ქარელის მუნიციპალიტეტში პრემიის ოდენობის განსაზღვრის წესის დამტკიცების შესახებ

✨ ჰკითხე AI-ს ამ კანონის შესახებ
მუნიციპალიტეტის საკრებულოს დადგენილება ძალადაკარგული ადგილობრივი თვითმმართველობა
მიღების თარიღი
30.01.2015 ძალადაკარგული 30.03.2018
გამომცემი ორგანო
ქარელის მუნიციპალიტეტი
ნომერი
№6
სარეგისტრაციო კოდი
190040000.35.144.016198
გამოქვეყნების წყარო
matsne.gov.ge , 05/02/2015
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
ცვლილებები (1)
1
ქარელის მუნიციპალიტეტის საკრებულოს 2015 წლის 30 იანვრის №6 დადგენილების „ქარელის მუნიციპალიტეტში პრემიის ოდენობის განსაზღვრის წესის დამტკიცების თაობაზე“ ძალადაკარგულად გამოცხადების შესახებ
30.03.2018
05.02.2015 30.03.2018

დოკუმენტის ტექსტი

📑 სარჩევი (6 მუხლი)
 

ქარელის მუნიციპალიტეტის საკრებულოს

 დადგენილება  №6

2015 წლის 30 იანვარი

ქ. ქარელი

 

ქარელის მუნიციპალიტეტში პრემიის ოდენობის განსაზღვრის წესის დამტკიცების შესახებ
„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“  საქართველოს კანონის მე-5 მუხლის ლ) ქვეპუნქტის  და საქართველოს კანონის „საჯარო სამსახურის შესახებ“ მოთხოვნათა შესაბამისად მიღებული საქართველოს მთავრობის  2014 წლის 15 ივლისის №449 დადგენილების „ საჯარო დაწესებულებებში პრემიის ოდენობის განსაზღვრის წესის დამტკიცების შესახებ“ მე-4 მუხლით ეთხოვათ ადგილობრივი თვითმმართველობის ორგანოებს პრემიების ოდენობის განსაზღვრისა და გაცემის წესის მიღება  დადგენილებით განსაზღვრული წესისა და პრინციპების შესაბამისად.

საქართველოს ორგანული კანონის ,,ადგილობრივი თვითმმართველობის კოდექსის“  61-ე მუხლის 1-ლი და მე-2 პუნქტების  და საქართველოს კანონის „ნორმატიული აქტების შესახებ“ მე-18 მუხლის შესაბამისად, ქარელის მუნიციპალიტეტის საკრებულო ადგენს:


მუხლი 1
დამტკიცდეს ქარელის მუნიციპალიტეტში პრემიის ოდენობის განსაზღვრის  წესი–  დანართი  1  (თან ერთვის დანართი 1- 2 ფურცლად)
მუხლი 2
დადგენილება ამოქმედდეს გამოქვეყნებისთანავე.

ქარელის მუნიციპალიტეტის საკრებულოს თავმჯდომარეივანე არდემანაშვილი



დანართი №1
ქარელის მუნიციპალიტეტში პრემიების ოდენობის განსაზღვრისა და გაცემის წესი
მუხლი 1. ამ წესის რეგულირების სფერო
ეს წესი განსაზღვრავს ქარელის მუნიციპალიტეტში დასაქმებულ საჯარო მოხელეებზე გასაცემი პრემიის ოდენობას, მისი გაცემის წესს და პირობებს.

მუხლი 2. პრემიის გაცემის საფუძველი და მიზნები
1.პრემია გაიცემა საჯარო დაწესებულებაში დასაქმებული პირების მიერ შესრულებუ-ლი სამუშაოს შეფასების (საჯარო დაწესებულებაში  სამუშაოს შეფასების სისტემის არსებობის შემთხვევაში) ან/და დასაბუთების საფუძველზე. დასაბუთებაში უნდა მიეთითოს გასაცემი პრემიის ოდენობა, მისი პროცენტული მიმართება პირის თანამდებობრივ სარგოსთან,ინფორმაცია მიმდინარე წლის განმავლობაში აღნიშნულ პირზე გაცემული პრემიის შესახებ.

2.პრემიის მიზანია საჯარო დაწესებულებაში დასაქმებულ პირთა წახალისების და მოტივაციის  გაზრდა, აგრეთვე დასაქმების ბაზარზე არსებული კონკურენციის გათვალისწინებით,საჯარო დაწესებულებაში კვალიფიციური კადრების შენარჩუნება და მოზიდვა.


მუხლი 3. პრემიის გაცემის უფლებამოსილება
1ქარელის მუნიციპალიტეტში დასაქმებულ საჯარო მოხელეებზე პრემიის გაცემის საკითხის ინიცირების უფლება აქვს უშუალო ხელმძღვანელ პირს

2.პრემიის გაცემის შესახებ გამგეობის თანამდებობის პირების  და  სხვა საჯარო მოხელეთა მიმართ გადაწყვეტილებას იღებს ქარელის მუნიციპალიტეტის გამგებელი, ხოლო საკრებულოს აპარატის უფროსის, აპარატის და სხვა საჯარო მოხელეთა მიმართ საკრებულოს თავჯდომარე.


მუხლი 4. პრემიის გაცემის პერიოდულობა და ოდენობა
1 ქარელის მუნიციპალიტეტში დასაქმებულ საჯარო მოხელეებზე ერთჯერადად გაცემული პრემიის ოდენობა არ უნდა აღემატებოდეს აღნიშნული პირის თანამდებობრივ სარგოს.

2. ქარელის მუნიციპალიტეტში დასაქმებულ საჯარო მოხელეებზე პრემია შეიძლება გაიცეს კვარტალში ერთხელ.

3.პრემია შესაძლებელია გაიცეს ასევე არაუმეტეს წელიწადში სამჯერ,საქართველოს  შრომის კოდექსით განსაზღვრულ უქმე დღეებთან დაკავშირებით,ამ წესით დადგენილი ზღვრული ოდენობისა და პრინციპების დაცვით.



ხშირად დასმული კითხვები

მოქმედებს თუ არა „ქარელის მუნიციპალიტეტში პრემიის ოდენობის განსაზღვრის წესის დამტკიცების შესახებ“?
არა, დოკუმენტი ძალადაკარგულია. ბოლო რედაქცია — 30.03.2018.
როდის იქნა მიღებული „ქარელის მუნიციპალიტეტში პრემიის ოდენობის განსაზღვრის წესის დამტკიცების შესახებ“?
„ქარელის მუნიციპალიტეტში პრემიის ოდენობის განსაზღვრის წესის დამტკიცების შესახებ“ მიღებულია 30.01.2015. მიმღები ორგანო — ქარელის მუნიციპალიტეტი. დოკუმენტის ნომერი — №6. სარეგისტრაციო კოდი — 190040000.35.144.016198.
რამდენჯერ შევიდა ცვლილება „ქარელის მუნიციპალიტეტში პრემიის ოდენობის განსაზღვრის წესის დამტკიცების შესახებ“-ში?
დოკუმენტში სულ 1 ცვლილებაა შესული. მოქმედი რედაქცია ძალაშია 30.03.2018-დან.
რამდენი მუხლისგან შედგება „ქარელის მუნიციპალიტეტში პრემიის ოდენობის განსაზღვრის წესის დამტკიცების შესახებ“?
დოკუმენტი შედგება 6 მუხლისგან. თითოეული მუხლი ხელმისაწვდომია ცალკე ბმულით.
სად არის „ქარელის მუნიციპალიტეტში პრემიის ოდენობის განსაზღვრის წესის დამტკიცების შესახებ“-ის ოფიციალური ტექსტი?
ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 30.03.2018 მდგომარეობით.

როგორ დავიმოწმოთ

მუნიციპალიტეტის საკრებულოს დადგენილება „ქარელის მუნიციპალიტეტში პრემიის ოდენობის განსაზღვრის წესის დამტკიცების შესახებ“, №6, 30.01.2015, სარეგისტრაციო კოდი 190040000.35.144.016198 (კონსოლიდირებული რედაქცია 30.03.2018). ხელმისაწვდომია: https://legali.ge/law/2710039/