უცხოელი მოქალაქის და მოქალაქეობის არმქონე პირის სახელმწიფო საიდუმლოებასთან დაშვების და დაშვების გაუქმების წესის დამტკიცების შესახებ

უცხოელი მოქალაქის და მოქალაქეობის არმქონე პირის სახელმწიფო საიდუმლოებასთან დაშვების და დაშვების გაუქმების წესი (შემდგომში - წესი) განსაზღვრავს უცხოელი მოქალაქის და მოქალაქეობის არმქონე პირის (შემდგომში - პირი) სახელმწიფო საიდუმლოებასთან დაშვების და დაშვების გაუქმების პირობებს, „სახელმწიფო საიდუმლოების შესახებ“ საქართველოს კანონის შესაბამისად.

1. სახელმწიფო საიდუმლოებასთან დასაშვებად, საქართველოს შინაგან საქმეთა სამინისტროს კონტრდაზვერვის დეპარტამენტში პირი წარადგენს:

ა) ანკეტას;

ბ) ავტობიოგრაფიას;

გ) პასპორტის ან მოქალაქეობის არმქონე პირის შემთხვევაში, პასპორტის შემცვლელი სხვა სამგზავრო დოკუმენტის ასლს, რომელიც გამოიყენება მგზავრობისათვის ან/და ბინადრობის მოწმობის ასლს.

2. თუ ამ მუხლის პირველი პუნქტით განსაზღვრული დოკუმენტები შედგენილია არასახელმწიფო ენაზე, პირი ვალდებულია, საქართველოს შინაგან საქმეთა სამინისტროს კონტრდაზვერვის დეპარტამენტში წარადგინოს სანოტარო წესით დამოწმებული თარგმან(ებ)ი.

3. სახელმწიფო საიდუმლოებასთან დაკავშირებული საქმიანობის  განმახორციელებელი იურიდიული პირი, ამ დადგენილებით განსაზღვრული პირის მიმართ შემოწმების პროცედურის განხორციელების მიზნით, უზრუნველყოფს ამ მუხლით გათვალისწინებული დოკუმენტების წარდგენას საქართველოს შინაგან საქმეთა სამინისტროს კონტრდაზვერვის დეპარტამენტში, კანონმდებლობით დადგენილი წესით.

1. საქართველოს შინაგან საქმეთა სამინისტროს კონტრდაზვერვის დეპარტამენტი, სახელმწიფო საიდუმლოებასთან დაშვების გასაცემად, პირის შემოწმებას ახორციელებს „სახელმწიფო საიდუმლოების შესახებ“, „კონტრდაზვერვითი საქმიანობის შესახებ“, „საზოგადოებრივი უსაფრთხოების სამსახურის შესახებ“, „ოპერატიულ-სამძებრო საქმიანობის შესახებ“ საქართველოს კანონებითა და სხვა ნორმატიული აქტებით დადგენილი წესით.

2. სახელმწიფო საიდუმლოებასთან დასაშვებად, პირის შემოწმების დროს, დგინდება „სახელმწიფო საიდუმლოების შესახებ“ საქართველოს კანონის 27-ე მუხლით გათვალისწინებულ გარემოებათა არსებობა ან არარსებობა, ასევე, პირთან დაკავშირებული ყველა მონაცემი, რომელიც შეიძლება წარმოადგენდეს/წარმოადგენს საფრთხეს საქართველოს სახელმწიფო საიდუმლოების დაცვის უზრუნველყოფისათვის.

1. გადაწყვეტილება სახელმწიფო საიდუმლოებასთან პირის დაშვების მიზანშეწონილობის შესახებ საქართველოს შინაგან საქმეთა მინისტრის მიერ ეგზავნება საქართველოს პრემიერ-მინისტრს.

2. სახელმწიფო საიდუმლოებასთან პირი დაიშვება საქართველოს პრემიერ-მინისტრის ბრძანებით.

1. სახელმწიფო საიდუმლოებასთან დაშვების გაუქმება შესაძლებელია საქართველოს შინაგან საქმეთა მინისტრის წერილის საფუძველზე, ამ წესის მე-3 მუხლის მე-2 პუნქტით გათვალისწინებული გარემოების შექმნის ან გამოვლენის შემთხვევაში.

2. გადაწყვეტილებას სახელმწიფო საიდუმლოებასთან დაშვების გაუქმების თაობაზე იღებს საქართველოს პრემიერ-მინისტრი.  

სახელმწიფო საიდუმლოებასთან დაშვებული პირი ვალდებულია:

ა) არ გაახმაუროს სახელმწიფო საიდუმლოება, რომელიც მას გაანდეს ან მისთვის ცნობილი გახდა;

ბ) შეასრულოს საქართველოს კანონმდებლობით გათვალისწინებული სახელმწიფო საიდუმლოებასთან დაკავშირებული მოთხოვნები;

გ) საქართველოს შინაგან საქმეთა სამინისტროს უფლებამოსილ თანამდებობის პირს აცნობოს გარემოებანი, რომლებიც ხელს უშლის სახელმწიფო საიდუმლოების დაცვაში.