საქართველოს რეგიონული განვითარებისა და ადგილობრივი თვითმმართველობის რეფორმის კომისიის შექმნისა და დებულების დამტკიცების თაობაზე

საქართველოს რეგიონული განვითარებისა და ადგილობრივი თვითმმართველობის რეფორმის კომისიის შექმნისა და დებულების დამტკიცების თაობაზე საქართველოს მთავრობის დადგენილება №604 2014 წლის 30 ოქტომბერი ქ.თბილისი საქართველოს რეგიონული განვითარებისა და ადგილობრივი თვითმმართველობის რეფორმის კომისიის შექმნისა და დებულების დამტკიცების თაობაზე მუხლი 1🔗 „საქართველოს მთავრობის სტრუქტურის, უფლება­მო­სილებისა და საქმია­ნობის წესის შესახებ“ საქართველოს კანონის 29‑ე მუხ­ლის შესაბამისად, შეიქმნას საქართველოს რეგიონული განვი­თა­რებისა და ადგილობრივი თვითმმართველობის რეფორმის კომისია. მუხლი 2🔗 დამტკიცდეს საქართველოს რეგიონული განვითარებისა და ადგილობრივი თვითმმართველობის რეფორმის კო­მი­სიის თანდართული დებულება. მუხლი 3🔗 დადგენილება ამოქმედდეს გამოქვეყნებისთანავე.პრემიერ-მინისტრიირაკლი ღარიბაშვილი საქართველოს რეგიონული განვითარებისა და ადგილობრივი თვითმმართველობის რეფორმის კომისიის დებულება მუხლი 1🔗. ზოგადი დებულებანი 1. საქართველოს რეგიონული განვითარებისა და ადგილობრივი თვითმმართველობის რეფორმის კომისია (შემდგომში – კომისია) არის ადგილობ­რივი თვითმმართველობისა და რე­გი­ო­ნული განვითარების საკითხებზე მომუშავე საქართველოს მთავრობის სათათბირო ორგანო, რომელიც, კომპეტენციის ფარგლებში, უზრუნველყოფს: საქართველოს რეგიონული განვითარების  სახელმწიფო პოლიტიკის შემუშავებისა და განხორციელების ხელშეწყობას; საქართველოს რეგიონული განვითა­რების კონცეფციის შემუშავებასა და შესრულების კოორდინაციას; საქართველოს რეგიონული განვითარების პროცესის უწყებათაშორის კოორდინაციას; ადგი­ლობრივი თვითმმართველობის განვითარების მიზ­ნით, ადგილობრივი თვითმმართველობის რეფორმის დაგეგმვისა და განხორციელების ხელშეწყობას; წინადადებებისა და რეკომენდაციების შემუშავებას მართვის სისტემის ოპტიმი­ზაციის, ცენტრალური ხელისუფლებისა და ადგილობ­რივი თვითმმართველობის ორგანოების უფლებამოსილებათა გამიჯვნისა და გადანაწილების, ამ მიმართულებით ადგილობრივ საფინანსო-ეკონომიკურ და სოციალურ სფეროებში გასატარებელი ღონისძიებების თაობაზე. 2. კომისია თავის საქმიანობას წარმართავს საქართველოს კონსტი­ტუ­ციის, ამ დებულებისა და მოქმედი კანონმდებლობის შესაბამისად. მუხლი 2🔗. კომისიის ძირითადი ამოცანები კომისიის ძირითადი ამოცანებია, შეიმუშაოს და საქარ­თველოს მთავრობას წარუდგინოს წინადადებები/რეკომენ­დაცი­ები/სამართ­ლებრივი აქტე­ბის პროექტები: ა) საქართველოს რეგიონული განვითარების სახელმწიფო პოლიტიკის შემუშავებისა და განხორციელების თაობაზე; ბ) საქართველოს რეგიონული განვითარების კონცეფციის შემუშავებისა და შესრულების მიმდინარეობის შესახებ; გ) ადგი­ლობრივი თვითმმართველობის განვითარების მიზნით, ადგილობრივი თვითმმართველობის რეფორმის დაგეგმვისა და განხორციელების თაობაზე; დ) მართვის სისტემის ოპტიმი­ზაციის, ცენტრალური ხელისუ­ფლებისა და ადგილობ­რივი თვითმმართველობის ორგანოების უფლება­მოსილებათა გამიჯვნისა და გადანაწილების მიმართულებით გასატა­რებელი ღონისძიებების შესახებ; ე) რეფორმის ფარგლებში, ადგილობრივ საფინანსო-ეკონომიკურ და სოციალურ სფე­როებში გასატარებელი ღონისძიებების თაობაზე. მუხლი 3🔗. კომისიის უფლებამოსილებანი კომისია, საკუთარი ფუნქციების შესრულების მიზნით, კომპეტენ­ციის ფარგლებში, უფლებამოსილია: ა) კანონმდებლობით დადგენილი წესით, გამოითხოვოს ადგილობ­რივ თვითმმართველობასა და რე­გი­ო­ნული განვითარების პრობ­ლე­მატიკასთან და­კავშირებული ნე­ბის­მიერი ინფორმაცია; ბ) ცალკეულ საკითხთა მომზადებისა და დასკვნების/წინადადებე­ბის/რეკომენდაციების/სამართლებრივი აქტების პროექტების შე­მუ­შავების მიზნით, შექმნას სამუშაო ჯგუფები შესაბამისი სამინისტროების, სხვა სახელმწიფო უწყებების, ორგანიზაციებისა და დამოუკიდებელი ექსპერტების მონაწილეობით; გ) კონკრეტულ საკითხებზე საკონსულტაციოდ მოიწვიოს შე­საბა­მისი დარგის სპეციალისტები; დ) რეგიონული განვითარების ღონისძიებე­ბისათვის დამა­ტებითი ფინანსუ­რი რესურსების მოზიდვის მიზნით, ითანამშრომლოს სახელმ­წიფო და­წესებულებებთან, ადგილობრივ, საერ­თაშორისო და დონორ ორგანიზა­ციებთან; ე) მოამზადოს, განიხილოს და საქართველოს მთავრობას წა­რუდ­გი­ნოს შესაბამისი სამართლებრივი აქტების პროექტები. მუხლი 4🔗. კომისიის შემადგენლობა 1. კომისია შედგება კომისიის თავმჯდომარის, კომისიის სამდივნოს ხელმძღვანელისა და კომისიის წევრებისაგან. 2. კომისიის თავმჯდომარეა საქართველოს პრემიერ-მინისტრი. 3. კომისიას აქვს სამდივნო, რომლის ფუნქციასაც ასრულებს საქართველოს მთავრობის ადმინისტრაციის რეგიონებსა და ადგილობრივი თვითმმართველობის ორგანოებთან ურთი­ერ­თობების დეპარტამენტი, ხოლო კომისიის სამდივნოს ხელმძღვანელობს აღნიშნული დეპარტამენტის უფროსი. 4. კომისიის შემადგენლობაში ასევე შედიან: ა) საქართველოს ეკონომიკისა და მდგრადი განვითარების მინის­ტრი; ბ) საქართველოს ფინანსთა მინისტრი; გ) საქართველოს იუსტიციის მინისტრი; დ) საქართველოს ენერგეტიკის მინისტრი; ე) საქართველოს შრომის, ჯანმრთელობისა და სოციალური დაცვის მინისტრი; ვ) საქართველოს სპორტისა და ახალგაზრდობის საქმეთა მინისტრი; ზ) საქართველოს კულტურისა და ძეგლთა დაცვის მინისტრი; თ) საქართველოს რეგიონული განვითარებისა და ინფრას­ტრუქ­ტურის მინისტრი; ი) საქართველოს რეგიონული განვითარებისა და ინფრას­ტრუქ­ტურის მინისტრის მოადგილე; კ) საქართველოს განათლებისა და მეცნიერების მინისტრი; ლ) საქართველოს გარემოსა და ბუნებრივი რესურსების დაცვის მი­ნისტრი; მ) საქართველოს სოფლის მეურნეობის მინისტრი; ნ) საქართველოს მთავრობის საპარლამენტო მდივანი; ო) აჭარის ავტონომიური რესპუბლიკის მთავრობის თავმჯდომარე; პ) საქართველოს ადმინისტრაციულ-ტერიტორიულ ერთეულებში სახელმწიფო რწმუნებულები - გუბერნატორები. 5. კომისიის მუშაობაში მონაწილეობა ეთხოვოთ: ა) საქართველოს პარლამენტის რეგიონული პოლიტიკისა და თვით­მმართველობის კომიტეტის თავმჯდომარეს; ბ) საქართველოს პარლამენტის რეგიონული პოლიტიკისა და თვით­მმართველობის კომიტეტის თავმჯდომარის პირველ მოა­დგილეს; გ) საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარეს. 6. ამ მუხლის მე-4 და მე-5 პუნქტებით გათვალისწინებულის გარდა, კომისიის საქმიანობაში, კომისიის თავმჯდომარის მოწვევით, შეიძლება მონაწილეობდნენ ასევე საქართველოს პარლამენტის სხვა წევრები, სხვა სახელმწიფო უწყებების, ადგილობრივი და საერთაშორისო ორგანი­ზაციების წარმომადგენლები, შესაბამის სფეროში მომუშავე ექსპერტები. 7. კომისიის პერსონალურ შემადგენლობას განსაზღვრავს საქარ­თველოს პრემიერ-მინისტრი, კომისიის მდივნის წარდგინებით. მუხლი  5🔗.  კომისიის სხდომის გამართვისა და გადაწყვეტილების მიღების წესი 1. კომისია საქმიანობას ახორციელებს სხდომების მეშვეობით. კომისიის სხდომა ტარდება თვეში ერთხელ. კომისიის სხდომას იწვევს კომისიის თავმჯდომარე, საკუთარი ინიციატივით ან კო­მისიის წევრთა ერთი მესამედის მოთხოვნის საფუძველზე. სხდომას უძღვება კომისიის თავმჯდომარე, ხოლო მისი არყოფნის შემთხვევაში – მისი დავალებით, კომისიის ერთ-ერთი წევრი. 2. კომისიის სხდომებს იწვევს კომისიის თავმჯდომარე ან მასთან შეთანხმებით, კომისიის სამდივნოს ხელმძღვანელი. 3. კომისიის სხდომა უფლებამოსილია, თუ მას ესწრება კომისიის წევრთა სრული შემადგენლობის ნახევარზე მეტი. 4. კომისიის სხდომის გადაწყვეტილება მიღებულად ჩაითვლება, თუ მას მხარს დაუჭერს კომისიის დამსწრე წევრთა ნახევარზე მეტი. გადაწყვეტილების მიღება ხდება კენჭისყრის წესით. ხმების თანაბრად გაყოფის შემთხვევაში, გადამწყვეტია სხდომის თავმჯდომარის ხმა. 5. კომისიის გადაწყვეტილება ფორმდება სხდომის ოქმით, რომელსაც ხელს აწერენ სხდომის თავმჯდომარე და კომისიის სამდივნოს ხელმძღვანელი. ოქმში უნდა აისახოს კომისიის ნებისმიერი წევრის მიერ კენჭისყრაში მონაწილეობაზე თავშეკავების, უარის თქმის მიზეზი ან სხდომაზე გამოთქმული ნებისმიერი განსხვავებული აზრი. 6. კომისია საოქმო გადაწყვეტილებით სამუშაო ჯგუფს ავალებს ცალკეული საკითხის შესწავლასა და კომისიის სხდომაზე განსახი­ლველი საკითხის შესახებ შესაბამისი დასკვნების/წინადადებების/რეკომენდაცი­ების/სამართლებრივი აქტების პროექ­ტების მომზადებას. 7. საჭიროების შემთხვევაში, კომისიის თავმჯდომარის გადაწ­ყვეტილებით, კომისიის მუშაობაში მონაწილეობის მისაღებად სათათ­ბირო ხმის უფლებით შეიძლება მოწვეული ქნენ პირები, რომლებიც არ შედიან კომისიის შემადგენლობაში. ამასთან, კომისიის წევრები და კომი­სიის შემადგენლობაში სათათბირო ხმის უფლებით მოწვეული პირები კომისიის მუშაობაში უნდა მონაწილეობდნენ პირადად.   8. კომისიის საქმიანობის ორგანიზაციულ-ტექნიკურ უზრუნვე­ლ­ყოფას ახორ­ცი­ელებს საქართველოს მთავრობის ადმინისტრაციის რე­გიონებსა და ადგილობრივი თვითმმართველობის ორგანოებთან ურთი­ერ­თობების დე­პარ­ტამენტი. მუხლი 6🔗. კომისიის თავმჯდომარე და სამდივნოს ხელმძღვანელი 1. კომისიის თავმჯდომარე: ა) ხელმძღვანელობს კომისიის საქმიანობას; ბ) ამტკიცებს კომისიის დღის წესრიგს; გ) იწვევს და წარმართავს კომისიის სხდომებს. 2. კომისიის სამდივნოს ხელმძღვანელი: ა) ორგანიზაციას უწევს კომისიის სხდომის მომზადებასა და ჩატარებას; ბ) განსაზღვრავს და კომისიის თავმჯდომარეს წარუდგენს კომისიის სხდომის დღის წესრიგს და კომისიის სხდომაზე მოსაწვევ პირთა სიას; გ) კოორდინაციას უწევს კომისიის სამუშაო ჯგუფების მუშაობას; კომისიის თავმჯდომარესთან შეთანხმებით, განსაზღვრავს კომისიის სამუშაო ჯგუფების შემადგენლობას; დ) განიხილავს და კომისიას განსახილველად წარუდგენს სამუშაო ჯგუფების მიერ მომზადებულ დასკვნებს, რეკომენდაციებს, წინადადებებს და შესაბამისი სამართლებრივი აქტების პროექტებს; ე) პასუხისმგებელია კომისიის სხდომის ოქმის სწორად შედგენის, სხდომის მასალების შენახვისა და დაცვისათვის; ვ) გამოითხოვს კომისიის მუშაობისათვის საჭირო ინფორმაციას და ხელს აწერს შესაბამის დოკუმენტაციას; ზ) კოორდინაციას უწევს კომისიისა და სამუშაო ჯგუფების მიერ განსახორციელებული ღონისძიებების მიმდინარეობას; თ) კომისიის თავმჯდომარეს წარუდგენს ანგარიშს გაწეული საქ­მიანობის შესახებ; ი) ახორციელებს ამ დებულებით განსაზღვრულ და კომისიის თავმჯდომარის მიერ მინიჭებულ სხვა უფლებამოსილებებს. მუხლი 7🔗. კომისიის წევრები კომისიის წევრები უფლებამოსილი არიან: ა) მონაწილეობა მიიღონ როგორც კომისიის, ისე სამუშაო ჯგუფების მუშაობაში; ბ) კომისიის სხდომაზე წარადგინონ საკუთარი წინადადებები და მოსაზრებები, მონაწილეობა მიიღონ დღის წესრიგით განსაზღვრული საკითხების განხილვასა და დასკვნების/რეკომენდაციების/წინადადე­ბების/სამართ­ლებ­რივი აქტების პროექტების შემუშავებაში; გ) სამუშაო ჯგუფებიდან მიიღონ მათთვის საჭირო ინფორმაცია; დ) კომისიის სამდივნოს ხელმძღვანელი მიმართონ წინადადებით, ცალკეულ საკით­ხთა დამატებით შესწავლის ან კორექტირების საჭიროების თაობაზე; ე) განახორციელონ ამ დებულებით განსაზღვრული და კომისიის თავმჯდომარის მიერ მინიჭებული სხვა უფლებამოსილებები. მუხლი 8🔗. კომისიის სამუშაო ჯგუფები 1. კომისიის სამუშაო ჯგუფები იქმნება კომისიის მიერ, კომისიის კომპეტენციას მიკუთვნებული სფეროების მიხედვით. 2. კომისიის სამუშაო ჯგუფები შესაბამის სფეროთა მიხედვით განიხილავენ ცალკეულ საკითხებს და კომისიისათვის ამზადებენ შესაბამის დასკვნებს/რე­კომენდაციებს/წინადადებებს/სამართლებრივი აქტების პროექტებს. 3. სამუშაო ჯგუფი შედგება ხელმძღვანელის, სახელმწიფო დაწესებულებების წარმომადგენლების, ად­გი­­ლობრივი და საერთაშორისო ორგანიზაციების წარ­მომა­დგენლებისაგან, მოწვეული სპეციალისტებისა და ექსპერ­ტებისაგან. 4. კომისიის სამუშაო ჯგუფების საქმიანობას საერთო ხელმძღვა­ნელობასა და კოორდინაციას უწევს კომისიის სამდივნოს ხელმძღვანელი, რომელიც განსაზღვრავს სამუშაო ჯგუფის პერსონალურ შემადგენლობასა და საქმიანობის გრაფიკს. მუხლი 9🔗. კომისიის დებულებაში ცვლილების შეტანა და კომისიის საქმიანობის შეწყვეტა კომისიის დებულებაში ცვლილების შეტანა, აგრეთვე, კომისიის საქმიანობის შეწყვეტა ხორციელდება საქართველოს მთავრობის დად­გენილებით.