საქართველოს პრეზიდენტის 2009 წლის 10 მარტის №181 განკარგულების სათანადო ვადებში შესრულების უზრუნველსაყოფად გასატარებელ ღონისძიებათა შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №579
2009 წლის 4 აგვისტო
ქ. თბილისი
საქართველოს პრეზიდენტის 2009 წლის 10 მარტის № 181 განკარგულების სათანადო ვადებში შესრულების უზრუნველსაყოფად გასატარებელ ღონისძიებათა შესახებ
,,სახელმწიფო შესყიდვების შესახებ” საქართველოს კანონის მე-10 მუხლის მე-3 პუნქტის ,,ე” ქვეპუნქტის შესაბამისად რუსეთის ფედერაციის აგრესიის შედეგად დაღუპული და უგზო-უკვლოდ დაკარგული სამხედრო მოსამსახურეებისა და პოლიციელების, აგრეთვე, სასჯელაღსრულების დეპარტამენტის მოსამსახურეების ოჯახის წევრთათვის გადასაცემი საცხოვრებელი სახლის საყოფაცხოვრებო პირობებით უზრუნველყოფის სამუშაოების დასასრულებლად საჭირო ღონისძიებების შეზღუდულ ვადებში შეუფერხებელი გატარების მიზნით საქართველოს თავდაცვის სამინისტრომ ქ. თბილისში, აბაშვილის ქუჩა № 3-ში მდებარე საცხოვრებელი სახლის წყლით, გაზით (მათ შორის – გაზქურებით), ელექტროენერგიითა და კანალიზაციის ქსელით უზრუნველსაყოფად საჭირო სამუშაოებისა (მათ შორის – საპროექტო სამუშაოების) და ამ სახლის მიმდებარე ტერიტორიის კეთილმოწყობის სამუშაოთა (მათ შორის – საპროექტო სამუშაოთა) სახელმწიფო შესყიდვები განახორციელოს ერთ პირთან მოლაპარაკების საშუალებით.
პრემიერ-მინისტრი ნიკა გილაური