საქართველოს კანონის ,,საქართველოს საგადასახადო კოდექსის“ 206-ე მუხლის პირველი ნაწილის „შ“ ქვეპუნქტით გათვალისწინებული შემთხვევის სტიქიის (გვალვა) შედეგად სასოფლო-სამეურნეო დანიშნულების მიწაზე ქონების გადასახადისაგან გათავისუფლების საფუძვლის, ცნობის (განკარგულების) გაცემის წესის დამტკიცების შესახებ

საქართველოს კანონის  ,,საქართველოს  საგადასახადო კოდექსის“ 206-ე მუხლის პირველი ნაწილის „შ“ ქვეპუნქტისა  და  საქართველოს ორგანული კანონის ,,ადგილობრივი  თვითმმართველობის კოდექსის“  მე-16 მუხლის მესამე ნაწილის  საფუძველზე,  სიღნაღის მუნიციპალიტეტის საკრებულო ადგენს:

დამტკიცდეს  სიღნაღის მუნიციპალიტეტის საკრებულოს მიერ საქართველოს კანონის ,,საქართველოს  საგადასახადო კოდექსის“ 206-ე მუხლის პირველი ნაწილის „შ“ ქვეპუნქტით  გათვალისწინებული შემთხვევის  სტიქიის (გვალვის) შედეგად    სასოფლო-სამეურნეო  დანიშნულების მიწაზე ქონების გადასახადისაგან   გათავისუფლების საფუძვლის, ცნობის  (განკარგულების) გაცემის წესი  დანართის შესაბამისად.

დადგენილება ამოქმედდეს გამოქვეყნებისთანავე.

ეს წესი ვრცელდება  საქართველოს კანონის ,,საქართველოს საგადასახადო კოდექსის“ 206-ე მუხლის პირველი ნაწილის „შ“ ქვეპუნქტის შესაბამისად, სტიქიის(გვალვის) შედეგად   მიწაზე ქონების გადასახადისაგან გათავისუფლების   შემთხვევაზე .

საკრებულოს მიერ ცნობის (განკარგულების) გაცემის საფუძვლად განისაზღვროს საკრებულოს გადაწყვეტილებით შექმნილი  დროებითი სამუშაო ჯგუფის დასკვნა, შემდეგი  დართული მასალებით:

1.    სამუშაო ჯგუფის მიერ კონკრეტული მიწის ნაკვეთისათვის შედგენილი დათვალიერების აქტი (  ფოტო-მასალა, სიტუაციური აღწერილობა).

2. მოსავლის განადგურების სხვა მიზეზის გამორიცხვის მიზნით დაინტერესებული პირის მიერ   წარმოდგენილი :

ა) ჰიდრომეტეოროლოგიური დეპარტამენტის ცნობა გვალვიანობის შესახებ;

ბ) მიწის ნაყოფიერების დამადასტურებული  დოკუმენტი (დასკვნა ნიადაგის გამოკვლევაზე, გაცემული  ლაბორატორიის  მიერ,  ნიადაგის ლაბორატორიული ტესტირება);

გ) სასოფლო-სამეურნეო სამუშაოების აგროტექნიკურ ვადებში ჩატარების  დამადასტურებელი  დოკუმენტები.

3. მოსავლის განადგურების პროცენტული მაჩვენებლის განსაზღვრის მიზნით ინფორმაცია ჩატარებული საკონტროლო ჭრის შესახებ. 

პირველი  მუხლის მე-2 პუნქტით გათვალისწინებული დოკუმენტაციის წარდგენის ვადად განისაზღვროს 20  კალენდარული დღე.