საქართველოს მთავრობასა და ჩინეთის სახალხო რესპუბლიკის მთავრობას შორის „ეკონომიკური და ტექნიკური თანამშრომლობის შესახებ“ შეთანხმების დადების თაობაზე

საქართველოს მთავრობის

განკარგულება №1279

2012 წლის 5 ივლისი

ქ. თბილისი

საქართველოს მთავრობასა და ჩინეთის სახალხო რესპუბლიკის მთავრობას შორის „ეკონომიკური და ტექნიკური თანამშრომლობის შესახებ“ შეთანხმების დადების თაობაზე

1. მიღებულ იქნეს ცნობად საქართველოს ფინანსთა სამინისტროს წინადადება საქართველოს მთავრობასა და ჩინეთის სახალხო რესპუბლიკის მთავრობას შორის „ეკონომიკური და ტექნიკური თანამშრომლობის შესახებ“ შეთანხმების დადების თაობაზე.

2. საქართველოს ფინანსთა სამინისტრომ და საქართველოს საგარეო საქმეთა სამინისტრომ უზრუნველყონ საქართველოს მთავრობასა და ჩინეთის სახალხო რესპუბლიკის მთავრობას შორის „ეკონომიკური და ტექნიკური თანამშრომლობის შესახებ“ შეთანხმების ხელმოწერისა და ძალაში შესვლისათვის საჭირო პროცედურების განხორციელება.

      3. „გრანტების შესახებ“ საქართველოს კანონის მე-4 მუხლის შესაბამისად, საქართველოს მთავრობასა და ჩინეთის სახალხო რესპუბლიკის მთავრობას შორის „ეკონომიკური და ტექნიკური თანამშრომლობის შესახებ“ გასაფორმებელი შეთანხმებით გათვალისწინებული გრანტის (60 მილიონი იუანი) მიმღებ ორგანოდ განისაზღვროს საქართველოს სოფლის მეურნეობის სამინისტრო.

4. საქართველოს სოფლის მეურნეობის სამინისტრომ აწარმოოს მოლაპარაკებები და გააფორმოს შესაბამისი დოკუმენტები ჩინურ მხარესთან საქართველოს მთავრობასა და ჩინეთის სახალხო რესპუბლიკის მთავრობას შორის „ეკონომიკური და ტექნიკური თანამშრომლობის შესახებ“ გასაფორმებელი შეთანხმების ფარგლებში გამოსაყოფი დახმარების – 60 მილიონი იუანის სოფლის მეურნეობის პროექტების დასაფინანსებლად.

                             

 

პრემიერ-მინისტრი                           ივანე მერაბიშვილი