ხაშურის მუნიციპალიტეტის ტერიტორიაზე არსებული კურორტისა და საკურორტო ადგილების მოვლა–პატრონობის წესის დამტკიცების შესახებ

ხაშურის მუნიციპალიტეტის ტერიტორიაზე არსებული კურორტისა და საკურორტო ადგილების მოვლა–პატრონობის წესის დამტკიცების შესახებ ხაშურის მუნიციპალიტეტის საკრებულოს დადგენილება  №6 2015  წლის 26 იანვარი ქ. ხაშური ხაშურის მუნიციპალიტეტის ტერიტორიაზე არსებული კურორტისა და საკურორტო ადგილების მოვლა–პატრონობის წესის დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსის“ მე-16 მუხლის მე-4 პუნქტის, 61-ე მუხლის 1-ლი და მე–2 პუნქტის და საქართველოს კანონის „ნორმატიული აქტების შესახებ“ მე-20  მუხლის მე-2 პუნქტის  საფუძველზე ხაშურის მუნიციპალიტეტის საკრებულო ადგენს: მუხლი 1🔗 დამტკიცდეს ხაშურის მუნიციპალიტეტის ტერიტორიაზე არსებული კურორტისა და საკურორტო ადგილების მოვლა–პატრონობის  წესი დანართი 1-ის მიხედვით (თან ერთვის 2 ფურცლად) მუხლი 2🔗 დადგენილება ამოქმედდეს 2015 წლის 1 თებერვლიდან. ხაშურის მუნიციპალიტეტის საკრებულოს თავმჯდომარევაჟა შუბითიძე დანართი 1 ხაშურის მუნიციპალიტეტის ტერიტორიაზე არსებული კურორტისა და საკურორტო ადგილების მოვლა–პატრონობის  წესი მუხლი 1🔗 ეს წესი არეგულირებს საქართველოს მთავრობის 2014 წლის 3 ივლისის №428 დადგენილებით განსაზღვრულ ხაშურის მუნიციპალიტეტის ტერიტორიაზე არსებულ კურორტისა და საკურორტო ადგილების მოვლა–პატრონობას. მუხლი 2🔗 ხაშურის მუნიციპალიტეტის ტერიტორიაზე არსებული კურორტია დაბა სურამი, საკურორტო ადგილები კი– სოფელი ქვიშხეთი, სოფელი ბულბულისციხე, სოფელი ქაშვეთი და სოფელი ხცისი. მუხლი 3🔗 1. კურორტის და საკურორტო ადგილების მოვლა–პატრონობა გულისხმობს მოსახლეობის მომსახურების პრიორიტეტულობას, კერძოდ: ა) კურორტიდან ნაგვის გატანა: ა.ა) მოსახლეობიდან კვირაში სამჯერ აპრილიდან ოქტომბრის ჩათვლით, დანარჩენ დროს ჩვეულებისამებრ; ა.ბ) საზოგადოებრივი სივრცეებიდან კვირაში ოთხჯერ აპრილიდან ოქტომბრის ჩათვლით, დანარჩენ დროს ჩვეულებისამებრ; ბ) მგზავრთა გადაყვანის სისტემის განვითარებას და მობილობას დროის შუალედის მუნიციპალიტეტის საკრებულოსთან შეთანხმებით: ბ.ა) კურორტში სამგზავრო გადაყვანა არაუგვიანეს დილის 8 საათიდან საღამოს არაუადრეს 22 საათამდე მაისიდან სექტემბრის ჩათვლით, ბ.ბ) საკურორტო ადგილებში სამგზავრო გადაყვანა არაუგვიანეს დილის 8 საათიდან არაუადრეს საღამოს 21 საათამდე მაისიდან სექტემბრის ჩათვლით, გ) გარე განათების გამართულ მუშაობას, დაზიანებული ადგილების პრიორიტეტულ შეკეთებას. დ) საზოგადოებრივი წყლის სასმელი ადგილების (ე.წ. „სოკო“), ბუნებრივი წყაროს კეთილმოწყობასა და ფუნქციონირებას; ე) საგზაო ინფრასტრუქტურის (გზები, საგზაო ნიშნები, მოსაცდელები) მოწესრიგება და პრიორიტეტული მომსახურება; ვ) სასმელი წყლის, სანიაღვრე ქსელის და კანალიზაციის, საზოგადოებრივი ტუალეტების მოწესრიგება და პრიორიტეტული მომსახურეობა; ზ)გეოგრაფიული ობიექტების სახელდებას და გამართული ნუმერაციას, შესაბამისი აბრების განთავსებას; თ) ტურისტული ინფრასტრუქტურის განვითარებისთვის კანონმდებლობით გათვალისწინებულ ფარგლებში საგადასახადო, ზონირებისა და შესაბამისი მოსაკრებლების დასადგენად გათვალისწინებული შეღავათების გამოყენებას; 2. საკრებულოს დადგენილებით შესაძლებელია განისაზღვროს სხვა სახის პრიორიტეტები. მუხლი 4🔗 კურორტზე და საკურორტო ადგილებზე მნიშვნელოვანია ეკოლოგიური მდგომარეობა, ამისთვის ხაშურის მუნიციპალიტეტის გამგეობა ვალდებულია მოახდინოს  გამწვანებული ადგილების (ბაღების, პარკების, ტყე–პარკების და ა.შ)  ფართობის ზრდა და მათი მოვლა–პატრონობა; მუხლი 5🔗 ხაშურის მუნიციპალიტეტის გამგეობამ კურორტზე და საკურორტო ადგილებზე განსახორციელებელი სამუშაოებისას დაიცვას საქართველოს კანონის „კურორტებისა და საკურორტო ადგილების სანიტარული დაცვის ზონების შესახებ“ მოთხოვნები. მუხლი 6🔗 ხაშურის მუნიციპალიტეტის გამგეობის მიერ სსიპ „მუნიციპალური განვითარების ფონდში“ ყოველწლიურად წარდგენილი პრიორიტეტული პროექტების განხორციელებისას, ერთი პროექტი მაინც უნდა შესრულდეს კურორტის ან საკურორტო ადგილის ტერიტორიაზე. მუხლი 7🔗 ხაშურის მუნიციპალიტეტის ბიუჯეტის დაგეგმვა–განხორციელებისას დაცული უნდა იყოს კურორტის და საკურორტო ადგილების განვითარების პრიორიტეტულობა. მუხლი 8🔗 ამ დადგენილების მიღებიდან სამი წლის განმავლობაში ხაშურის მუნიციპალიტეტის გამგეობა ვალდებულია მოახდინოს კურორტზე სამი ახალი, ხოლო საკურორტო ადგილებზე (სოფლებში ქვიშხეთი და ხცისი) ორი ახალი სკვერის (თითოეული არანაკლებ 200 მ​2 ფართის) მშენებლობა.