,,აფხაზეთის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ აფხაზეთის კანონში ცვლილებების შეტანის თაობაზე

1.  მე-12 მუხლი ჩამოყალიბდეს შემდეგი რედაქციით

,,მუხლი 12

აფხაზეთის აღმასრულებელი ხელისუფლების დაწესებულებებია:

ა) განათლებისა და კულტურის სამინისტრო;

ბ) შრომის, ჯანმრთელობისა და სოციალური დაცვის სამინისტრო;

გ) ფინანსთა და ეკონომიკის სამინისტრო;

დ) დევნილთა საქმეების დეპარტამენტი;

ე) იუსტიციის დეპარტამენტი;

ვ) სოფლის მეურნეობის, გარემოს დაცვისა და ბუნებრივი რესურსების დეპარტამენტი.“.

2. 23-ე მუხლის პირველი პუნქტის ,,ბ“ და ,,გ“ ქვეპუნქტები ამოღებულ იქნეს.

3. 23-ე მუხლს დაემატოს შემდეგი შინაარსის მე-3-მე-7 პუნქტები:

,,3. ლიკვიდირებულ იქნეს აფხაზეთის ავტონომიური რესპუბლიკის ფინანსთა სამინისტრო და მისი ფუნქციები გადაეცეს აფხაზეთის ავტონომიური რესპუბლიკის ფინანსთა და ეკონომიკის სამინისტროს.

4. ლიკვიდირებულ იქნეს აფხაზეთის ავტონომიური რესპუბლიკის ეკონომიკის სამინისტრო და მისი ფუნქციები გადაეცეს აფხაზეთის ავტონომიური რესპუბლიკის ფინანსთა და ეკონომიკის სამინისტროს.

5. აფხაზეთის ავტონომიური რესპუბლიკის ფინანსთა და ეკონომიკის სამინისტრო ჩაითვალოს აფხაზეთის ავტონომიური რესპუბლიკის ფინანსთა სამინისტროსა და აფხაზეთის ავტონომიური რესპუბლიკის ეკონომიკის სამინისტროს უფლებამონაცვლედ.

6. აფხაზეთის ავტონომიური რესპუბლიკის ფინანსთა სამინისტროსა და აფხაზეთის ავტონომიური რესპუბლიკის ეკონომიკის სამინისტროს მიერ გამოცემული აქტები ინარჩუნებს იურიდიულ ძალას უფლებამონაცვლე დაწესებულების მიერ ახალი აქტების გამოცემამდე. ამასთან, ზემოაღნიშნულ აქტებში ცვლილებების შეტანის უფლებამოსილება ენიჭება შესაბამის უფლებამონაცვლე დაწესებულებას.

7. აფხაზეთის ავტონომიური რესპუბლიკის ფინანსთა სამინისტროს ლიკვიდაციასთან და აფხაზეთის ავტონომიური რესპუბლიკის ეკონომიკის სამინისტროს ლიკვიდაციასთან დაკავშირებით აფხაზეთის ავტონომიური რესპუბლიკის მთავრობამ უზრუნველყოს კანონმდებლობით განსაზღვრული ღონისძიებების განხორციელება.“.

2. ამ კანონის პირველი მუხლის მე-3 პუნქტით გათვალისწინებული მე-7 პუნქტი ამოქმედდეს გამოქვეყნებისთანავე.