„თიღვის მუნიციპალიტეტის სოციალური დახმარების პროგრამის დამტკიცების შესახებ“ თიღვის მუნიციპალიტეტის საკრებულოს 2013 წლის 23 დეკემბრის N19 დადგენილებაში ცვლილების შეტანის თაობაზე

,,დანართი №11

კომპაქტურ დასახლებაში მცხოვრებ დევნილთა ოჯახების სათბობი შეშით უზრუნველყოფისათვის  ფულადი დახმარების პროგრამა

(ორგანიზაციული კოდი 06 01 02)

 კომპაქტურ დასახლებებში მცხოვრებ დევნილთა ოჯახების სათბობი შეშით უზრუნველყოფისათვის ფულადი დახმარების გაწევა.

 პროგრამის მოსარგებლეები არიან თიღვის მუნიციპალიტეტის მოსახლეობა, რომელიც ჩასახლებულია გორის მუნიციპალიტეტის სოფელ საქაშეთის, აგრეთვე ქ. გორის, ვარიანის მეურნეობის, მცხეთის მუნიციპალიტეტის სოფელ წინამძღვრიანთკარის (ე.წ. „ტელევიზიის I და II კორპუსები“) და ქ. თბილისის დიღმის ტურბაზის ტერიტორიაზე, იძულებით გადაადგილებულ პირთა – დევნილთა კომპაქტურ დასახლებებში (გარდა იმ ოჯახებისა, რომლებიც უზრუნველყოფილნი არიან ბუნებრივი აირის მიწოდებით) და ამ წესის შესაბამისად არ მიუღიათ ზამთრის სეზონისათვის სათბობი შეშა.

დახმარების მოცულობა შეადგენს 140 ლარს.

1. პროგრამით გათვალისწინებული დახმარება გაიცემა თვითმმართველი ერთეულის ტერიტორიული ორგანოს ხელმძღვანელის – რწმუნებულის მოხსენებითი ბარათის საფუძველზე, რომელიც უნდა შეიცავდეს შემდეგ დოკუმენტაციას:

ა) ოჯახის წევრთა თანხმობები ოჯახის ერთ-ერთი წევრის მიერ თანხის მიღების შესახებ (ასეთის არსებობის შემთხვევაში);

ბ) საბანკო ანგარიშის ნომერი.

2. საბოლოო გადაწყვეტილების მიღება ხდება მუნიციპალიტეტის საკრებულოს თავმჯდომარის ბრძანებით, თიღვის მუნიციპალიტეტის ჯანმრთელობის, სოციალური დაცვის, განათლების, კულტურის, სპორტისა და ახალგაზრდულ საქმეთა სამსახურის დასკვნისა და მუნიციპალიტეტის გამგებლის მოხსენებითი ბარათის საფუძველზე.

პროგრამის ბიუჯეტი განისაზღვრება 13,85 ათასი ლარის ოდენობით”.