,,აჭარის ავტონომიური რესპუბლიკის ტელევიზიისა და რადიომაუწყებლობის სახელმწიფო დეპარტამენტის აჭარის ავტონომიური რესპუბლიკის მთავრობის საქვეუწყებო დაწესებულებად – ტელევიზიისა და რადიომაუწყებლობის დეპარტამენტად რეორგანიზაციისა და დებულების დამტკიცების შესახებ“ აჭარის ავტონომიური რესპუბლიკის მთავრობის 2004 წლის 5 ოქტომბრის 58 დადგენილებაში ცვლილების შეტანის თაობაზე

აჭარის ავტონომიური რესპუბლიკის მთავრობის

დადგენილება №2

2013 წლის 25 იანვარი

ქ. ბათუმი

,,4. აჭარის ავტონომიური რესპუბლიკის მთავრობის საქვეუწყებო დაწესებულება – ტელევიზიისა და რადიომაუწყებლობის დეპარტამენტის მოსამსახურეთა რიცხოვნობა განი­საზ­ღვ­როს 40 (ორმოცი) საშტატო და, საჭიროებისამებრ, არა უმეტეს 200 (ორასი) შტატგარეშე ერთეულის ფარგლებში.“;

„1. ტელევიზიისა და რადიომაუწყებლობის დეპარტამენტი (შემდგომში – დეპარ­ტა­მენ­ტი) არის აჭარის ავტონომიური რესპუბლიკის მთავრობის (შემდგომში – მთავრობა) საქ­ვეუწ­ყებო დაწესებულება, რომელიც ახორციელებს პოლიტიკური გავლენისაგან თავისუფალ, სარედაქციო დამოუკიდებლობის პრინციპზე დამყარებულ ტელერადიომაუწყებლობას საზოგადოებისათვის საინტერესო სფეროებში.“;

„ბ) წარმართავს დეპარტამენტის საქმიანობას, პროდიუსინგს, ხელს უწყობს სატე­ლევი­ზიო და რადიო პროექტების სრულფასოვან წარმოებას, ტექნიკურ აღჭურვას, ტელევიზიისა და რადიოს პროგრამული ბადის სრულყოფას, უზრუნველყოფს სარედაქციო დამოუ­კიდებ­ლობას;“;

„3. დეპარტამენტის თავმჯდომარის პირველი მოადგილე დეპარტამენტის თავმჯდო­მა­რესთან ერთად განსაზღვრავს ტელევიზიისა და რადიოს პროგრამულ პრიორიტეტებს, მონაწილეობს პროდიუსინგის წარმართვაში, ასრულებს დეპარტამენტის თავმჯდომარის ცალკეულ მითითებებსა და დავალებებს. დეპარტამენტის თავმჯდომარის მიერ თავისი უფ­ლებამოსილების განხორციელების შეუძლებლობის, მისი არყოფნის ან უფლებამოსილების შეწყვეტის შემთხვევაში ასრულებს დეპარტამენტის თავმჯდომარის მოვალეობას.

4.  დეპარტამენტის თავმჯდომარის მოადგილე ახორციელებს ზედამხედველობას დეპარ­ტა­მენ­ტის მუშაკთა საქმიანობაზე ტექნიკის ექსპლუატაციის დარგში, განსაზღვრავს სატელევიზიო და რადიოსიგნალის გავრცელების საშუალებებს, წყვეტს ტექნიკური აღჭურ­ვის საკითხებს, ასრულებს დეპარტამენტის თავმჯდომარის ცალკეულ მითითებებსა და დავალებებს. ამ მუხლის მე-3 პუნქტით განსაზღვრულ შემთხვევაში დეპარტამენტის თავმჯ­დომარის პირველი მოადგილის მიერ დეპარტა­მენ­ტის თავმჯდომარის მოვალეობის შეს­რულების შეუძლებლობისას ასრულებს დეპარტამენტის თავმჯდომარის მოვალეობას.“;

„5. დეპარტამენტის ხელმძღვანელობას (თავმჯდომარე და მოადგილეები) უფლება არა აქვს ჩაერიოს მოქმედი სატელევიზიო და რადიოპროექტების სარედაქციო საქმიანობაში.“;

  „1. დეპარტამენტის სტრუქტურული ქვედანაყოფებია:

ა) ტელევიზია;

ბ) რადიო;

გ) საფინანსო სამსახური;

დ) სამართლებრივი უზრუნველყოფის სამსახური.“.