კონტრდაზვერვითი საქმიანობის განმახორციელებელ სპეციალურ სამსახურებს, აგრეთვე სახელმწიფო ხელისუფლების სხვა ორგანოებს შორის სახელმწიფო უსაფრთხოების უზრუნველყოფის ინტერესებიდან გამომდინარე ინფორმაციის გაცვლისა და საინფორმაციო ბანკის წარმოების წესის შესახებ

1. კონტრდაზვერვითი საქმიანობის განმახორციელებელ სპეცია­ლურ სამსახურებს, აგრეთვე სახელმწიფო ხელისუფლების სხვა ორგა­ნო­ებს შორის სახელმწიფო უსაფრთხოების უზრუნველყოფის ინტერესები­დან გამომდინარე ინფორმაციის გაცვლისა და საინფორმაციო ბანკის წარ­მოების წესი (დანართი №1).

2. ერთიანი კონტრდაზვერვითი საქმიანობის ინფორმაციული უზ­რუნ­ველ­ყოფის ცნობათა ნუსხა (დანართი №2).

 2. წესი შემუშავებულია საქართველოს კონსტიტუციის, „კონტრდა­ზ­ვერვითი საქმიანობის შესახებ“ საქართველოს კანონის და სხვა ნორ­მატიული აქტების საფუძველზე.

ინფორმაციის გაცვლა

 3. ერთიანი კონტრდაზვერვითი საქმიანობის ორგანიზაციისა და კოორდინაციის განხორციელების მიზნით, სამსახურები და ორგანოები, რომლებისთვისაც თავიანთი უფლებამოსილების განხორციელებისას ცნო­ბილი გახდება კონტრსადაზვერვო ხასიათის მონაცემები, ვალდე­ბუ­ლი არიან ამ დადგენილების პირველი მუხლის მე‑2 პუნქტით დამტკი­ცებული „ერთიანი კონტრდაზვერვითი საქმიანობის ინფორმაციული უზ­რუნველყოფის ცნობათა ნუსხით“ (შემდგომში ‑ ნუსხა) გათვალის­წი­ნებული ნებისმიერი ინფორმაცია მიღებისთანავე მიაწოდონ საქართ­ვე­ლოს შინაგან საქმეთა სამინისტროს კონტრდაზვერვის დეპარტამენტს (შემდგომში ‑ კონტრდაზვერვის დეპარტამენტი).

 4. კონტრდაზვერვის დეპარტამენტში ინფორმაცია შეიძლება წარ­დგენილ იქნეს იმ შემთხვევაშიც, თუ მისი მფლობელი სახელმწიფო ორ­განო (სამსახური) მიზანშეწონილად მიიჩნევს, რომ იგი მნიშვნელოვანია კონტრდაზვერვითი საქმიანობისათვის.

 5. სამსახურები და ორგანოები ნუსხით გათვალისწინებულ ინ­ფო­რ­მაციას კონტრდაზვერვის დეპარტამენტს გადასცემენ წერილობით „სახე­ლ­მწიფო საიდუმლოების შესახებ“ საქართველოს კანონითა და კანონქვემ­დებარე ნორმატიული აქტებით განსაზღვრული მოთხოვნების დაცვით, ხოლო გადაუდებელ შემთხვევაში - ზეპირად. ინიციატორმა ორგანომ ზე­პი­რი ფორმით მიწოდებული ინფორმაცია წერილობით უნდა დაადას­ტუ­როს არა უგვიანეს 24 საათის განმავლობაში.

 6. მიწოდებული ინფორმაცია უნდა აკმაყოფილებდეს ოპერატიული ინფორმაციისათვის წაყენებულ მოთხოვნებს (დროულობა, უტყუარობა, სისრულე).

 7. კონტრდაზვერვის დეპარტამენტი უზრუნველყოფს მიღებული ინ­ფორმაციის შეფასებას, დამუშავებას, ანალიზს და საქართველოს ში­ნა­გან საქმეთა სამინისტროს საინფორმაციო-ანალიტიკური დეპარტამენ­ტისათვის გადაცემას (შემდგომში ‑ საინფორმაციო-ანალიტიკური დეპარ­ტამენტი).

საინფორმაციო ბანკში ინფორმაციის განთავსება

 8. საინფორმაციო ბანკის ორგანიზაციულ და სააღრიცხვო-ანალი­ტიკურ საქმიანობას უზრუნველყოფს საინფორმაციო-ანალიტიკური დე­პა­რტამენტი.

 9. კონტრდაზვერვითი საქმიანობის ეფექტიანად წარმართვის ხელ­შეწყობის მიზნით, საინფორმაციო ბანკის მეშვეობით ხორციელდება კონ­ტრდაზვერვის დეპარტამენტის მიერ მიწოდებული ინფორმაციის აღრიც­ხვა, სტატისტიკური და ანალიზური საქმიანობისათვის გამოყენება.

 10. საინფორმაციო-ანალიტიკური დეპარტამენტის საინფორმაციო ბანკიდან ინფორმაციის მიღების უფლება აქვთ სამსახურებს წერი­ლო­ბი­თი მოთხოვნის საფუძველზე.

 2. ინფორმაცია საზღვარგარეთ საქართველოს დიპლომატიური წარ­მომადგენლობებისა და/ან საკონსულო დაწესებულებების, აგრეთვე საზ­ღვარგარეთ (დროებით) მყოფი საქართველოს მოქალაქეების, მათი საც­ხოვრებელი ადგილის და/ან სატრანსპორტო საშუალებების მიმართ ტე­რორისტული ქმედებების მომზადების ან ჩატარების ნიშნების შესახებ.

 3. ინფორმაცია საზღვარგარეთ მყოფი საქართველოს დელეგაციების და/ან იმ მოქალაქეთა (რომლებიც დაკავშირებული არიან სახელმწიფო საიდუმლოების შემცველ საქმიანობასთან) მიმართ ორგანიზებული და მიზანმიმართული ხასიათის პროვოკაციების, ძალადობრივი ქმედებების ან მათი წინაპირობების შესახებ.

 4. ინფორმაცია საზღვარგარეთ მყოფი საქართველოს მოქალაქეების დაკავების, დაპატიმრების, გაუჩინარების ან დაღუპვის შესახებ, თუ აღ­ნიშნული ქმედება კავშირშია უცხო ქვეყნის სპეცსამსახურებთან.

 5. მონაცემები საქართველოს საგარეო უშიშროების და/ან საქართვე­ლოს თავდაცვისუნარიანობის ხელყოფის მცდელობის შესახებ.

 6. ინფორმაცია ჯაშუშობის ნიშნების გამოვლენის შესახებ.

 7. ინფორმაცია საქართველოს მოქალაქის უცხოეთის სადაზვერვო სამ­სახურში შესვლის შესახებ.

 8. ინფორმაცია საქართველოს მოქალაქის უცხო ქვეყნის ან უცხო­ე­თის ორგანიზაციის სამხედრო სამსახურში შესვლის შესახებ.

 9. ინფორმაცია უცხო ქვეყანასთან ან უცხოეთის ორგანიზაციასთან ისეთი ურთიერთობის დამყარების შესახებ, რომლის მიზანია საქართვე­ლოს წინააღმდეგ საომარი მოქმედებების ან აგრესიის სხვა აქტის მომზა­დება ან პროვოცირება.

 10. ინფორმაცია სამხედრო ხელმძღვანელობის უკანონოდ ხელში ჩაგ­დების ან კანონიერი ხელისუფლებისადმი დაუმორჩილებლობის მცდე­ლობის შესახებ.

 11. ინფორმაცია უცხოეთის ორგანიზაციისათვის ან უცხოეთის კონ­ტროლს დაქვემდებარებული ორგანიზაციისათვის საქართველოს წინააღ­მდეგ მტრულ საქმიანობაში დახმარების აღმოჩენის მცდელობის შესახებ.

 12. ინფორმაცია სახელმწიფო საიდუმლოების გაცემის მცდელობის შესახებ.

 13. ინფორმაცია სახელმწიფო საიდუმლოების დაცვის წესის დარ­ღვევის ან სახელმწიფო საიდუმლოების გახმაურების წინაპირობების შე­სახებ.

 14. ინფორმაცია სახელმწიფო საიდუმლოების შემცველი ინფორმა­ცი­ის ტექნიკური და სხვა საშუალებებით მოხსნის ფაქტების ან ნიშნების შესახებ.

 15. ინფორმაცია სახელმწიფო საზღვარზე კონფლიქტებისა და ინცი­დენტების შესახებ.

 16. ინფორმაცია სახელმწიფო საზღვრის დარღვევის მცდელობის შე­სახებ.

 17. მონაცემები სეპარატისტებთან თანამშრომლობის შესახებ.