„საქართველოს ლტოლვილთა და განსახლების სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ“ საქართველოს მთავრობის 2009 წლის 9 ოქტომბრის №747 განკარგულებაში ცვლილების შეტანის თაობაზე

საქართველოს მთავრობის

განკარგულება №880

2009 წლის 18 ნოემბერი

ქ. თბილისი

„საქართველოს ლტოლვილთა და განსახლების სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ“საქართველოს მთავრობის 2009 წლის 9 ოქტომბრის № 747 განკარგულებაში ცვლილების შეტანის თაობაზე

„საქართველოს ზოგადი ადმინისტრაციული კოდექსის“63-ე მუხლის შესაბამისად, „საქართველოს ლტოლვილთა და განსახლების სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ“საქართველოს მთავრობის 2009 წლის 9 ოქტომბრის № 747 განკარგულებაში შეტანილ იქნეს ცვლილება და განკარგულების ტექსტი ჩამოყალიბდეს შემდეგი რედაქციით:

„აშენებულ, რეაბილიტირებულ ან/და შესყიდულ კოტეჯებსა და ბინებში შესახლებულ იძულებით გადაადგილებულ პირთა – დევნილთათვის პირველადი მოხმარების საგნების, საკვები პროდუქტებისა და საჭირო ინვენტარის შეძენის, ტრანსპორტირებისა და მონტაჟის მიზნით საქართველოს ფინანსთა სამინისტრომ „საქართველოს 2009 წლის სახელმწიფო ბიუჯეტის შესახებ“საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს ლტოლვილთა და განსახლების სამინისტროს გამოუყოს 50 000 (ორმოცდაათი ათასი) ლარი.“.

პრემიერ-მინისტრი                                                                                         ნ. გილაური