ქობულეთის Mმუნიციპალიტეტის საკრებულოს წევრის საქმიანობის განხორციელებასთან ხარჯების ანაზღაურების წესის დამტკიცების შესახებ
🕸️ გრაფი — კავშირების ვიზუალიზაცია
ცვლილებები (1)
დოკუმენტის ტექსტი
|
ქობულეთის მუნიციპალიტეტის საკრებულო დადგენილება №19 |
|
2014 წლის 28 ოქტომბერი ქ. ქობულეთი |
|
ქობულეთის მუნიციპალიტეტის საკრებულოს
წევრის საქმიანობის განხორციელებასთან ხარჯების
ანაზღაურების წესი
მუხლი 1
ეს წესი საქართველოს ორგანული კანონის ,,ადგილობრივი თვითმმართველობის კოდექსის“ 41-ე მუხლის მე-3 პუნქტის, ქობულეთის მუნიციპალიტეტის საკრებულოს რეგლამენტის მე-16 მუხლის შესაბამისად, განსაზღვრავს საკრებულოს წევრის მიერ ამომრჩევლებთან შესახვედრად, საკრებულოს ან საკრებულოს თავმჯდომარის დავალებათა შესასრულებლად და საკრებულოს წევრის სხვა უფლებამოსილების განხორციელებისათვის გაწეული ხარჯების ანაზღაურების წესსა და პირობებს. მუხლი 2 ქობულეთის მუნიციპალიტეტის საკრებულოს წევრთათვის საქმიანობის განხორციელებასთან ხარჯების ანაზღაურების ზღვრული ოდენობა ყოველთვიურად შეადგენს 500 (ხუთასი) ლარს, ხოლო საკრებულოს ბიუროს წევრებისათვის 230 (ორასოცდაათი) ლარს. მუხლი 3 საკრებულოს თავმჯდომარის მოადგილე განხორციელებული ხარჯების ანაზღაურების ნუსხას ყოველი თვის 20 რიცხვში წარუდეგნს საკრებულოს თავმჯდომარეს თანახმად №2 დანართისა. მუხლი 4 საკრებულოს თავმჯდომარე წარდგენილი უფლებამოსილების გაწეული ხარჯების ანაზღაურების ნუსხას (№2 დანართისა) ცვლილებებით ან უცვლელად ამტკიცებს და გადასცემს მუნიციპალიტეტის გამგეობის საფინანსო სამსახურს, რომელიც შემდგომ ახდენს ნუსხის მიხედვით ანაზღაურებას. მუხლი 5 ამ წესში ცვლილებები ან და დამატებები შესაძლებელია განხორციელდეს ქობულეთის მუნიციპალიტეტის საკრებულოს დადგენილებით.
დანართი №2 საკრებულოს წევრის საქმიანობის განხორციელებასთან დაკავშირებით გაწეული ხარჯების ანაზღაურების ნუსხა
ვამტკიცებ: ქობულეთის მუნიციპალიტეტის საკრებულოს თავმჯდომარე (სახელი, გვარი, ხელმოწერა)
----------------------------------------------------- განხორციელებული ხარჯების ანაზღაურების ნუსხას (20—წელი -------------------------თვე)
|