24/10/2005, სარეგისტრაციო კოდი 270.090.000.22.022.007.808) პირველი პუნქტით დამტკიცებული „საჯარო სკოლების მასწავლებელთა შრომის ანაზღაურების ოდენობისა და პირობების შესახებ“:

1. ინსტრუქციის მე-5 მუხლის მე-4 პუნქტი ჩამოყალიბდეს შემდეგი შინაარსით:

„4. სრულზე მეტი დატვირთვა აქვს მასწავლებელს, რომელიც სკოლაში მუშაობს 40 სამუშაო საათს და მათ შორის ატარებს კვირაში 19 ან მეტ საგაკვეთილო საათს. 19 საგაკვეთილო საათის ჩატარებისას მასწავლებელს ეძლევა სრული განაკვეთის ხელფასზე დანამატი 5 ლარის ოდენობით, 20 საგაკვეთილო საათის ჩატარებისას მასწავლებელს ეძლევა სრული განაკვეთის ხელფასზე დანამატი 10 ლარის ოდენობით,20-ზე მეტი ნებისმიერი საგაკვეთილო საათის ჩატარებისას კი მასწავლებელს ეძლევა სრული განაკვეთის ხელფასზე დანამატი 25 ლარის ოდენობით .’’ .

2. ინსტრუქციის 5¹ მუხლის პირველი პუნქტი ჩამოყალიბდეს შემდეგი რედაქციით:

„1. პედაგოგს, რომელიც წარმატებით ჩააბარებს მასწავლებელთა სასერტიფიკაციო გამოცდას, სრული ან სრულზე მეტი დატვირთვის  შემთხვევაში მიეცემა პედაგოგთა ხელფასზე დანამატი ყოველთვიურად 75 ლარის ოდენობით.’’ .

3. ინსტრუქციის5¹  მუხლის მე-2 პუნქტს დაემატოს შემდეგი შინაარსის „გ’’ქვეპუნქტი:

„გ) დაწყებითი საფეხურის პედაგოგის დატვირთვა შეადგენს კვირაში 14 საათს ;’’ .

4. ინსტრუქციას დაემატოს შემდეგი შინაარსის მე-7 მუხლი:

     „მუხლი 7. გარდამავალი დებულებები

2013 წლის 1 იანვრიდან 2014 წლის 31 დეკემბრამდე ამ წესის 5¹ მუხლის პირველი პუნქტით გათვალისწინებული დანამატი ასევე მიეცემა სერტიფიცირებულ პედაგოგს (გარდა დაწყებითი საფეხურის პედაგოგისა), რომლის სამუშაო დატვირთვა კვირაში შეადგენს 15-17 საათს.’’ .

მუხლი 2. ბრძანება ამოქმედდეს გამოქვეყნებისთანავე.

ხ. დეკანოიძე