ჩოხატაურის მუნიციპალიტეტის ადმინისტრაციული ერთეულების ბეჭდის ნიმუშისა და გამგებლის წარმომადგენელთა მიერ მისი გამოყენების წესის დამტკიცების შესახებ

ა) მუნიციპალიტეტის დასახელება;

ბ) მუნიციპალიტეტის ადმინისტრაციული ერთეულის დასახელება;

გ) მუნიციპალიტეტის გერბი;

დ) სექტორის ამღნიშვნელი ციფრი საჯარო რეესტრის შესაბამისად.

ეს წესი ადგენს მუნიციპალიტეტის გამგებლის წარმომადგენელთა (შემდგომში წარმომადგენელი) მიერ ბეჭდის გამოყენების სამართლებრივ ურთიერთობებს.

1. წარმომადგენელს უნდა ჰქონდეს მხოლოდ ერთი ბეჭედი, რომლის ნიმუშს ამტკიცებს ადგილობრივი თვითმმართველობის წარმომადგენლობითი ორგანო.

2. წარმომადგენლის ბეჭედი უნდა დაისვას შესრულებული მოქმედების დასამოწმებლად. ბეჭედი ისმება ხელმოწერასთან ისე, რომ მისი ნაწილი ფარავდეს ხელმოწერის მცირე ნაწილს მაინც. თუ დოკუმენტი შედგება ერთზე მეტი ფურცლისგან, ბეჭედი დაისმება ისე, რომ მან მოიცვას ყველა ფურცელი. შესრულებულ მოქმედებას წარმომადგენლის ხელმოწერისა და ბეჭდის გარეშე არ აქვს იურიდიული ძალა. წარმომადგენლის ბეჭედი დაისმება წარმომადგენელის მიერ მომზადებულ დოკუმენტებზე: ცნობა, აქტი და კანონმდებლობით გათვალისწინებულ სხვა საქმიან ქაღალდებზე.

3. წარმომადგენელი ვალდებულია გულმოდგინედ შეინახოს ბეჭედი. აკრძალულია ბეჭდის გადაცემა სხვა პირისათვის. ბეჭდის დაკარგვის შემთხვევაში წარმომადგენელი ვალდებულია ამის შესახებ დაუყოვნებლივ წერილობით აცნობოს მუნიციპალიტეტის გამგებელს.