სს „სვუპის” 75%-ზე მეტი მფლობელი აქციონერის სს ”სმარტექსის” გადაწყვეტილება

სს „სვუპის” 75%-ზე  მეტი მფლობელი აქციონერის

სს „სმარტექსის” გადაწყვეტილება   № 14

2013 წლის 8 თებერვალი

ქ. თბილისი

სს „სმარტექსმა” (საიდენტიფიკაციო კოდი 202455850 ) (შემდგომში „სმარტექსი” ), წარმოდგენილი მისი დირექტორის გიორგი მელიქიძის სახით, როგორც სს „სვუპის” (შემდგომში „სვუპი” ან „კომპანია“) (საიდენტიფიკაციო კოდი 404871750) აქციების 75%-ზე მეტის მფლობელმა აქციონერმა, „მეწარმეთა შესახებ ” საქართველოს კანონის 54.1¹ მუხლის შესაბამისად , მიიღო შემდეგი გადაწყვეტილებები:

1. გამოშვებულ იქნეს 95,342 ერთეული ჩვეულებრივი აქცია, თითოეული 0.6083 (ნული მთელი ექვსი ათას ოთხმოცდასამი მეათიათასედი) ლარის ნომინალური ღირებულებით (შემდგომში „ახალი აქციები“) და აღნიშნული აქციები გადანაწილდეს შემდეგნაირად:

a) „სმარტექსს“ გადაეცეს 78,904 ცალი „ახალი აქცია“ მის მიერ შპს „ფრიშოპ.ჯი“-ს (საიდენტიფიკაციო კოდი 404387356) (შემდგომში „ფრიშოპ.ჯი“) 87% წილის „კომპანიის“ კაპიტალში შეტანის სანაცვლოდ;

b) კონსტანტინე კუბლაშვილს (პირადი ნომერი № 41001015617) გადაეცეს 16,438 ცალი „ახალი აქცია“ მის მიერ შპს „ფრიშოპ.ჯი“-ს (საიდენტიფიკაციო კოდი 404387356) 13% წილის „კომპანიის“ კაპიტალში შეტანის სანაცვლოდ.

2. გაუქმდეს „კომპანიის“ აქციონერების – გიორგი ჯიბლაძის, თეა კობახიძის, გურამ კაკუშაძის, გიორგი გოგუაძის და შპს „სვუპ კონსალტინგის“ უპირატესი შესყიდვის უფლება „ახალი აქციების“ შესყიდვასთან დაკავშირებით .

3. სათანადოდ აისახოს „სვუპის“ აქციონერთა რეესტრში „კომპანიის“ „ახალი აქციების“ გამოშვების შედეგად აქციონერთა წილობრივ მონაწილეობაში მომხდარი ცვლილება შემდეგი პირობების გათვალისწინებით:

a) სს „სმარტექსი“ – 79.11% (869,123 ცალი აქცია);

b) შპს „სვუპ კონსალტინგი“ – 7.10% (78,055 ცალი აქცია);

c) თეა კობახიძე – 3.07% (33,753 ცალი აქცია);

d) გიორგი ჯიბლაძე – 3.07% (33,753 ცალი აქცია);

e) გურამ კაკუშაძე – 3.07% (33,753 ცალი აქცია);

f) გიორგი გოგუაძე – 3.07% (33,753 ცალი აქცია); და

g) კონსტანტინე კუბლაშვილი–1,50% (16,438 ცალი აქცია).

„სმარტექსის“ და კონსტანტინე კუბლაშვილის მიერ „ახალი აქციების“ სანაცვლოდ „ფრიშოპ.ჯი“-ში მათი კუთვნილი წილების „კომპანიის“ კაპიტალში შეტანის შემდგომ, „კომპანია“ გახდეს „ფრიშოპ.ჯი“-ს 100% წილის მფლობელი პარტნიორი .

5. მიენიჭოს უფლებამოსილება „სვუპის” დირექტორს, თეონა კუტალაძეს , შეასრულოს ზემოთ მიღებული გადაწყვეტილებები, ხელი მოაწეროს ამ გადაწყვეტილებების შესასრულებლად საჭირო ყველა დოკუმენტს და მოახდინოს შესაბამისი ცვლილებების რეგისტრაცია კომპანიის აქციონერთა რეესტრში.

ხელმოწერილია 2013 წლის 8 თებერვალს

სს „სმარტექსის”   გიორგი მელიქიძე

დირექტორი