საჯარო სკოლის დირექტორის, დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი მოადგილის ან მოვალეობის სხვა შემსრულებლის რეგისტრაციის წესის დამტკიცების შესახებ

საჯარო სკოლის დირექტორის, დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი მოადგილის ან მოვალეობის სხვა შემსრულებლის რეგისტრაციის წესის დამტკიცების შესახებ საქართველოს განათლებისა და მეცნიერების მინისტრის ბრძანება №147/ნ 2014 წლის 7 ნოემბერი ქ. თბილისი საჯარო სკოლის დირექტორის, დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი მოადგილის ან მოვალეობის სხვა შემსრულებლის რეგისტრაციის წესის დამტკიცების შესახებ „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 21-ე მუხლის, საქართველოს „ზოგადი ადმინისტრაციული კოდექსის“ 61-ე მუხლის, „ზოგადი განათლების შესახებ“ საქართველოს კანონის 26-ე მუხლის პირველი პუნქტის „წ“ ქვეპუნქტისა და 28​3 მუხლის მე-2 პუნქტის „ე“ ქვეპუნქტისა და საქართველოს მთავრობის 2004 წლის 21 მაისის №37 დადგენილებით დამტკიცებული „საქართველოს განათლებისა და მეცნიერების სამინისტროს დებულების“ მე-2 მუხლის მე-2 პუნქტის „ჰ​4“ ქვეპუნქტისა და მე-3 მუხლის მე-2 პუნქტის „მ“  ქვეპუნქტის საფუძველზე, ვბრძანებ: მუხლი 1🔗 დამტკიცდეს საჯარო სკოლის დირექტორის, დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი მოადგილის ან მოვალეობის სხვა შემსრულებლის რეგისტრაციის წესი ამ ბრძანების დანართის შესაბამისად. მუხლი 2🔗 ძალადაკარგულად გამოცხადდეს „საჯარო სკოლის დირექტორის, დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი მოადგილის ან მოვალეობის სხვა შემსრულებლის რეგისტრაციის წესის დამტკიცების შესახებ“ საქართველოს განათლებისა და მეცნიერების მინისტრის 2013 წლის 8 ივლისის N90/ნ ბრძანება. მუხლი 3🔗 ბრძანება ამოქმედდეს გამოქვეყნებისთანავე.საქართველოს განათლებისა და მეცნიერების მინისტრითამარ სანიკიძე დანართი საჯარო სკოლის დირექტორის, დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი მოადგილის ან მოვალეობის სხვა შემსრულებლის რეგისტრაციის წესი მუხლი 1🔗. რეგულირების სფერო წინამდებარე წესი არეგულირებს ზოგადსაგანმანათლებლო დაწესებულებათა რეესტრში (შემდგომში – რეესტრი) საჯარო სამართლის იურიდიული პირის – განათლების მართვის საინფორმაციო სისტემის (შემდგომში – მართვის სისტემა) მიერ, საჯარო სამართლის იურიდიული პირის − ზოგადსაგანმანათლებლო დაწესებულების (შემდგომში – სკოლა) დირექტორის, დირექტორის მოვალეობის შემსრულებლის, დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი მოადგილის ან მოვალეობის სხვა შემსრულებლის უფლებამოსილების და უფლებამოსილების შეწყვეტის რეგისტრაციასთან დაკავშირებულ ურთიერთობებს. მუხლი 2🔗. უფლებამოსილების რეგისტრაციის განხორციელებისათვის აუცილებელი დოკუმენტაციის ნუსხა 1.   სკოლის სამეურვეო საბჭოს მიერ არჩეული დირექტორის რეესტრში რეგისტრაციას  მართვის სისტემა უზრუნველყოფს შემდეგი დოკუმენტაციის საფუძველზე: ა) შესაბამისი სკოლის სამეურვეო საბჭოს მიერ სკოლის დირექტორის  არჩევის ოქმისა და დადგენილების დამოწმებული ასლები; ბ) არჩეული დირექტორის პირადობის დამადასტურებელი მოწმობის ასლი. 2.  საქართველოს განათლებისა და მეცნიერების მინისტრის მიერ დირექტორის, ან დირექტორის მოვალეობის შემსრულებლის დანიშვნის შემთხვევაში, მართვის სისტემა რეგისტრაციას უზრუნველყოფს დირექტორის დანიშვნის შესახებ საქართველოს განათლებისა და მეცნიერების მინისტრის ბრძანების საფუძველზე. 3. სკოლის დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი მოადგილის რეესტრში რეგისტრაციას, მართვის სისტემა უზრუნველყოფს შემდეგი დოკუმენტაციის საფუძველზე: ა) დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი მოადგილის დანიშვნის დამადასტურებელი დოკუმენტის დამოწმებული ასლი; ბ) პირადობის დამადასტურებელი მოწმობის ასლი. 4.  სკოლის დირექტორის მოადგილის თანამდებობის არარსებობის შემთხვევაში, სკოლის იმ თანამშრომლის რეგისტრაციას, რომელიც დირექტორის მიერ თავისი უფლებამოსილების განხორციელების შეუძლებლობის შემთხვევაში შეასრულებს დირექტორის მოვალეობას,   მართვის სისტემა  უზრუნველყოფს შემდეგი დოკუმენტაციის საფუძველზე: ა) დირექტორის მიერ უფლებამოსილების განხორციელების შეუძლებლობის შემთხვევაში – მის მოვალეობის შემსრულებლად სკოლის თანამშრომლის დანიშვნის დამადასტურებელი დოკუმენტის დამოწმებული ასლი; ბ) პირადობის დამადასტურებელი მოწმობის ასლი. მუხლი 3🔗. უფლებამოსილების შეწყვეტის რეგისტრაციის განხორციელებისათვის აუციელებელი დოკუმენტაციის ნუსხა 1. სკოლის დირექტორის უფლებამოსილების შეწყვეტის რეესტრში რეგისტრაციას, მართვის სისტემა უზრუნველყოფს შემდეგი დოკუმენტაციის საფუძველზე: ა) შესაბამისი სკოლის სამეურვეო საბჭოს სხდომის ოქმი სკოლის დირექტორის უფლებამოსილების შეწყვეტის შესახებ; ბ) პირადობის დამადასტურებელი მოწმობის ასლი. გ) საქართველოს განათლებისა და მეცნიერების მინისტრის ბრძანების საფუძველზე სკოლის დირექტორის გათავისუფლების შემთხვევაში, საქართველოს განათლებისა და მეცნიერების მინისტრის ბრძანება, სკოლის დირექტორის თანამდებობიდან გათავისუფლების შესახებ. 2. დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი მოადგილის უფლებამოსილების შეწყვეტის რეესტრში რეგისტრაციისათვის: ა) დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი მოადგილის უფლებამოსილების შეწყვეტის დამადასტურებელი დოკუმენტის დამოწმებული ასლი; ბ) პირადობის დამადასტურებელი მოწმობის ასლი. 3. სკოლის დირექტორის მოადგილის თანამდებობის არარსებობის შემთხვევაში, სკოლის იმ თანამშრომლის, რომელიც დირექტორის მიერ თავისი უფლებამოსილების განხორციელების შეუძლებლობის შემთხვევაში ასრულებს დირექტორის მოვალეობას, უფლებამოსილების შეწყვეტის რეგისტრაციას მართვის სისტემა  უზრუნველყოფს შემდეგი დოკუმენტაციის საფუძველზე: ა) დირექტორის მიერ უფლებამოსილების განხორციელების შეუძლებლობის შემთხვევაში – მისი მოვალეობის შემსრულებელი სკოლის თანამშრომლის უფლებამოსილების შეწყვეტის დამადასტურებელი დოკუმენტის დამოწმებული ასლი;   ბ) პირადობის დამადასტურებელი მოწმობის ასლი. 4. საქართველოს განათლებისა და მეცნიერების მინისტრის მიერ სკოლის დირექტორის მოვალეობის შემსრულებლისათვის უფლებამოსილების შეწყვეტის შემთხვევაში, უფლებამოსილების შეწყვეტის რეგისტრაციას მართვის სისტემა  უზრუნველყოფს - სკოლის დირექტორის მოვალეობის შემსრულებლის გათავისუფლების შესახებ საქართველოს განათლებისა და მეცნიერების მინისტრის ბრძანების საფუძველზე.  მუხლი 4🔗. უფლებამოსილების ან უფლებამოსილების შეწყვეტის რეგისტრაციის შესახებ გადაწყვეტილების მიღება 1. ამ წესის მე-2 და მე-3 მუხლებში მითითებულ პირთა რეგისტრაციისათვის წარდგენილი დოკუმენტაციის კანონმდებლობით დადგენილ მოთხოვნებთან შესაბამისობას ამოწმებს მართვის სისტემა. 2. ამ წესის მე-2 და მე-3 მუხლებით განსაზღვრული დოკუმენტების სარეგისტრაციოდ წარდგენიდან არაუგვიანეს 1 თვის ვადაში, მართვის სისტემის უფროსი ინდივიდუალური ადმინისტრაციულ-სამართლებრივი აქტით (ბრძანებით) იღებს გადაწყვეტილებას  წარდგენილი მონაცემების რეესტრში რეგისტრაციის შესახებ. 3. სარეგისტრაციოდ წარდგენილი დოკუმენტების კანონმდებლობით დადგენილ მოთხოვებთან შეუსაბამობის შემთხვევაში, მართვის სისტემა უფლებამოსილია დაადგინოს ხარვეზი და მოითხოვოს  დოკუმენტების დამატებით წარდგენა ან უარი განაცხადოს წარდგენილი მონაცემების რეგისტრაციის შესახებ. 4. ამ მუხლის მე-2 პუნქტით გათვალისწინებული ინდივიდუალური ადმინისტრაციულ-სამართლებრივი აქტით განსაზღვრული მონაცემების  რეესტრში რეგისტრაციას ახორციელებს მართვის სისტემა. 5. ამ წესის მე-2 მუხლის მე-3 და მე-4 პუნქტებით გათვალისწინებულ შემთხვევაში, ზოგადსაგანმანათლებლო დაწესებულებათა რეესტრში პირის უფლებამოსილების რეგისტრაცია ავტომატურად იწვევს იმავე ზოგადსაგანმანათლებლო დაწესებულების უკვე რეგისტრირებული იმავე სტატუსის მქონე პირის რეგისტრაციის შეწყვეტას.