თვითმმართველი ქალაქის - რუსთავის ადმინისტრაციულ საზღვრებში და რუსთავი-თბილისის მარშრუტზე M2 და M3 კატეგორიის ავტოსატრანსპორტო საშუალებებით ადგილობრივი საქალაქო რეგულარული სამგზავრო გადაყვანის ნებართვის გაცემისთვის კონკურსის ჩატარების წესის , სანებართვო მოწმობისა და უწყებრივი სანებართვო რეესტრის (ჟურნალის) შევსების და მისი ფორმის დამტკიცების შესახებ თვითმმართველი ქალაქი რუსთავის საკრებულოს 2014 წლის 10 თებერვლის N218 დადგენილებაში ცვლილების შეტანის თაობაზე

1. „დ“ ქვეპუნქტი ჩამოყალიბდეს ახალი  რედაქციით:

„დ) კონკურსის გამარჯვებულის გამოცხადების და მე–12 მუხლის მე–10 პუნქტის შესრულების დღიდან,  საკონკურსო განცხადებით განსაზღვრული ავტობუსებით მომსახურების განხორციელების დაწყების გრაფიკით, თვითმმართველი ქალაქი რუსთავის მერიის მიერ განაზღვრული ვადის განმავლობაში, მომსახურების განხორციელება დაიწყოს და ნებართვის მოქმედების მთელი ვადის განმავლობაში განაგრძოს მხოლოდ მისი საკონკურსო განცხადებით განსაზღვრული ტექნიკური მონაცემების ავტობუსებით; საკონკურსო განცხადებით განსაზღვრულ ტექნიკურ პირობებთან შესაბამისობის შენარჩუნების მიზნით, აუცილებლობის შემთხვევაში შეცვალოს ავტობუსი, მისი კატეგორიის, სახეობის, სტანდარტების, ხნოვანობის, ამ წესის და მოქმედი კანონმდებლობის შესაბამისად, საკონკურსო განცხადებით განსაზღვრული ტექნიკური მონაცემების შეუცვლელად და ეს ცვლილებები დაუყოვნებლივ აცნობოს ნებართვის გამცემს.“

2. დაემატოს შემდეგი შინაარსის „დ¹)“   ქვეპუნქტი:

„დ¹)  ამ მუხლის 1-ლი პუნქტის „დ“ პუნქტით გათვალისწინებული  ვადის განსაზღვრისას თვითმმართველი ქალაქი რუსთავის მერიამ მხედველობაში უნდა მიიღოს ნებართვის მფლობელის მიერ  მე–14 მუხლის 1-ლი პუნქტის „ლ“ ქვეპუნქტით დადგენილი პირების (კონკურსში მის გამარჯვებამდე მარშრუტზე მომუშავე მძღოლების) ინტერესების დაკმაყოფილება.