სამეგრელო-ზემო სვანეთის რეგიონში „დოლრა 3“ ჰიდროელექტროსადგურის მშენებლობის ტექნიკურ-ეკონომიკური შესწავლის, მშენებლობის, ფლობის და ოპერირების თაობაზე ინტერესთა გამოხატვაში გამარჯვებული პირის გამოვლენის შესახებ

საქართველოს მთავრობის

განკარგულება №365

2014 წლის 6 მარტი

ქ. თბილისი

სამეგრელო-ზემო სვანეთის რეგიონში „დოლრა 3“ ჰიდროელექტროსადგურის მშენებლობის ტექნიკურ-ეკონომიკური შესწავლის, მშენებლობის, ფლობის და ოპერირების თაობაზე ინტერესთა გამოხატვაში გამარჯვებული პირის გამოვლენის შესახებ

1. საქართველოს მთავრობის 2013 წლის 21 აგვისტოს №214 დადგენილებით დამტკიცებული „საქართველოში ელექტროსადგურების მშენებლობის ტექნიკურ-ეკონომიკური შესწავლის, მშენებლობის, ფლობის და ოპერირების შესახებ ინტერესთა გამოხატვის წესის“ მე-5 მუხლის შესაბამისად სამეგრელო-ზემო სვანეთის რეგიონში „დოლრა 3“ ჰიდროელექტროსადგურის მშენებლობის ტექნიკურ-ეკონომიკური შესწავლის, მშენებლობის, ფლობის და ოპერირების შესახებ ინტერესთა გამოხატვაში გამარჯვებულად გამოვლინდეს კომპანია „Ahlatchi Enerji Sanayi ve Ticaret Ltd. Sti“.

2. საქართველოს ენერგეტიკის სამინისტრომ უზრუნველყოს ინტერესთა გამოხატვაში გამარჯვებულ პირთან გასაფორმებელი ურთიერთგაგების მემორანდუმის პროექტის საქართველოს მთავრობის სხდომაზე განსახილველად წარმოდგენა.

3. საქართველოს მთავრობის 2013 წლის 21 აგვისტოს №214 დადგენილებით დამტკიცებული „საქართველოში ელექტროსადგურების მშენებლობის ტექნიკურ-ეკონომიკური შესწავლის, მშენებლობის, ფლობის და ოპერირების შესახებ ინტერესთა გამოხატვის წესის“ მე-6 მუხლის მე-4 პუნქტის შესაბამისად, სს „სვანეთი ჰიდროს“ დაუბრუნდეს მის მიერ ამავე დადგენილების შესაბამისად წარმოდგენილი 150 000.00 აშშ დოლარის ოდენობის საბანკო გარანტია.

4. ამ განკარულების მე-3 პუნქტში აღნიშნული საბანკო გარანტიის დაბრუნების (გაუქმების) თაობაზე გარანტიის გამცემ ბანკში წარსადგენ შესაბამის წერილზე საქართველოს მთავრობის სახელით ხელმოწერის უფლებამოსილება მიენიჭოს საქართველოს ენერგეტიკის მინისტრს, კახა კალაძეს .

პრემიერ-მინისტრი                                           ი . ღარიბაშვილი