საქართველოსა და ევროკავშირს შორის სავიზო მიმოსვლის გამარტივებასთან დაკავშირებულღონისძიებათა თაობაზე

საქართველოს მთავრობის

განკარგულება №707

2008 წლის 27 ოქტომბერი

ქ. თბილისი

საქართველოსა და ევროკავშირს შორის სავიზო მიმოსვლის გამარტივებასთან დაკავშირებულღონისძიებათა თაობაზე

1. მოწონებულ იქნეს მოქალაქეთა იმ კატეგორიების თან­დართული ნუსხა, რომელთა მიმართ საქართველო-ევროკავ­შირის სავიზო მიმოსვლის გამარტივების ხელშეკ­რულებით მი­ზან­შეწონილია გავრცელდეს სავიზო შეღავათები.

2. საქართველოს საგარეო საქმეთა სამინისტრომ (ე. ტყე­შელაშვილი) და შესაბამისმა სახელმწიფო უწყებებმა ევ­როპულ მხარესთან სავიზო მიმოსვლის შესახებ ხელშეკრულე­ბაზე მოლაპარაკების წარმოებისას იხელ­მ­ძღვანელონ ზემოაღ­ნიშნული ნუსხით.

პრემიერ-მინისტრი                              ვ. გურგენიძე

დანართი

საქართველოს მოქალაქეთა კატეგორიების ნუსხა, რომელთა მიმართ მი­ზან­შეწონილია გავრცელდეს სავიზო შეღავათები

1. ოფიციალური დელეგაციების წევრები და მათი თანმხლები პირები, რომლებიც ოფიციალური მოწვევის თანახმად მონა­წილეობენ შეხვედრებში, კონსულტაციებში, მოლაპარაკებებში თუ გაცვლით პროგრამებში, ასევე ევროკავშირის წევრი სახელმწიფოების ტერიტორიაზე სამთავრობოთაშორისო ორგა­ნიზაციების მიერ მოწყობილ ღონისძიებებში;

2. სხვადასხვა პროფესიული სფეროს წარმომადგენლები, რომ­ლებიც მონაწილეობენ საერთაშორისო გამოფენებში, კონფე­რენციებში, სიმპოზიუმებში, სემინარებსა და სხვა მსგავსი სახის ღონისძიებებში, რომლებიც იმართება ევროკავშირის წევრი სახელმწიფოების ტერიტორიაზე;

3. კერძო სამეწარმეო სექტორის და ორგანიზაციების წარმომად­გენლები;

4. მძღოლები, რომლებიც მათივე ქვეყანაში დარეგისტრირებული ტრანსპორტით ახორციელებენ საერთაშორისო გადაზიდვებს (ტვირთი/მგზავრები) ევროკავშირის წევრი სახელმწიფოების ტერიტორიაზე;

5. მატარებლებისა და ლოკომოტივების ეკიპაჟის, თვითმფრინავისა და გემის ეკიპაჟის წევრები, რომლებსაც უწევთ საერთა­შორისო რეისებით გადაადგილება ევროკავშირის წევრი სა­ხელ­მწიფოების ტერიტორიაზე;

6. ჟურნალისტები;

7. ის პირები, რომლებიც მონაწილეობენ სამეცნიერო, კულტუ­რულ და სახელოვნებო, საუნივერსიტეტო თუ სხვა გაცვლით პროგრამებში, მათ შორის, დიასპორისა და სათვისტომოების წარმომადგენელთა მიერ ორგანიზებულ ღონისძიებებში;

8. მოსწავლეები, სტუდენტები, დოქტორანტები და მათი თან­მხლები მასწავლებლები, რომლებიც მიემგზავრებიან სასწავ­ლებლად და საგანმანათლებლო ტრეინინგებზე, გაცვ­ლითი თუ სხვა სასწავლო პროგრამების ჩათვლით;

9. პროფესორ-მასწავლებლები;

10. საერთაშორისო სპორტულ ღონისძიებებში მონაწილენი და მათი თანმხლები პირები;

11. დამეგობრებული ქალაქებისა თუ სხვა მუნიციპალიტეტების მიერ ორგანიზებული ოფიციალური გაცვლითი პროგრამების მონაწილეები;

12. ახლო ნათესავები – მეუღლე, შვილები (მათ შორის, ნაშვი­ლები), მშობლები (მათ შორის, მეურვეები), ბებია-ბაბუები, შვილიშვილები, და-ძმები, დეიდა-ბიძები, დეიდაშვილ-ბიძა­შვილები, რომლებიც სტუმრობენ ევროკავშირის წევრი სახელ­მწიფოების ტერიტორიაზე ლეგალურად მცხოვრებ ნათესავებს;

13. სამოქალაქო საზოგადოებრივი ორგანიზაციების წარმომად­გენლები, რომელებიც მიემგზავრებიან სასწავლო ტრეინინ­გებზე, სემინარებზე, კონფერენციებზე, მათ შორის, გაცვლითი პროგრამების ფარგლებში;

14.  პირები, რომლებიც ესწრებიან დაკრძალვის ცერემონიალს;

15.  პირები, რომლებიც მიემგზავრებიან ძმათა და სამოქალაქო სასაფლაოების მოსანახულებლად;

16. სამკურნალო მიზნებით მიმავალი მგზავრები და მათი თანმ­ხლები პირები;

17. ადგილობრივი აღმასრულებელი და არჩევითი ორგანოების წარმომადგენლები;

 18. ეროვნული და ადგილობრივი აღმასრულებელი და წარმო­მადგენლობითი (საკანონმდებლო) ორგანოების, საკონ­სტი­ტუ­ციო და უზენაესი სასამართლოების, ეროვნული ბანკის საბჭოს, ეროვნული მარეგულირებელი კომისიების წევრები, კონტროლის პალატის თავმჯდომარე და თავმჯდო­მარის მო­ადგილეები;

19. ევროკავშირის წევრი სახელმწიფოების ტერიტორიაზე მოქმედ სასამართლოებში მოწმის სტატუსით გამოძახებული პირები;

20.  პენსიონერები;

21.  უნარშეზღუდული პირები და მათი თანმხლები პირები;

22.  პირები 18 წლამდე ან მეურვეობის ქვეშ მყოფი პირები 21 წლამდე.