საქართველოს რეგიონული განვითარებისა და ინფრასტრუქტურის სამინისტროს, სახელმწიფო რწმუნებულების – გუბერნატორების ადმინისტრაციებისა და ადგილობრივი თვითმმართველობების მოხელეთა ტრენინგის მექანიზმის დამტკიცების თაობაზე

საქართველოს მთავრობის

განკარგულება №1182

2012 წლის 18 ივნისი

ქ. თბილისი

საქართველოს რეგიონული განვითარებისა და ინფრასტრუქტურის სამინისტროს, სახელმწიფო რწმუნებულების – გუბერნატორების ადმინისტრაციებისა და ადგილობრივი თვითმმართველობების მოხელეთა ტრენინგის მექანიზმის დამტკიცების თაობაზე

ევროპის კავშირსა და საქართველოს მთავრობას შორის 2011 წლის 14 ნოემბრის დაფინანსების ხელშეკრულების („საქართველოში რეგი­ო­ნუ­ლი განვითარების რეფორმის მხარდაჭერა“) და საქართველოს მთავ­რო­ბის 2011 წლის 13 ოქტომბრის №2023 განკარგულებით დამტკიცებული სა­ქართველოს რეგიონული განვითარების 2010-2017 წწ. სახელმწიფო სტრა­ტეგიის 2011-2014 წლების სამოქმედო გეგმის 1.7.2 პუნქტის შესაბა­მი­სად, სა­ქართველოს რეგიონული განვითარებისა და ინფრასტრუქ­ტუ­რ­ის სამი­ნის­ტროს, სახელმწიფო რწმუნებულების – გუბერნატორების ად­მი­ნი­ს­ტრა­ციებისა და ადგილობრივი თვითმმართველობების მოხელეთა კვა­ლი­ფიკაციის ამაღლების პროცესის ორგანიზებისა და კოორდინაციის მიზ­ნით:

1. დამტკიცდეს თანდართული „საქართველოს რეგიონული განვი­თ­ა­რებისა და ინფრასტრუქტურის სამინისტროს, სახელმწიფო რწმუნებ­უ­ლ­ების – გუბერნატორების ადმინისტრაციებისა და ადგილობრივი თვი­თ­მმარ­თველობების მოხელეთა ტრენინგის მექანიზმი“.

2. საქართველოს რეგიონული განვითარებისა და ინფ­რა­სტრუ­ქ­ტ­უ­რ­ის სამინისტროს საჯარო სამართლის იურიდიულმა პირმა – ვანო ხუ­ხუ­ნაიშვილის სახელობის ეფექტიანი მმართველობის სისტემის და ტე­რი­ტო­რიული მოწყობის რეფორმის ცენტრმა საქართველოს რეგიონული გან­­ვითარებისა და ინფრასტრუქტურის სამინისტროსთან, სახელმწიფო რწმუ­ნებულების – გუბერნატორების ადმინისტრაციებთან და თვით­მმარ­თ­ველ ერთეულებთან კოორდინაციით შეიმუშაოს და მიმდინარე წლის 1 ნო­ემბრამდე საქართველოს რეგიონული განვითარებისა და ინფრასტ­რუ­ქ­ტურის სამინისტროსთან შეთანხმებით მიიღოს საქართველოს რე­გი­ო­ნუ­ლი განვითარებისა და ინფრასტრუქტურის სამინისტროს, სახელმწიფო რწმუ­ნებულების – გუბერნატორების ადმინისტრაციებისა და თვითმმარ­თვე­ლი ერთეულების საჯარო მოხელეთა კვალიფიკაციის ამაღლების 2013 წლის გეგმა.

3. საქართველოს რეგიონული განვითარებისა და ინფრასტ­რუქ­ტუ­რ­ის სამინისტროს საჯარო სამართლის იურიდიულმა პირმა – ვანო ხუხ­უ­ნა­იშვილის სახელობის ეფექტიანი მმართველობის სისტემის და ტე­რი­ტო­რიული მოწყობის რეფორმის ცენტრმა მიმდინარე წლის 15 ივლ­ის­ა­მდე მოამზადოს მოხელეთა კვალიფიკაციის ამაღლების შესაბამისი სასწ­ავ­ლო პროგრამები.

პრემიერ-მინისტრი                             ნიკა გილაური

 

 

საქართველოს რეგიონული განვითარებისა და

ინფრასტრუქტურის სამინისტროს, სახელმწიფო რწმუნებულების – გუბერნატორების ადმინისტრაციებისა და ადგილობრივი თვითმმართველობების საჯარო მოხელეთა

ტრენინგის მექანიზმი

 

საქართველოს რეგიონული განვითარებისა და ინფრასტრუქ­ტუ­რ­ის სამინისტროს, სახელმწიფო რწმუნებულების – გუბერნატორების ად­მი­ნისტრაციებისა და ადგილობრივი თვითმმართველობების საჯარო მო­ხე­ლეთა ტრენინგის მექანიზმის (შემდგომში – ტრენინგის მექანიზმი) მი­ზ­ანია შექმნას მეთოდოლოგიური საფუძვლები საქართველოს რეგიონუ­ლი განვითარებისა და ინფრასტრუქტურის სამინისტროს, სახელმწიფო რწმუ­ნებულების – გუბერნატორების ადმინისტრაციებისა და ადგილობ­რი­ვი თვითმმართველობების (შემდგომში – დაწესებულება) საჯარო მო­ხე­ლ­ეთა (შემდგომში – მოხელეთა) სწავლების საჭიროებების განსაზღვ­რ­ის, კვალიფიკაციის ამაღლების დაგეგმვის, სწავლების ორგანიზებისა და ტრენინგების ეფექტიანობის შეფასებისათვის.

თავი I. მოხელეთა კვალიფიკაციის ამაღლების

საჭიროებათა განსაზღვრის სისტემა

 

    მუხლი 1. მოხელეთა კვალიფიკაციის ამაღლების საჭიროებათა

          განსაზღვრის (დიაგნოსტიკის) მიზნები და პრინციპები

1. მოხელეთა კვალიფიკაციის ამაღლების საჭიროებათა განსაზ­ღვ­რის (დიაგნოსტიკის) მიზნებია:

ა) ტრენინგის საკითხების განსაზღვრა;

ბ) კატეგორიების მიხედვით იმ მოხელეთა სიის განსაზღვრა, რო­მ­ლ­ებიც საჭიროებენ კვალიფიკაციის ამაღლებას;

გ) დაწესებულების ან/და სტრუქტურული ერთეულის საქმიანო­ბ­ის პრობლემური ზონების განსაზღვრა (ექსპრესდიაგნოსტიკა);

დ) ექსპრესდიაგნოსტიკის შედეგების მიხედვით მოხელეთა მიზ­ნო­ბრივი ჯგუფების პრიორიტეტულობის განსაზღვრა;

ე) კვალიფიკაციის ამაღლების საჭიროების მქონე მოხელეთა საქ­მი­ა­ნ­ობაში არსებული პრობლემებისა და სირთულეების შესწავლა;

ვ) ტრენინგის დეტალური პროგრამის შედგენა.

2. მოხელეთა სწავლების საჭიროებათა განსაზღვრისა და კვა­ლი­ფი­კა­ციის ამაღლების ძირითადი პრინციპებია:

ა) ვალდებულებითი ხასიათი;

ბ) პერიოდულობა;

გ) მიზანმიმართულობა.

3. მოხელეთა სწავლების საჭიროებათა განსაზღვრისა და კვალიფ­ი­კა­ციის ამაღლების ვალდებულებითობა გამომდინარეობს მოხელის საკვა­ლ­ი­ფიკაციო მოთხოვნებთან შესაბამისობისა და მისთვის დაკისრებულ თა­ნამდებობრივ მოვალეობათა შესრულებიდან.

4. მოხელეთა ტრენინგის პროგრამები უნდა ითვალისწინებდეს და­წ­ესებულების სპეციფიკას, უზრუნველყოფდეს მოხელის მიერ მისი პრო­­ფესიული საქმიანობის სპეციალიზაციიდან გამომდინარე საჭირო ცოდ­ნის მიღებასა და შესაბამისი უნარ‑ჩვევების გამომუშავებას.

5. ტრენინგი ხორციელდება სამუშაოსგან მოწყვეტით, სამუშაოსგან მო­წ­ყვეტის გარეშე ან ნაწილობრივ მოწყვეტით.

6. კვალიფიკაციის ამაღლების ფორმები განისაზღვრება ინდივიდ­უ­ა­ლურად, მოხელისადმი დაკისრებული ფუნქციებიდან გამომდინარე.

7. მოხელეთა ტრენინგი ხორციელდება საჯარო სამართლის იური­დ­იული პირის – ვანო ხუხუნაიშვილის სახელობის ეფექტიანი მმარ­თვე­ლო­ბის სისტემის და ტერიტორიული მოწყობის რეფორმის ცენტრის (შემ­დ­გომში – ცენტრი) მიერ დაქირავებული ტრენერების ან ცენტრის დაკვე­თ­ის საფუძველზე სახელმწიფო აკრედიტაციის მქონე საგანმანათლებლო და­წესებულებათა მიერ.

8. მოხელეთა კვალიფიკაციის ამაღლების პროცესის კოორდინ­ა­ც­ი­ას ახორციელებს ცენტრი დაწესებულების ადამიანური რესურსების მარ­თ­ვის (კადრების) სამსახურთან ერთად.

    მუხლი 2. მოხელეთა კვალიფიკაციის ამაღლების

          საჭიროებათა განსაზღვრის მეთოდები

მოხელეთა კვალიფიკაციის ამაღლების საჭიროებათა განსაზღვრის მე­თოდებია:

ა) მოხელის პირად საქმეში არსებული ინფორმაციის შეფასება (მო­ხე­ლის შრომის სტაჟი, გამოცდილება, სპეციალობა, განათლება, კვალი­ფი­კა­ციის ასამაღლებელი ტრენინგების გავლა და ა.შ.);

ბ) მოხელეთა ატესტაციის შედეგების ანალიზი;

გ) მოხელეთა თანამდებობრივი ინსტრუქციებისა და სამუშაო გეგ­მე­ბის ანალიზი;

დ) მოხელეთა პროფესიული საქმიანობის მონიტორინგი და საქ­მი­ა­ნობის შემაფერხებელი პრობლემების ანალიზი;

ე) კვალიფიკაციის ამაღლების შესახებ ხელმძღვანელი პირებისა და თა­ვად მოხელეებისგან შემოსული განცხადებების შეკრება და ანალიზი;

ვ) გარეგანი ფაქტორებით (საკანონმდებლო ცვლილებები, ახალი სტან­დარტები, ახალი ტექნოლოგიები) გამოწვეული მოხელეთა საქმიან­ო­ბ­ის ცვლილებათა ანალიზი;

ზ) ინტერვიუ ან კონსულტაცია დაწესებულების სტრუქტურული ერ­თეულების ხელმძღვანელებთან;

თ) ინტერვიუ მოხელეებთან;

ი) წინასატრენინგო ანკეტა ან კითხვარი;

კ) ექსპერტული შეფასება.

    მუხლი 3. მოხელეთა კვალიფიკაციის ამაღლების

          საჭიროებათა განსაზღვრის ტიპები

1. მოხელეთა კვალიფიკაციის ამაღლების საჭიროებათა განსაზღვ­რ­ის ტიპებია:

ა) გეგმური;

ბ) არაგეგმური.

2. მოხელეთა კვალიფიკაციის ამაღლების საჭიროებათა გეგმური გან­საზღვრა არის ყოველწლიური. მოხელეთა კვალიფიკაციის ამაღლების სა­ჭიროებათა გეგმური განსაზღვრა იწყება ყოველი წლის 1 თებერვლი­დან და მთავრდება 1 სექტემბერს. მოხელეთა კვალიფიკაციის ამაღლების სა­­ჭი­როებათა გეგმურ განსაზღვრას უზრუნველყოფს დაწესებულების ად­ა­­მ­ი­ა­ნ­ური რესურსების მართვის (კადრების) სამსახური.

3. მოხელეთა კვალიფიკაციის ამაღლების საჭიროებათა არაგეგმ­უ­რი განსაზღვრა ხდება საჭიროებიდან გამომდინარე, რაც დაკავშირე­ბუ­ლია გარეგანი ფაქტორებით (საკანონმდებლო ცვლილებები, ახალი სტან­დარ­ტები, ახალი ტექნოლოგიები) განპირობებულ მოხელის სამუშაოს ხა­რ­ისხ­ობრივ და/ან რაოდენობრივ ცვლილებასთან. მოხელეთა კვალი­ფი­კა­ც­იის ამაღლების საჭიროებათა არაგეგმურ განსაზღვრას უზრუნველყოფს ცენ­ტრი საკუთარი ინიციატივით ან დაწესებულების ადამიანური რე­ს­ურ­სების მართვის (კადრების) სამსახურის წინადადებით.

    მუხლი 4. მოხელეთა კვალიფიკაციის ამაღლების

          საჭიროებათა ანალიზი

1. მოხელეთა კვალიფიკაციის ამაღლების საჭიროებათა ანა­ლიზ­ის­ას ხდება გამოვლენილი საჭიროებების რაოდენობრივი და ხარისხობრივი შე­ფასება.

2. მოხელეთა კვალიფიკაციის ამაღლების საჭიროებების რა­ოდ­ე­ნობ­რივი შეფასებისას დგინდება მოხელეთა რაოდენობა, რომელთაც სჭი­რ­­დებათ ერთგვაროვანი თემატიკის კვალიფიკაციის ამაღლება, ხოლო კვა­­ლიფიკაციის ამაღლების საჭიროებების ხარისხობრივი შეფასებისას გა­­ნისაზღვრება ის თემები, რომლებზეც საჭიროა ტრენინგების ჩატარება.

3. მოხელეთა კვალიფიკაციის ამაღლების საჭიროებათა ანალიზის სა­ფუძველზე განისაზღვრება მოხელეთა კვალიფიკაციის ამაღლების პრი­ო­რ­იტეტული მიმართულებები და კვალიფიკაციის ამაღლების ფორმები (დის­ტანციური სწავლება, სტაჟირება, ერთჯერადი სემინარი, ტრენინგი სა­მუშაოდან მოწყვეტის გარეშე, მოკლევადიანი თუ გრძელვადიანი სწა­ვ­ლ_­ება სამუშაოდან მოწყვეტით).

4. მოხელეთა კვალიფიკაციის ამაღლების საჭიროებათა ანალიზს ატ­ა­რებს დაწესებულების ადამიანური რესურსების მართვის (კადრების) სა­მსახური. ანალიზი იწყება 1 სექტემბერს და მთავრდება 1 ოქტომბ­რის­თვის.

II. მოხელეთა კვალიფიკაციის ამაღლების ორგანიზება

    მუხლი 5. მოხელეთა კვალიფიკაციის ამაღლების დაგეგმვა

1. მოხელეთა კვალიფიკაციის ამაღლების დაგეგმვის პროცესი მო­ი­ც­ავს:

ა) მოხელეთა კვალიფიკაციის ამაღლების თემატიკის დეტალურ გან­საზღვრას;

ბ) კვალიფიკაციის ასამაღლებელ მოხელეთა სიის შედგენას;

გ) კვალიფიკაციის ამაღლების ფორმების დადგენას;

დ) კვალიფიკაციის ამაღლების სავარაუდო ვადების განსაზღვრას.

2. მოხელეთა კვალიფიკაციის ამაღლების გეგმის პროექტს ადგენს და­წესებულების ადამიანური რესურსების მართვის (კადრების) სამსა­ხუ­რი.

3. მოხელეთა კვალიფიკაციის ამაღლების გეგმის პროექტი ეგ­ზავ­ნ­ე­ბა ცენტრს ყოველი წლის 15 ოქტომბრამდე. ცენტრი, მიღებული პროექ­ტე­ბის საფუძველზე, ყოველი წლის 1 ნოემბრამდე ადგენს მოხელეთა კვა­ლი­ფიკაციის ამაღლების მომავალი წლის გეგმას. მოხელეთა კვალი­ფი­კა­ცი­ის ამაღლების წლიურ გეგმას საქართველოს რეგიონული განვითარ­ებ­ი­სა და ინფრასტრუქტურის მინისტრთან შეთანხმებით ამტკიცებს ცენტ­რის დირექტორი. დამტკიცებული გეგმა ყოველი წლის 15 ნოემბრამდე ეგ­ზავნებათ დაწესებულებების ხელმძღვანელებს.

4. დაწესებულების მოხელეთა კვალიფიკაციის ამაღლების გეგმას, ცენ­ტრის მიერ დამტკიცებული მოხელეთა კვალიფიკაციის ამაღლების გეგ­მის გათვალისწინებით, ამტკიცებს დაწესებულების ხელმძღვანელი.

5. დაწესებულების მიერ დამტკიცებული მოხელეთა კვალიფიკა­ცი­ის ამაღლების გეგმით განსაზღვრული ის საკითხები, რომლებიც არ იქნა გათ­ვალისწინებული ცენტრის მიერ დამტკიცებულ მოხელეთა კვალიფი­კა­ციის ამაღლების გეგმაში, ხორციელდება უშუალოდ დაწესებულების მი­ერ.

    მუხლი 6. მოხელეთა კვალიფიკაციის ამაღლების ორგანიზება

1. მოხელეთა კვალიფიკაციის ამაღლების პროცესის ორგანიზება მო­იცავს:

ა) ტრენინგის მიმწოდებელთა შერჩევას;

ბ) მოხელეთა ინფორმირებას, მოხელეთა კვალიფიკაციის ამაღ­ლებ­­ის გეგმიდან გამომდინარე, ტრენინგის ჩატარების დროისა და ვადების შე­­სა­ხებ;

გ) კვალიფიკაციის ამაღლებას დაქვემდებარებულ მოხელეთა ინ­ფორ­მირებას დისტანციური სწავლების შესაძლებლობის შესახებ;

დ) მოხელეთა კვალიფიკაციის ასამაღლებლად გაგზავნის ორგა­ნი­ზე­ბას;

ე) იმ ტრენინგების ორგანიზებას, რომლებიც ტარდება უშუალოდ და­წე­სებულების ადმინისტრაციულ შენობაში.

2. მოხელეთა კვალიფიკაციის ამაღლების ორგანიზებას უზრუნ­ვე­ლ­ყოფს ცენტრი და/ან დაწესებულების ადამიანური რესურსების მარ­თვის (კადრების) სამსახური.

3. ცენტრის მიერ დამტკიცებული მოხელეთა კვალიფიკაციის ამა­ღ­ლე­ბის წლიური გეგმით გათვალისწინებული ტრენინგებისა და სხვა ღო­ნის­ძიებების დაფინანსება ხდება ცენტრის ან ცენტრის მიერ მოზიდული სახ­სრებით, ხოლო დაწესებულების მიერ ორგანიზებული ტრენინგები და მოხელის კვალიფიკაციის ამაღლების მიზნით გატარებული სხვა ღო­ნის­ძიებები ფინანსდება დაწესებულების ბიუჯეტიდან.

    მუხლი 7. ტრენინგის მიმწოდებლის კრიტერიუმები

ტრენინგის მიმწოდებელი შეიძლება იყოს ფიზიკური პირი, რომ­ე­ლ­საც აქვს შესაბამისი კვალიფიკაცია და გამოცდილება, ან სახელმწიფო აკ­რედიტაციის მქონე საგანმანათლებლო დაწესებულება.

    მუხლი 8. ცენტრის საქმიანობა მოხელეთა სწავლების

         საჭიროებების განსაზღვრისა და კვალიფიკაციის

         ამაღლების ორგანიზების საკითხებში

მოხელეთა სწავლების საჭიროებათა განსაზღვრისა და მოხელეთა კვა­ლიფიკაციის ამაღლების პროცესის ორგანიზებისა და კოორდინაციის მიზ­ნით ცენტრი:

ა) კონსულტაციას უწევს და ეხმარება დაწესებულების ადამიან­უ­რი რესურსების მართვის (კადრების) სამსახურს მოხელეთა სწავლების სა­ჭიროებათა განსაზღვრაში; ამზადებს და აწვდის მათ შესაბამის მეთო­დ­ო­ლოგიურ მასალებს;

ბ) დაწესებულებებიდან გამოგზავნილი კვალიფიკაციის ამაღ­ლე­ბ­ის გეგმის პროექტების საფუძველზე ადგენს და საქართველოს რეგი­ონ­უ­ლი განვითარებისა და ინფრასტრუქტურის მინისტრთან შეთანხმებით ამ­ტკ­იცებს მოხელეთა კვალიფიკაციის ამაღლების წლიურ გეგმას;

გ) დამტკიცებული გეგმით გათვალისწინებულ ღონისძიებათა და­სა­ფინანსებლად საჭირო სახსრების მოზიდვის მიზნით თანამშრომლობს სა­ერთაშორისო ორგანიზაციებთან;

დ) წლიური გეგმისა და მოხელეთა კვალიფიკაციის ამაღლების სა­ჭი­როებათა ანალიზის საფუძველზე განსაზღვრავს სწავლების თემატიკას და კვალიფიკაციის ამაღლების პროგრამებს;

ე) ორგანიზებას უწევს მოხელეთა კვალიფიკაციის ასამაღლებელი დის­ტანციური სწავლების კურსების მომზადებასა და ჩატარებას;

ვ) საქართველოს კანონმდებლობით დადგენილი წესით ახდენს სა­ხელ­მწიფო შესყიდვას მოხელეთა კვალიფიკაციის ამაღლების წლიური გეგ­მით გათვალისწინებულ ღონისძიებათა ჩასატარებლად. აფორმებს ხელ­შეკრულებებს ტრენერებთან ან/და სასწავლო დაწესებულებებთან;

ზ) აანალიზებს სწავლების პროცესს; ადგენს და ცენტრის ვებგვე­რ­დ­ზე აქვეყნებს მოხელეთა კვალიფიკაციის ამაღლებაში მონაწილე ტრენე­რ­თა და სასწავლო დაწესებულებათა სარეიტინგო სიას.

III. მოხელეთა კვალიფიკაციის ამაღლების ფორმები და სახეები

    მუხლი 9. მოხელეთა კვალიფიკაციის ამაღლების ფორმები

1. მოხელეთა კვალიფიკაციის ამაღლების ფორმებია:

ა) სწავლება;

ბ) სტაჟირება;

გ) დისტანციური სწავლება.

2. სწავლება შეიძლება განხორციელდეს სამუშაოსგან მოწყვეტით ან სამუშაოსგან მოწყვეტის გარეშე.

    მუხლი 10. კვალიფიკაციის ასამაღლებელი სწავლების სახეები

1. კვალიფიკაციის ასამაღლებელი სწავლების სახეებია:

ა) სპეციალიზებული სემინარი (არა უმეტეს 6 სასწავლო საათისა);

ბ) მოკლევადიანი ტრენინგი (არა უმეტეს 20 სასწავლო საათისა) – თე­მატური სწავლება პროფესიული საქმიანობის კონკრეტულ საკითხებ­ზე;

გ) საშუალოვადიანი ტრენინგი (20‑იდან 50 სასწავლო საათამდე) – თე­მატური სწავლება შესაბამისი სფეროს პრობლემურ საკითხებზე;

დ) გრძელვადიანი ტრენინგი (50 სასწავლო საათზე მეტი) – სწავ­ლ­ე­ბა, რომელიც მიმართულია შესაბამისი სფეროს აქტუალური პრობლემე­ბ­ის კომპლექსური შესწავლისაკენ.

2. მოხელეთა კვალიფიკაციის ასამაღლებელ სწავლებათა ჩატა­რე­ბ­ას უზრუნველყოფს ცენტრი, ცენტრის დირექტორის მიერ დამტკი­ცებ­ული კვა­ლიფიკაციის ამაღლების წლიური გეგმის ფარგლებში. ცენტრის გეგ­მ­ით გაუთვალისწინებელ სწავლებათა ჩატარებას დაწესებულების ხელ­­­მძ­­ღ­ვა­ნელის მიერ დამტკიცებული გეგმის შესაბამისად უზრუნველ­ყ­ოფს და­წესებულების ადამიანური რესურსების მართვის (კადრების) სამ­სა­ხუ­რი.

3. ცენტრის სახსრებით მოხელეთა კვალიფიკაციის ასამაღლებელი სწავ­ლება ხორციელდება სახელმწიფო შესყიდვის შესაბამისად, საქართ­ვე­ლ­ოს კანონმდებლობით დადგენილი წესით, ცენტრის მიერ დაქირ­ავე­ბუ­ლი ტრენერების ან ცენტრის დაკვეთის საფუძველზე, სახელმწიფო აკ­რე­დიტაციის მქონე საგანმანათლებლო დაწესებულების მიერ.

4. ადამიანური რესურსების მართვის (კადრების) სამსახურის მიერ მო­ხელეთა კვალიფიკაციის ასამაღლებელი სწავლება ხორციელდება და­წე­სებულების მიერ სახელმწიფო შესყიდვის შესაბამისად, დაქი­რავ­ე­ბუ­ლი ტრენერების ან მისი დაკვეთის საფუძველზე, სახელმწიფო აკრედ­იტა­ც­ი­ის მქონე საგანმანათლებლო დაწესებულების მიერ.

5. მოხელის მიერ კვალიფიკაციის ასამაღლებლად იმ პროგრამის გავ­ლისათვის, რომელიც მოიცავს 18 სასწავლო საათზე მეტს, ცენტრის და/ან სასწავლო დაწესებულების მიერ გაიცემა შესაბამისი სერტიფიკატი.

6. მოხელის მიერ კვალიფიკაციის ასამაღლებლად გავლილი სწავ­ლე­ბა შესაბამისი შეფასებით აისახება მოხელის პირად საქმეში.

    მუხლი 11. კვალიფიკაციის ასამაღლებელი სტაჟირება

1. სტაჟირების მიზანია მოხელის პროფესიული უნარ‑ჩვევების სრულ­ყოფა, თეორიული და პრაქტიკული მომზადების დონის ამაღლება, მი­ღებული ცოდნის პრაქტიკული გამოყენებით გამყარება.

2. სტაჟირება შეიძლება იყოს როგორც კვალიფიკაციის ამაღლების და­მოუკიდებელი სახე, ისე კვალიფიკაციის ამაღლების სასწავლო პრო­გ­რა­მის ნაწილი.

3. მოხელის სტაჟირება შეიძლება განხორციელდეს როგორც იმავე და­წესებულებაში, ასევე სხვა დაწესებულებაში გაგზავნით (მათ შორის, ქვე­ყნის ფარგლებს გარეთ).

4. მოხელის მიერ სტაჟირების გავლის შესახებ გადაწყვეტილებას იღ­ებს დაწესებულების ხელმძღვანელი ადამიანური რესურსების მართვ­ის (კადრების) სამსახურის წინადადებით.

5. მოხელის მიერ სტაჟირების გავლის შესახებ შეფასებას აკეთებს შე­საბამისი დაწესებულების (სტრუქტურული ერთეულის) ხელმძღვანე­ლი, რომელიც აისახება მოხელის პირად საქმეში.

    მუხლი 12. კვალიფიკაციის ასამაღლებელი

          დისტანციური სწავლე­ბა

1. დისტანციური სწავლება წარმოადგენს მოხელეთა კვალიფიკაც­ი­ის ამაღლების ფორმას, რომელიც ეფუძნება თანამედროვე საინფორმ­ა­ციო და სატელეკომუნიკაციო ტექნოლოგიების გამოყენებას, რაც საშუა­ლ­ე­ბას იძლევა განხორციელდეს სწავლება სამუშაო ადგილზე ტრენერთან უშ­უალო კონტაქტის გარეშე.

2. მოხელის დისტანციურ სწავლებას, მოხელეთა კვალიფიკაციის ამ­აღლების წლიური გეგმიდან გამომდინარე, უზრუნველყოფს ცენტრი.

3. მოხელის მიერ დისტანციური სწავლების გავლა მთავრდება სა­ვალ­დებულო გამოცდის ჩაბარებით. გამოცდის შედეგები აისახება მო­ხე­ლ­ის პირად საქმეში.

 

IV. მოხელეთა კვალიფიკაციის ამაღლების შეფასება

    მუხლი 13. ტრენინგის შეფასების კრიტერიუმები

1. მოხელეთა კვალიფიკაციის ამაღლების შეფასების კრი­ტერიუმ­ე­ბია:

ა) ეფექტიანობა;

ბ) მოცულობა;

გ) დანახარჯები.

2. მოხელეთა კვალიფიკაციის ამაღლების ეფექტიანობის შეფასება ხდე­ბა:

ა) ტრენინგის მონაწილეთა მიერ ტრენინგის შეფასებით – ტრენი­ნ­გის მონაწილეები ავსებენ ანკეტას, რომლითაც აფასებენ ჩატარებული ტრე­ნინგის საჭიროებას, მნიშვნელობას, ტრენერის კვალიფიკაციას, მიღე­ბ­უ­ლი ცოდნის ეფექტიანობას;

ბ) ტრენინგის შემაჯამებელი ტესტირების შედეგებით – ტრენინგის კუ­რ­სის დასრულების შემდეგ ტარდება შემაჯამებელი ტესტირება, რო­მ­ლი­თაც დგინდება ტრენინგის მონაწილეთა მიერ მასალის ათვისების დო­ნე.

3. მოხელეთა კვალიფიკაციის ამაღლების მოცულობის შეფასება ხდე­ბა:

ა) ტრენინგში მონაწილე მოხელეთა რაოდენობის მიხედვით;

ბ) ტრენინგზე განხილული საკითხების რაოდენობის მიხედვით;

გ) ტრენინგის სასწავლო საათების რაოდენობის მიხედვით.

4. მიღებული შეფასებები თავს იყრის ცენტრში, რომლის საფუძ­ველ­ზეც ცენტრი ადგენს და ცენტრის ვებგვერდზე აქვეყნებს მოხელეთა კვა­ლიფიკაციის ამაღლებაში მონაწილე ტრენერებისა და სასწავლო და­წე­ს­ებ­ულებების ყოველწლიურ რეიტინგს.