,,ქალაქ ცაგერის ტერიტორიის გამოყენებისა და განაშენიანების რეგულირების წესის დამტკიცების შესახებ“ცაგერის მუნიციპალიტეტის საკრებულოს 2014 წლის 28 იანვრის №3 დადგენილებაში ცვლილების შეტანის თაობაზე“

1. დადგენილების სათაური ჩამოყალიბდეს შემდეგი რედაქციით: ,,ქალაქ ცაგერის ტერიტორიის გამოყენებისა და განაშენიანების რეგულირების წესის დამტკიცების შესახებ“ ცაგერის მუნიციპალიტეტის საკრებულოს 2014 წლის 28 იანვრის №3 დადგენილებაში ცვლილების შეტანის თაობაზე.

2. დადგენილების პრეამბულა ჩამოყალიბდეს შემდეგი რედაქციით:  „ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მეორე პუნქტის ,,ი“ ქვეპუნქტის,  „სივრცითი მოწყობისა და ქალაქთმშენებლობის საფუძვლების შესახებ“ , საქართველოს კანონის მე-2  მუხლის ,,ჟ“ ქვეპუნქტის  და ,,ტექნიკური რეგლამენტის – დასახელებათა ტერიტორიების გამოყენების და განაშენიანების რეგულირების ძირითადი დებულებების დამტკიცების თაობაზე“ 2014 წლის 15 იანვრის საქართველოს მთავრობის №59 დადგენილების შესაბამისად, ცაგერის მუნიციპალიტეტის საკრებულო ადგენს:“.

3. დადგენილების მე-2 მუხლის 22-ე პუნქტი ჩამოყალიბდეს შემდეგი რედაქციით:

,,22. მანსარდა  - სართული სხვენის სივრცეში, რომლის ფასადი მთლიანად ან ნაწილობრივ შედგენილია დახრილი ან/და ტეხილი სახურავის ზედაპირებით. ამასთანავე სახურავის სიბრტყისა და ფასადის გადაკვეთის ხაზი არ შეიძლება იყოს მანსარდის იატაკის გეგმარებითი ნიშნულიდან 1,6 მეტრზე მეტ სიმაღლეზე; მანსარდა ითვლება სრულ სართულად, როდესაც სხვენის იატაკის ზედაპირის ფართობის 3/4-დან მანსარდის ჭერამდე საშუალო სიმაღლე არის 2,4 მეტრი (მეათედის სიზუსტით) ან მეტი;“.

4. დადგენილების მე-8 მუხლის მე-4  პუნქტი ჩამოყალიბდეს შემდეგი რედაქციით:  

,,4.  საცხოვრებელი ზონა  3 (სზ3): დაბალი ინტენსივობის საცხოვრებელი ზონა, სადაც განაშენიანების  დომინირებულ სახეობას შეადგენს საცხოვრებელი სახლები. ასევე დასაშვებია საზოგადოებრივი დანიშნულების ობიექტების არსებობა კანონმდებლობის შესაბამისად, მათ შორის, სამეზობლო თმენის პრინციპების დაცვით;                                                    

ა) მიწის ნაკვეთის განაშენიანების მაქსიმალური კოეფიციენტი კ-1 = 0,5;

ბ) მიწის ნაკვეთის განაშენიანების ინტენსივობის  კოეფიციენტი კ-2 =0.6-დან 1,3-მდე;

გ) მიწის ნაკვეთის გამწვანების კოეფიციენტი კ-3 = 0,2.‘‘.

5. დადგენილების მე-8 მუხლის მე-5  პუნქტი ჩამოყალიბდეს  შემდეგი რედაქციით:

,,5.  საცხოვრებელი ზონა 5 (სზ5):  საშუალო ინტენსივობის საცხოვრებელი ზონა, სადაც დომინირებულ სახეობას შეადგენს საცხოვრებელი სახლები. ასევე დასაშვებია საზოგადოებრივი დანიშნულების ობიექტების არსებობა კანონმდებლობის შესაბამისად, მათ შორის, სამეზობლო თმენის პრინციპების  დაცვით;

ა) მიწის ნაკვეთის განაშენიანების მაქსიმალური კოეფიციენტი კ-1 = 0,5;

ბ) მიწის ნაკვეთის განაშენიანების ინტენსივობის  კოეფიციენტი კ-2 =1.3-დან 1,8-მდე;

გ) მიწის ნაკვეთის გამწვანების კოეფიციენტი კ-3 = 0,1.‘‘

6.  დადგენილების მე-8 მუხლის მე-6  პუნქტი ჩამოყალიბდეს შემდეგი რედაქციით:

,,6. საკურორტო სარეკრეაციო ზონა 2 (სრზ2): ზონა, სადაც დასაშვებია დასავენებელი, სამკურნალო, სპორტული და გასართობი დანიშნულების შენობა-ნაგებობების განთავსება;

ა) მიწის ნაკვეთის განაშენიანების მაქსიმალური კოეფიციენტი  კ-1 = 0,3;

ბ) მიწის ნაკვეთის განაშენიანების ინტენსივობის კოეფიციენტი კ-2 = 3,0-მდე;

გ) მიწის ნაკვეთის გამწვანების კოეფიციენტი  კ-3 = 0,1.‘‘.

7. დადგენილების მე-8 მუხლის მე-9  პუნქტი ჩამოყალიბდეს შემდეგი რედაქციით:  

,,9. ლანდშაფტურ სარეკრეაციო ზონა (ლსზ): ზონა წარმოადგენს   დასახლების საზღვრებში ბუნებრივი ლანდშაფტის ან ფასეული ხელოვნური ლანდშაფტის ტერიტორიას, სადაც შესაძლებელია მისი ფუნქციონირებისათვის უზრუნველმყოფი შენობა-ნაგებობების არსებობა კანონმდებლობის შესაბამისად.“

8.  დადგენილების მე-20 მუხლის პირველი პუნქტი  ჩამოყალიბდეს შემდეგი რედაქციით:

,,1. საცხოვრებელი ზონა 1 (სზ1) (შესაძლებელია არსებობდეს მხოლოდ სასოფლო-სააგარაკო განაშენიანების ტერიტორიაზე; განაშენიანების დომინირებული სახეობა-საცხოვრებელი სახლები. ასევე დასაშვებია სასოფლო-სამეურნეო დანიშნულების შენობა-ნაგებობის არსებობა კანონმდებლობის შესაბამისად, მათ შორის სამეზობლო თმენის პრინციპების დაცვით); კ-1 =0,5; კ-2=0,8-მდე; კ-3=0,3. ‘‘

9. დადგენილების მე-20 მუხლის  მე-4 პუნქტი  ჩამოყალიბდეს შემდეგი რედაქციით:  

,,4. საცხოვრებელი ზონა  2 (სზ2) (განაშენიანების დომინირებული სახეობა-საცხოვრებელი სახლები. ასევე დასაშვებია საზოგადოებრივი დანიშნულების ობიექტების არსებობა კანონმდებლობის შესაბამისად, მათ შორის სამეზობლო თმენის პრინციპების დაცვით); კ-1 =0,5; კ-2=0,6-მდე; კ-3=0,25.‘‘.

10. დადგენილების მე-20 მუხლის მე-6 პუნქტი  ჩამოყალიბდეს შემდეგი რედაქციით:

,,6. საცხოვრებელი ზონა  3 (სზ3) (დაბალი ინტენსივობის საცხოვრებელი ზონა, სადაც განაშენიანების დომინირებული სახეობაა-საცხოვრებელი სახლები. ასევე დასაშვებია საზოგადოებრივი დანიშნულების ობიექტების არსებობა კანონმდებლობის შესაბამისად, მათ შორის სამეზობლო თმენის პრინციპების დაცვით); კ-1 =0,5; კ-2=0,6დან 1,3-მდე; კ-3=0,2.‘‘

11. დადგენილების მე-20 მუხლის მე-8 პუნქტი  ჩამოყალიბდეს შემდეგი რედაქციით:

,,8.  საცხოვრებელი ზონა  5 (სზ5) (საშუალო ინტენსივობის საცხოვრებელი ზონა, სადაც განაშენიანების დომინირებულ სახეობას შეადგენს საცხოვრებელი სახლები. ასევე დასაშვებია საზოგადოებრივი დანიშნულების ობიექტების არსებობა კანონმდებლობის შესაბამისად, მათ შორის სამეზობლო თმენის პრინციპების დაცვით); კ-1=0,5; კ-2 =1,3-დან 1,8-მდე;  კ-3=0,1.‘‘.

12. დადგენილების მე-20 მუხლის  მე-10 პუნქტი  ჩამოყალიბდეს შემდეგი რედაქციით:

,,10. საკურორტო სარეკრეაციო ზონა 2 (სრზ2) (წარმოადგენს ზონას, რომელიც მდებარეობს განაშენიანებული ტერიტორიების საზღვრებში, სადაც დასაშვებია დასასვენებელი, სამკურნალო, სპორტული და გასართობი დანიშნულების შენობა-ნაგებობების განთავსება);  კ-1 =0,3; კ-2= 3,0-მდე; კ-3=0,1.‘‘.

13. დადგენილების მე-20 მუხლის  მე-11 პუნქტი  ჩამოყალიბდეს შემდეგი რედაქციით:

,,11.  საზოგადოებრივ საქმიანი ზონა  1 (სსზ1) (წარმოადგენს შერეულ - საშუალო ინტენსივობის საზოგადოებრივ-საქმიან ზონას განაშენიანების დომინირებული სახეობის გარეშე); კ-1=0,6; კ-2=3,0-მდე; კ-3=ო,1.“.