შიდა ტურიზმის ხელშეწყობისა და საბიუჯეტო სახსრების ეფექტურად ხარჯვის უზრუნველსაყოფად გასატარებელ ღონისძიებათა შესახებ

საქართველოს მთავრობის

განკარგულება №1532

2013 წლის 31 ოქტომბერი

 ქ. თბილისი

შიდა ტურიზმის ხელშეწყობისა და საბიუჯეტო სახსრების ეფექტურად ხარჯვის უზრუნველსაყოფად გასატარებელ ღონისძიებათა შესახებ

1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ა“, „ზ“ და „კ“ ქვეპუნქტების შესაბამისად, ქვეყანაში შიდა ტურიზმის ხელშეწყობისა და საბიუჯეტო სახსრების ეფექტურად ხარჯვის უზრუნველსაყოფად, დაევალოთ საქართველოს აღმასრულებელი ხელისუფლების შესაბამის დაწესებულებებს, ხოლო საჯარო სამართლის იურიდიულ პირებს (მათი დაფინანსების წყაროების მიუხედავად), ასევე სახელმწიფო ბიუჯეტისა და ადგილობრივი თვითმმართველობის ბიუჯეტის დაფინანსებაზე მყოფ სხვა დაწესებულებებსა და ორგანოებს ეთხოვოთ, მათი საქმიანობიდან გამომდინარე,  საქართველოს მასშტაბით  ჩასატარებელი სახელმწიფო ბიუჯეტისა და ადგილობრივი თვითმმართველობის ბიუჯეტის სახსრებით დაფინანსებული ტრეინინგების, სემინარები ს , კონფერენციები სა და სხვა მასობრივი ღონისძიებებ ის ჩატარება უზრუნველყონ, ამ განკარგულების დანართით გათვალისწინებული, ყოველი წლის შესაბამისი კვარტალისთვის განსაზღვრული რეგიონების ადმინისტრაციულ საზღვრებში.

2. აღმასრულებელი ხელისუფლების შესაბამისი დაწესებულებების მიერ ამ განკარგულების პირველი პუნქტით დადგენილი წესის დაცვის გარეშე შესაბამისი  ღონისძიების ჩატარება შესაძლებელია მხოლოდ განსაკუთრებულ შემთხვევებში, დასაბუთებული აუცილებლობისა და ღონისძიების სპეციფიკის გათვალისწინებით, საქართველოს მთავრობის თანხმობით.

3. აღნიშნული განკარგულება არ ვრცელდება:

ა) ამ განკარგულების პირველი პუნქტით გათვალისწინებულ იმ დაწესებულებებზე, რომელთა ადგილსამყოფელი (იურიდიული მისამართი) მდებარეობს ამ განკარგულების დანართით გათვალისწინებული რეგიონების ადმინისტრაციულ საზღვრებში;

ბ) ქ. თბილისში, სახელმწიფო ბიუჯეტისა და ადგილობრივი თვითმმართველობის ბიუჯეტის სახსრებით დასაფინანსებელი, ტრეინინგების, სემინარები ს , კონფერენციები სა და სხვა მასობრივი ღონისძიებებ ის ჩატარებაზე.

4. დაევალოს საქართველოს ეკონომიკისა და მდგრადი განვითარების სამინისტროს სსიპ – საქართველოს ტურიზმის ეროვნულ ადმინისტრაციას,  ამ განკარგულების ხელმოწერიდან 2 თვის ვადაში უზრუნველყოს შესაბამისი კვლევის ჩატარება საქართველოს  მასშტაბით არსებული სასტუმროების (გარდა თბილისისა) სეზონის მიხედვით დატვირთვის მონაცემების დადგენის მიზნით.

პრემიერ-მინისტრი                                                                                    ბ . ივანიშვილი

დანართი

● 1 კვარტალი – აჭარის ა/რ, სამეგრელო, გურია, იმერეთი, რაჭა-ლეჩხუმი, კახეთი, სამცხე-ჯავახეთი (გარდა ბაკურიანისა), სვანეთი, ქვემო ქართლი;

● II კვარტალი – სამეგრელო (გარდა ანაკლიისა), გურია (გარდა ურეკისა), იმერეთი, რაჭა-ლეჩხუმი, მცხეთა-მთიანეთი,  სამცხე-ჯავახეთი, შიდა და ქვემო ქართლი;

● III კვარტალი – სამეგრელო (გარდა ანაკლიისა), გურია (გარდა ურეკისა), იმერეთი (გარდა ქუთაისი, საირმე, წყალტუბო), შიდა და ქვემო ქართლი;

● IV კვარტალი – აჭარის ა/რ, სამეგრელო, გურია, იმერეთი, რაჭა-ლეჩხუმი, კახეთი, სამცხე-ჯავახეთი (გარდა ბაკურიანისა), სვანეთი, შიდა და ქვემო ქართლი.