,,საქართველოსა და ევროკავშირს შორის ასოცირების შესახებ შეთანხმების” ტექსტის მიღების მიზნით ევროკავშირთან მოლაპარაკების გამართვის უფლებამოსილების მინიჭების თაობაზე” საქართველოს პრეზიდენტის 2010 წლის 12 ივლისის №489 ბრძანებულებაში ცვლილების შეტანის შესახებ

 

საქართველოს პრეზიდენტის

ბრძანებულება №893

2012 წლის 26 სექტემბერი

ქ. თბილისი

„საქართველოსა და ევროკავშირს შორის ასოცირების შესახებ შეთანხმების” ტექსტის მიღების მიზნით ევროკავშირთან მოლაპარაკების გამართვის უფლებამოსილების მინიჭების თაობაზე” საქართველოს პრეზიდენტის 2010 წლის 12 ივლისის №489 ბრძანებულებაში ცვლილების შეტანის შესახებ

1. „ნორმატიული აქტების შესახებ” საქართველოს კანონის მე-20 მუხლის შესაბამისად, „საქართველოსა და ევროკავშირს შორის ასოცირების შესახებ შეთანხმების” ტექსტის მიღების მიზნით ევროკავშირთან მოლაპარაკების გამართვის უფლებამოსილების მინიჭების თაობაზე” საქართველოს პრეზიდენტის 2010 წლის 12 ივლისის № 489 ბრძანებულებაში (სსმ III, 2010 წ., №84, მუხ. 1206) შეტანილ იქნეს ცვლილება და ბრძანებულების პირველი პუნქტი ჩამოყალიბდეს შემდეგი რედაქციით:

„1. „საქართველოსა და ევროკავშირს შორის ასოცირების შესახებ შეთანხმების” ტექსტის მიღების მიზნით ევროკავშირთან მოლაპარაკების გამართვის უფლებამოსილება მიენიჭოს საქართველოს დელეგაციას (შემდეგში – დელეგაცია) შემდეგი შემადგენლობით:

თორნიკე გორდაძე – ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრი, დელეგაციის I სამუშაო ჯგუფის თანაკოორდინატორი;

სერგი კაპანაძე – საქართველოს საგარეო საქმეთა მინისტრის მოადგილე, დელეგაციის I სამუშაო ჯგუფის თანაკოორდინატორი;

თეა ახვლედიანი – საქართველოს საგარეო საქმეთა სამინისტროს ევროინტეგრაციის დეპარტამენტის დირექტორი, დელეგაციის აღმასრულებელი სამდივნოს ხელმძღვანელი;

თამარ ბერუჩაშვილი – ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის მთავარი მრჩეველი, დელეგაციის IIIა სამუშაო ჯგუფის კოორდინატორის მოადგილე;

თინა ბურჯალიანი – საქართველოს იუსტიციის მინისტრის პირველი მოადგილე, დელეგაციის II სამუშაო ჯგუფის კოორდინატორის მოადგილე;

კონსტანტინე კინწურაშვილი – საქართველოს ფინანსთა მინისტრის მოადგილე, დელეგაციის IIIა სამუშაო ჯგუფის კოორდინატორი;

მიხეილ ჯანელიძე – საქართველოს ეკონომიკისა და მდგრადი განვითარების მინისტრის მოადგილე, დელეგაციის IIIბ სამუშაო ჯგუფის კოორდინატორის მოადგილე;

ეკატერინე ზღულაძე – საქართველოს შინაგან საქმეთა მინისტრის პირველი მოადგილე, დელეგაციის II სამუშაო ჯგუფის კოორდინატორი;

თამარ კოვზირიძე – ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის მოადგილე, დელეგაციის IV სამუშაო ჯგუფის კოორდინატორი;

ვახტანგ ლეჟავა – საქართველოს ფინანსთა სამინისტროს სამინისტროს ბიუროს მთავარი მრჩეველი, დელეგაციის IIIბ სამუშაო ჯგუფის კოორდინატორი, IV სამუშაო ჯგუფის კოორდინატორის მოადგილე;

არჩილ ყარაულაშვილი – ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის ევროინტეგრაციის საკითხთა კოორდინაციის დეპარტამენტის უფროსი.”.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი