უკრაინაში სამეცნიერო-ტექნოლოგიური ცენტრისათვის უძრავი ქონების უსასყიდლოდ სარგებლობაში გადაცემაზე თანხმობის მიცემის შესახებ

საქართველოს მთავრობის

განკარგულება №662

2013 წლის 21 ივნისი

ქ. თბილისი

უკრაინაში სამეცნიერო-ტექნოლოგიური ცენტრისათვის უძრავი ქონების უსასყიდლოდ სარგებლობაში გადაცემაზე თანხმობის მიცემის შესახებ

         „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ი“ ქვეპუნქტისა და ,,უკრაინაში სამეცნიერო-ტექნოლოგიური ცენტრის დაარსების შესახებ” ხელშეკრულების XIII მუხლის საფუძველზე, საჯარო სამართლის იურიდიულ პირს –  გრიგოლ წულუკიძის სამთო ინსტიტუტს მიეცეს თანხმობა უკრაინაში სამეცნიერო-ტექნოლოგიურ ცენტრს, უსასყიდლოდ სარგებლობაში, 5 წლის ვადით, გადასცეს საოფისე ფართი –   ქ. თბილისში, მინდელის ქ. № 7, ადმინისტრაციული კორპუსის მეორე სართულის სამი ოთახი (ფართობები: 42 კვ.მ, 27 კვ.მ და 12 კვ.მ).

პრემიერ-მინისტრი                                                                 ბიძინა ივანიშვილი