„საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირი - დაცვის პოლიციის დეპარტამენტში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 16 იანვრის №19 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2013 წლის 29 მარტი

ქ. თბილისი

„მუხლი 13. სამსახურში მიღების წესი 

1. დეპარტამენტის მოსამსახურის შტატით გათვალისწინებულ თანამდებობაზე მიიღებიან 18-დან 35 წლამდე ასაკის საქართველოს მოქალაქეები, რომლებიც აკმაყოფილებენ ამ წესით გათვალისწინებულ მოთხოვნებს და რომლებსაც თავიანთი პიროვნული და საქმიანი თვისებების, განათლების, ფიზიკური მომზადებისა და ჯანმრთელობის მდგომარეობის შესაბამისად შეუძლიათ შეასრულონ დაკისრებული ფუნქციები.

2. განსაკუთრებულ შემთხვევებში, მინისტრის ან კურატორი მინისტრის მოადგილის თანხმობით და დეპარტამენტის თავმჯდომარის წარდგინებით დეპარტამენტის მოსამსახურის შტატით გათვალისწინებულ თანამდებობაზე შესაძლებელია სამუშაოდ მიღებულ იქნეს 35 წელს გადაცილებული პირი.

3. მოქალაქეები სპეციალური წოდებით, დეპარტამენტში დაცვის ობიექტზე სამსახურის შესასრულებლად  შეიძლება მიღებულ იქნენ  შემდეგი ასაკის მიღწევამდე:

ა) უმცროსი სპეციალური წოდებით - 55 წელი;

ბ) საშუალო სპეციალური წოდებით  - 50 წელი;

გ) უფროსი სპეციალური წოდებით:

გ.ა) პოლკოვნიკამდე - 55 წელი;

გ.ბ) პოლკოვნიკი - 60 წელი;

დ) უმაღლესი სპეციალური წოდებით - 65 წელი.

4. ასაკობრივი შეზღუდვები, გარდა ამ მუხლით გათვალისწინებული მოთხოვნებისა, არ ვრცელდება იმ პირებზე, რომელთა დეპარტამენტში სამუშაოდ მიღება ხდება იმ უწყებებიდან, რომელთაც გააჩნიათ სამხედრო ან სპეციალური წოდებები.

5. ასაკობრივი შეზღუდვა იმ მოქალაქეებისათვის, რომლებიც ადრე დათხოვნილ იქნენ შს ორგანოებიდან და იწყებენ დეპარტამენტში სამსახურს დეპარტამენტის მოსამსახურის შტატით გათვალისწინებულ თანამდებობაზე, განისაზღვრება ამ წესის მე-13 მუხლის მე-3 პუნქტისა და მე-18 მუხლის მოთხოვნებით.

6. დეპარტამენტის ცალკეულ დანაყოფებში პირთა მიღება შეიძლება განხორციელდეს სპეციალური მომზადების შემდეგ, რომლის წესსა და პირობებს განსაზღვრავს მინისტრი.

7. რიგით და უმცროს ოფიცერთა შემადგენლობის თანამდებობაზე მიიღებიან მოქალაქეები, რომლებსაც აქვთ უმაღლესი განათლება ან სრული ზოგადი განათლება.

8. უფროს და უმაღლეს ოფიცერთა შემადგენლობის თანამდებობებზე ინიშნებიან მოქალაქეები, რომლებსაც აქვთ, როგორც წესი, უმაღლესი განათლება.

9. იმ შემთხვევაში, თუ შესაბამისი თანამდებობა ითვალისწინებს როგორც უმცროს, საშუალო, უფროს და უმაღლესი წოდების (რიგითების, უმცროს, უფროს და უმაღლეს ოფიცერთა) ასევე სამოქალაქო პირისა და დამხმარე მოსამსახურის მიღების შესაძლებლობას, ამ მუხლის მე-6 და მე-7 პუნქტებით განსაზღვრული მოთხოვნები (განათლების ცენზები) ვრცელდება სამოქალაქო პირზეც.

10. დეპარტამენტის საშტატო განრიგს ამტკიცებს დეპარტამენტის თავმჯდომარე, რომელსაც ითანხმებს მინისტრი ან საამისოდ უფლებამოსილი პირი (გარდა დასაცავი ობიექტის საშტატო განრიგისა).

11. სამსახურში მიღება ფორმდება დეპარტამენტის თავმჯდომარის ან მის მიერ საამისოდ  უფლებამოსილი პირის სამართლებრივი აქტით.“

„2. განსაკუთრებულ შემთხვევაში, სახელმწიფო ინტერესებიდან გამომდინარე, მინისტრის თანხმობით შესაძლებელია ამ მუხლის პირველი პუნქტის „ე“, „ი-ლ“ ქვეპუნქტებით გათვალისწინებული მოთხოვნების გარეშე პირის მიღება დეპარტამენტში.“

,,მუხლი 39¹. გათავისუფლება დისციპლინური გადაცდომისათვის   

1. დეპარტამენტის თანამშრომელი შეიძლება გაათავისუფლონ სამსახურიდან კანონმდებლობით გათვალისწინებული დისციპლინური გადაცდომისათვის.

2.  სამსახურებრივ მოვალეობათა დარღვევისათვის დეპარტამენტის თანამშრომელი შეიძლება გაათავისუფლონ სამსახურიდან, თუ მის მიმართ უკვე მოქმედებს დისციპლინური პასუხიმგებლობის ნებისმიერი სხვა ზომა.

3. დეპარტამენტის თანამშრომელი შეიძლება გაათავისუფლონ სამსახურიდან დისციპლინური პასუხისმგებლობის მოქმედების გარეშეც, თუ იგი უხეშად დაარღვევს სამსახურებრივ მოვალეობებს.

4. ამ მუხლის საფუძველზე დეპარტამენტის თანამშრომელი სამსახურიდან თავისუფლდება მისთვის შესაბამისი დოკუმენტის გაცნობის დღიდან.    

5. დეპარტამენტის თანამშრომელი, რომელიც თვითნებურად (ზედიზედ 5 სამუშაო დღეზე მეტი ხნით) მიატოვებს სამსახურს, გათავისუფლებულად ჩაითვლება სამსახურის თვითნებური დატოვების მეორე სამუშაო დღიდან.“

,,მუხლი 69. შვებულება ორსულობის, მშობიარობისა და ბავშვის მოვლის გამო

1. მომუშავე პირებისათვის ორსულობის, მშობიარობის და ბავშვის მოვლის, ასევე ახალშობილი ბავშვის შვილების გამო შვებულების მიცემის წესი განისაზღვრება საქართველოს კანონმდებლობით.

2. დეპარტამენტის სტრუქტურული ქვედანაყოფის ლიკვიდაციისას ორსულობის, მშობიარობისა და ახალშობილი ბავშვის შვილების გამო შვებულებაში მყოფი პირი აიყვანება კადრების განკარგულებაში. შვებულებაში ყოფნის პერიოდი არ შედის კადრების განკარგულებაში ყოფნის ვადაში.“.