„სს „საპარტნიორო ფონდის“ წესდების დამტკიცებისა და კაპიტალის ფორმირების შესახებ“ საქართველოს მთავრობის 2011 წლის 2 ივნისის №230 დადგენილებაში ცვლილების შეტანის თაობაზე

1.     მე-2 მუხლის:  

ა) მე-3 პუნქტი ჩამოყალიბდეს შემდეგი რედაქციით:

„3. ამ მუხლის მე-2 პუნქტის „ა“, „ბ“, „გ“ და „დ“ ქვეპუნქტებით გათვალისწინებული ცვლილებების განხორციელებისთანავე სს „საპარტნიორო ფონდმა“ უზრუნველყოს სს „საქართველოს ნავთობისა და გაზის კორპორაციის“, სს „ელექტროენერგეტიკული სისტემის კომერციული ოპერატორის“, სს „საქართველოს სახელმწიფო ელექტროსისტემისა“ და სს „თელასის“ აქციონერის ყველა უფლებამოსილების საქართველოს ენერგეტიკისა და ბუნებრივი რესურსების სამინისტროსათვის გადაცემა (ამ მუხლის მე-2 პუნქტის „ა“, „ბ“, „გ“ და „დ“ ქვეპუნქტებში მითითებულ აქციათა მართვის უფლებით გადაცემა), გარდა აქციების გასხვისების, დივიდენდის განაწილების, სამეთვალყურეო საბჭოს შექმნის, გაუქმების, წევრთა არჩევისა და გამოწვევის უფლებამოსილებისა, საზოგადოების კაპიტალში შენატან(ებ)ის (მათ შორის, ფულადი შენატან(ებ)ი) შეტანა და საზოგადოების კაპიტალიდან ქონების ამოღება.“;

ბ) მე-3 პუნქტის შემდეგ დაემატოს შემდეგი შინაარსის მე-4 პუნქტი:

„4. ამ მუხლის მე-3 პუნქტით განსაზღვრული საზოგადოებების კაპიტალში შენატან(ებ)ის (მათ შორის, ფულადი შენატან(ებ)ი) შეტანა და საზოგადოებების კაპიტალიდან ქონების ამოღება, ხორციელდება საქართველოს ენერგეტიკისა და ბუნებრივი რესურსების სამინისტროსთან შეთანხმებით.“.

2.   ამ დადგენილებით დამტკიცებული წესდების  პირველი მუხლის  მე-8 პუნქტს დაემატოს შემდეგი შინაარსის „დ“ ქვეპუნტი:

 „დ) ფონდის მონაწილეობა პროექტში, რომელიც განხორციელდება კაპიტალშენატანით, სესხის, გარანტიის (თავდებობის) გაცემით თუ სხვაგვარად, ჯამურად არ უნდა აღემატებოდეს კერძო ინვესტორ(ებ)ის მიერ პროექტში კაპიტალშენატანის სახით განხორციელებული პროექტის დაფინანსების მთლიან მოცულობას.“.

ამ დადგენილების პირველი მუხლის  მე-2 პუნქტით  გათვალისწინებული ცვლილება გავრცელდება მხოლოდ ფონდის მიერ განსახორციელებელ/დასაფინანსებელ ახალ პროექტებზე.

დადგენილება ამოქმედდეს გამოქვეყნებისთანავე.