საქართველოს მოქალაქეების მიერ უცხო ქვეყნების უმაღლეს საგანმანათლებლო დაწესებულებებში განათლების მიღების ხელშეწყობის შესახებ

2. ეს ბრძანებულება არ ვრცელდება საქართველოს მთავრობის ან სხვა სამთავრობო დაწესებულებების მიერ ანალოგიური პროექტების განხორციელებასთან დაკავშირებულ ურთიერთობებზე.

2. საკონკურსო კომისია:

ა) უზრუნველყოფს კონკურსის გამოცხადებას, კონკურსის ჩატარების ვადებისა და კონკურსში მონაწილეობის მისაღებად წარსადგენი დოკუმენტაციის განსაზღვრას;

ბ) კონკურსის ჩატარების ვადების ფარგლებში განიხილავს შესაბამის განცხადებებსა და თანდართულ დოკუმენტაციას, პერიოდულად იღებს გადაწყვეტილებებს უცხო ქვეყნების უმაღლეს საგანმანათლებლო დაწესებულებებში სამაგისტრო პროგრამებზე ჩარიცხული საქართველოს მოქალაქეების შერჩევის შესახებ, განსაზღვრავს მათი დაფინანსების (სრული ან ნაწილობრივი) ოდენობას.

 2. საკონკურსო კომისიის მიერ კონკურსში მონაწილის განცხადებისა და თანდართული დოკუმენტაციის განხილვისა და შეფასების შემდეგ, საკონკურსო კომისიის გადაწყვეტილებით შესაძლებელია განხორციელდეს კანდიდატის მოწვევა გა­სა­­უბ­­რების მიზნით.

3. საკონკურსო კომისია უფლებამოსილია, ამ ბრძანებულების მე-2 მუხლის მე-2 პუნქტის „ა“ ქვეპუნქტის შესაბამისად განსაზღვრული დოკუმენტაციის გარდა, გასაუბრებაზე მოწვეულ განმცხადებელს მოსთხოვოს მის მიერ წარმოდგენილი ინფორმაციის დამადასტურებელი ან/და საკონკურსო კომისიის მიერ საკითხის განხილვისა და გადაწყვეტილების მიღებისათვის აუცილებელი სხვა დოკუმენტების წარდგენა.

 4. თუ განცხადებისა და თანდართული დოკუმენტაციის წარდგენიდან 15 დღის ვადაში განმცხადებელი არ იქნება მოწვეული გასაუბრებაზე, აღნიშნული ჩაითვლება უარად კანდიდატის დაფინანსების თაობაზე.

 5. დაფინანსების მიმღები კანდიდატის გამოვლენას და მის მიერ მისაღები დაფინანსების ოდენობის განსაზღვრას საკონკურსო კომისია ახდენს განცხადებისა და თანდართული დოკუმენტაციის განხილვის, შეფასებისა და კანდიდატთან გასაუბრების შემდეგ.

2. კომისიის გადაწყვეტილების საფუძველზე შესაძლებელია განხორციელდეს შერჩეულ პირთა სწავლისა და სწავლასთან დაკავშირებული სხვა ხარჯების სრული ან ნაწილობრივი დაფინანსება.

2. სწავლასთან დაკავშირებული სხვა ხარჯები მოიცავს სწავლის პერიოდში უცხო ქვეყანაში ცხოვრებასთან დაკავშირებულ ხარჯებს, კერძოდ, მგზავრობის, კვებისა და საცხოვრებელი ფართობის ქირავნობასთან დაკავშირებულ ხარჯებს.

2. საკონკურსო კომისიის მიერ შერჩეული პირის სწავლასთან დაკავშირებული სხვა ხარჯების ანაზღაურების მიზნით, შესაბამისი თანხა ერთჯერადი ფინანსური დახმარების სახით გადაირიცხება შერჩეული პირის საბანკო ანგარიშზე.

2. ამ მუხლის პირველი პუნქტით გათვალისწინებული დოკუმენტის წარუდგენლობის შემთხვევაში შერჩეული პირი ვალდებულია სახელმწიფო ბიუჯეტში დააბრუნოს შესაბამისი ოდენობის თანხა.