დუშეთის მუნიციპალიტეტის საკრებულოს წევრების მიერ უფლებამოსილების განხორციელებასთან დაკავშირებული ხარჯების ანაზღაურების შესახებ

✨ ჰკითხე AI-ს ამ კანონის შესახებ
მუნიციპალიტეტისა და თვითმმართველი ქალაქის საკრებულოს დადგენილება ძალადაკარგული ადგილობრივი თვითმმართველობა
მიღების თარიღი
28.03.2013 ძალადაკარგული 08.05.2013
გამომცემი ორგანო
დუშეთის მუნიციპალიტეტი
ნომერი
№13
სარეგისტრაციო კოდი
190250000.35.152.016118
გამოქვეყნების წყარო
matsne.gov.ge , 05/04/2013
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
ცვლილებები (1)
1
დუშეთის მუნიციპალიტეტის საკრებულოს წევრების მიერ უფლებამოსილების განხორციელებასთან დაკავშირებული ხარჯების ანაზღაურების შესახებ
08.05.2013
05.04.2013 08.05.2013

დოკუმენტის ტექსტი

📑 სარჩევი (7 მუხლი)
 

დუშეთის მუნიციპალიტეტის საკრებულოს

დადგენილება №13

2013 წლის 28 მარტი

ქ. დუშეთი

 

დუშეთის მუნიციპალიტეტის საკრებულოს წევრების მიერ უფლებამოსილების განხორციელებასთან დაკავშირებული ხარჯების ანაზღაურების შესახებ
,,ადგილობრივი თვითმმართველობის შესახებ“ საქართველოს ორგანული კანონის პირველი და მე-2 პუნქტების, მე-16 მუხლის მე-3 პუნქტის და 326 მუხლის მე-6 პუნქტის შესაბამისად, დუშეთის მუნიციპალიტეტის საკრებულო ადგენს:

მუხლი 1
 

  საკრებულოს თანამდებობის პირების მიერ, სადეპუტატო უფლებამოსილების  განხორციელებასთან დაკავშირებული ხარჯების ანაზღაურება მოხდეს საჯარო მოსამსახურეთათვის კანონმდებლობით დადგენილი წესით. 

მუხლი 2
განისაზღვროს საკრებულოს სხდომებში და მის ორგანოთა მუშაობაში მონაწილეობის მისაღებად, ამომრჩევლებთან შესახვედრად, დუშეთის მუნიციპალიტეტის საკრებულოს სახელფასო ანაზღაურების გარეშე მყოფი წევრებისათვის საკრებულოს წევრის უფლებამოსილების განხორციელებასთან დაკავშირებული ყოველთვიური ხარჯის ზღვრული ოდენობა, ხოლო საკრებულოს და საკრებულოს თავმჯდომარის დავალებების შესრულებისთვის-ანაზღაურების ზღვრული ოდენობა (დანართის შესაბამისად).
მუხლი 3
საკრებულოს თითოეული სახელფასო ანაზღაურების გარეშე მყოფი წევრისთვის ამ დადგენილების დანართში მითითებული ასანაზღაურებელი ხარჯის კონკრეტული ოდენობა, რომელიც დაკავშირებულია საკრებულოს და საკრებულოს თავმჯდომარის დავალებების შესრულებასთან, განისაზღვრება საკრებულოს თავმჯდომარის ბრძანებით, რომლის უზრუნველსაყოფად:

ა) საკრებულოს სახელფასო ანაზღაურების გარეშე მყოფი წევრები, ყოველი თვის არა უგვიანეს 10 რიცხვისა, საკრებულოს აპარატის უფროსს წარუდგენენ ინფორმაციას, რომელშიც მითითებული უნდა იყოს წინა თვეში საკრებულოს და საკრებულოს თავმჯდომარის კონკრეტული დავალების (დავალებების) შესრულებისათვის გაწეული დანახარჯის ოდენობა;

ბ) საკრებულოს აპარატის უფროსი მოხსენებითი ბარათით ერთიან ინფორმაციას  წარუდგენს საკრებულოს თავმჯდომარეს და ამ ინფორმაციაზე დაყრდნობით შემუშავდება საკრებულოს თავმჯდომარის ბრძანების პროექტი.

მუხლი 4
დუშეთის მუნიციპალიტეტის საკრებულოს აპარატმა უზრუნველყოს საკრებულოს წევრების საკრებულოს სხდომებში და მის ორგანოთა მუშაობაში მონაწილეობის აღრიცხვა, ხოლო საკრებულოს სახელფასო ანაზღაურების გარეშე მყოფმა წევრებმა, ყოველი თვის 10 რიცხვამდე, საკრებულოს თავმჯდომარის სახელზე წარმოადგინონ ინფორმაცია წინა თვეს მათი, როგორც საკრებულოს წევრების, მიერ განხორციელებული საქმიანობის შესახებ.
მუხლი 5
საკრებულოს თავმჯდომარე უფლებამოსილია, საკრებულოს კონკრეტული წევრებისათვის განსაზღვროს ანაზღაურების ნაკლები ოდენობა, თუ საკრებულოს რომელიმე წევრის (წევრების) მიერ საკრებულოს სხდომებში და მის ორგანოთა მუშაობაში მონაწილეობის მიღების (დასწრების) ფაქტობრივი მონაცემები მნიშვნელოვნად განსხვავდება (ნაკლებია) სხვა წევრების დასწრების ფაქტობრივი მონაცემებისაგან. 
მუხლი 6
დუშეთის მუნიციპალიტეტის გამგეობამ ყოველთვიურად, საქართველოს საგადასახადო კოდექსის გათვალისწინებით, უზრუნველყოს ამ დადგენილების პირველი პუნქტით დამტკიცებული ანაზღაურების დარიცხვა.
მუხლი 7
  ეს დადგენილება ძალაშია გამოქვეყნებისთანავე და მისი მოქმედება გავრცელდეს 2013 წლის 1 მარტიდან  წარმოშობილ სამართლებრივ ურთიერთობებზე.

საკრებულოს თავმჯდომარეცარო საძაგლიშვილი

ხშირად დასმული კითხვები

მოქმედებს თუ არა „დუშეთის მუნიციპალიტეტის საკრებულოს წევრების მიერ უფლებამოსილების განხორციელებასთან დაკავშირებული ხარჯების ანაზღაურების შესახებ“?
არა, დოკუმენტი ძალადაკარგულია. ბოლო რედაქცია — 08.05.2013.
როდის იქნა მიღებული „დუშეთის მუნიციპალიტეტის საკრებულოს წევრების მიერ უფლებამოსილების განხორციელებასთან დაკავშირებული ხარჯების ანაზღაურების შესახებ“?
„დუშეთის მუნიციპალიტეტის საკრებულოს წევრების მიერ უფლებამოსილების განხორციელებასთან დაკავშირებული ხარჯების ანაზღაურების შესახებ“ მიღებულია 28.03.2013. მიმღები ორგანო — დუშეთის მუნიციპალიტეტი. დოკუმენტის ნომერი — №13. სარეგისტრაციო კოდი — 190250000.35.152.016118.
რამდენჯერ შევიდა ცვლილება „დუშეთის მუნიციპალიტეტის საკრებულოს წევრების მიერ უფლებამოსილების განხორციელებასთან დაკავშირებული ხარჯების ანაზღაურების შესახებ“-ში?
დოკუმენტში სულ 1 ცვლილებაა შესული. მოქმედი რედაქცია ძალაშია 08.05.2013-დან.
რამდენი მუხლისგან შედგება „დუშეთის მუნიციპალიტეტის საკრებულოს წევრების მიერ უფლებამოსილების განხორციელებასთან დაკავშირებული ხარჯების ანაზღაურების შესახებ“?
დოკუმენტი შედგება 7 მუხლისგან. თითოეული მუხლი ხელმისაწვდომია ცალკე ბმულით.
სად არის „დუშეთის მუნიციპალიტეტის საკრებულოს წევრების მიერ უფლებამოსილების განხორციელებასთან დაკავშირებული ხარჯების ანაზღაურების შესახებ“-ის ოფიციალური ტექსტი?
ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 08.05.2013 მდგომარეობით.

როგორ დავიმოწმოთ

მუნიციპალიტეტისა და თვითმმართველი ქალაქის საკრებულოს დადგენილება „დუშეთის მუნიციპალიტეტის საკრებულოს წევრების მიერ უფლებამოსილების განხორციელებასთან დაკავშირებული ხარჯების ანაზღაურების შესახებ“, №13, 28.03.2013, სარეგისტრაციო კოდი 190250000.35.152.016118 (კონსოლიდირებული რედაქცია 08.05.2013). ხელმისაწვდომია: https://legali.ge/law/1882648/