შპს ,,მარაბდა-კარწახის რკინიგზის“ სასარგებლო წიაღისეულის მოპოვების ლიცენზიისაგან გათავისუფლების თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №1710
2014 წლის 19 სექტემბერი
ქ. თბილისი
შპს ,,მარაბდა-კარწახის რკინიგზის“ სასარგებლო წიაღისეულის მოპოვების ლიცენზიისაგან გათავისუფლების თაობაზე
1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების 74 მუხლის საფუძველზე, ბაქო-თბილისი-ყარსის სარკინიგზო ხაზის მშენებლობის პროექტის შეუფერხებლად განხორციელების უზრუნველსაყოფად, შპს „მარაბდა-კარწახის რკინიგზა“ გათავისუფლდეს სასარგებლო წიაღისეულის (საშენი მასალა) მოპოვების ლიცენზიისაგან 3 (სამი) თვის ვადით და განახორციელოს:
ა) 8 048 (რვა ათას ორმოცდარვა) მ3 გრანიტოიდების ღორღის მოპოვება თეთრიწყაროს მუნიციპალიტეტის სოფ. ივანოვკის მიმდებარე ტერიტორიაზე, შემდეგი X და Y კოორდინატების საზღვრებში:
| № | X | Y |
| 1. | 446206 | 4604832 |
| 2. | 446187 | 4604813 |
| 3. | 446123 | 4604819 |
| 4. | 446069 | 4604863 |
| 5. | 446048 | 4604938 |
| 6. | 446118 | 4604921 |
| S=1.0 ჰა | ||
| WGS 84 | ||
| 8 048 მ3 |
ბ) 173 935 (ას სამოცდაცამეტი ათას ცხრაას ოცდათხუთმეტი) მ3 ვულკანური წიდის მოპოვება ნინოწმინდის მუნიციპალიტეტის სოფ. ახალი ხულგუმოს მიმდებარე ტერიტორიაზე, შემდეგი X და Y კოორდინატების საზღვრებში:
| № | X | Y |
| 1. | 405603 | 4595462 |
| 2. | 405574 | 4595436 |
| 3. | 405635 | 4595344 |
| 4. | 405749 | 4595149 |
| 5. | 405769 | 4595309 |
| S=2.05ჰა | ||
| WGS 84 | ||
| 173 935 მ3 |
2. შპს „მარაბდა-კარწახის რკინიგზამ“ უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნული სააგენტოს შესაბამისი დასკვნებით (გეოსაინფორმაციო პაკეტი) განსაზღვრული პირობების შესრულება.
3. შპს „მარაბდა-კარწახის რკინიგზა“ ვალდებულია მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით განსაზღვრული სამშენებლო პროექტის განსახორციელებლად.
4. „შპს „მარაბდა-კარწახის რკინიგზის“ სასარგებლო წიაღისეულის მოპოვების ლიცენზიისგან გათავისუფლების თაობაზე“ საქართველოს მთავრობის 2014 წლის 13 მარტის №420 განკარგულების შესაბამისად, შპს „მარაბდა-კარწახის რკინიგზის“ მიერ 8 048 (რვა ათას ორმოცდარვა) მ3 გრანიტოიდების ღორღის მოპოვების ლიცენზიისგან გათავისუფლებისთვის გადახდილი 10 000 (ათი ათასი) ლარი და 193 135 (ას ოთხმოცდაცამეტი ათას ას ოცდათხუთმეტი) მ3 ვულკანური წიდის მოპოვების ლიცენზიისგან გათავისუფლებისთვის გადახდილი 10 000 (ათი ათასი) ლარი ჩაითვალოს კომპანიის მიერ ამ განკარგულების პირველი პუნქტის ,,ა“ და ,,ბ“ ქვეპუნქტებით გათვალისწინებული სასარგებლო წიაღისეულის მოპოვების ლიცენზიისგან გათავისუფლებისათვის დადგენილი თანხის (20 000 ლარი) გადახდილად.
5. შპს „მარაბდა-კარწახის რკინიგზამ“ სასარგებლო წიაღისეულის მოპოვების ვადის გასვლიდან ორი კვირის ვადაში, საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებაში – გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული რესურსის ოდენობის შესახებ.
6. შპს „მარაბდა-კარწახის რკინიგზის“ მიერ ლიცენზიისგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ – გარემოსდაცვითი ზედამხედველობის დეპარტამენტმა.
პრემიერ-მინისტრი ირაკლი ღარიბაშვილი