მოძრავი სახელმწიფო ქონების აჭარის ავტონომიური რესპუბლიკის საკუთრებაში გადაცემის შესახებ

საქართველოს მთავრობის

განკარგულება №505

2009 წლის 14 ივლისი

ქ. თბილისი

მოძრავი სახელმწიფო ქონების აჭარის ავტონომიური რესპუბლიკის საკუთრებაში გადაცემის შესახებ

   1. ,,აჭარის ავტონომიური რესპუბლიკისათვის სახელმწიფო ქონების საკუთრებაში გადაცემის წესის შესახებ” საქართველოს მთავრობის 2005 წლის 19 თებერვლის № 26 დადგენილებით დამტკიცებული დებულების პირველი მუხლის მე-3 პუნქტის შესაბამისად აჭარის ავტონომიურ რესპუბლიკას საკუთრებაში გადაეცეს მოძრავი სახელმწიფო ქონება, კერძოდ, თვითმფრინავი „AH-2”, საქარხნო ნომერი – 1Г16515, ბორტი ნომერი – 07, გამოშვების თარიღი 31.08.1975, ძრავა АШ-62ИР, ნომერი – K16333100, გამოშვების თარიღი 23.11.1983.   

   2. საქართველოს ეკონომიკური განვითარების სამინისტრომ განკარგულების შესრულების მიზნით უზრუნველყოს მოქმედი კანონმდებლობით გათვალისწინებულ ღონისძიებათა განხორციელება.

 

პრემიერ-მინისტრი ნიკა გილაური