ახალქალაქის მუნიციპალიტეტის საკრებულოს წევრის (გარდა საკრებულოს თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ

1. ახალქალაქის მუნიციპალიტეტის საკრებულოს წევრის (გარდა საკრებულოს თანამდებობის პირებისა) უფლებამოსილების განხორციელებისას გაწეული ხარჯების ანაზღაურების წესი, №1 დანართის შესაბამისად;

2. საკრებულოს წევრის ამომრჩევლებთან მუშაობის, საკრებულოს თავმჯდომარისა და საკრებულოს დავალებების შესრულებასთან დაკავშირებით განხორციელებული სამუშაოს აღრიცხვის ნუსხა, №2 დანართის შესაბამისად;

3. ახალქალაქის მუნიციპალიტეტის საკრებულოს მუდმივი კომისიის წევრის და საკრებულოს ფრაქციის წევრის მიერ სხდომებზე დასწრებისა და საკითხების შესასწავლად გაწეულ საქმიანობასთან დაკავშირებით განხორციელებული სამუშაოს აღრიცხვის ნუსხა, №3 დანართის შესაბამისად;

4. ახალქალაქის მუნიციპალიტეტის საკრებულოს წევრების სხდომებზე დასწრებისა და საკითხების შესასწავლად გაწეულ საქმიანობასთან დაკავშირებით განხორციელებული სამუშაოს აღრიცხვის ნუსხა, №4  დანართის შესაბამისად.

5. ახალქალაქის მუნიციპალიტეტის საკრებულოს წევრის უფლებამოსილების შესრულებისას განხორციელებული ხარჯების ანაზღაურების ნუსხა, №5 დანართის შესაბამისად.

ანაზღაურების წესი

2. ხარჯების ანაზღაურება განხორციელდეს ამ წესის პირველ პუნქტში მითითებული თანხის ზღვრული მოცულობიდან, შემდეგი სახით:

ა) საკრებულოს წევრის ამომრჩევლებთან მუშაობის, საკრებულოს თავმჯდომარისა და საკრებულოს დავალებების შესრულებასთან დაკავშირებული ხარჯების ასანაზღაურებლად, გასაცემი თანხა დაანგარიშებული იქნას მე-2 დანართის შესაბამისად წარმოდგენილი ნუსხით;

ბ) საკრებულოს მუდმივი კომისიისა და ფრაქციის თითოეულ წევრზე, დავალებების შესრულებასთან დაკავშირებული ხარჯების ასანაზღაურებელი თანხა დაანგარიშებული იქნას  მე-3 დანართის შესაბამისად წარმოდგენილი ნუსხით;

გ) საკრებულოს წევრების სხდომებზე დასწრებისა და საკითხების შესასწავლად გაწეულ საქმიანობასთან დაკავშირებული ხარჯების ასანაზღაურებელი თანხა დაანგარიშებული იქნას მე-4 დანართის შესაბამისად წარმოდგენილი ნუსხით.

3. საკრებულოს თავმჯდომარის დავალებით, საკრებულოს აპარატი, წარმოდგენილ ნუსხებს აერთიანებს დანართი №5–ით გათვალისწინებულ ნუსხაში, ითვალისწინებს არასაპატიო მიზეზით სხდომების გაცდენისა და საპატიო მიზეზით შეუსრულებელი დავალებების (სხდომების გაცდენის) ოდენობას, დაიანგარიშებს ასანაზღაურებელ თანხას და №5 დანართით გათვალისწინებულ ნუსხას დასამტკიცებლად წარუდგენს საკრებულოს თავმჯდომარეს.

4. საკრებულოს თავმჯდომარე, ცვლილებებით ან უცვლელად, ამტკიცებს ახალქალაქის მუნიცპალიტეტის საკრებულოს წევრების უფლებამოსილების შესრულებისას განხორციელებული ხარჯების ანაზღაურების ნუსხას (დანართი №5). დამტკიცებული ნუსხა ხარჯების ასანაზღაურებლად ეგზავნება მუნიციპალიტეტის გამგეობის საფინანსო–საბიუჯეტო და შესყიდვების სამსახურს.

5. საკრებულოს რეგლამენტის შესაბამისად, არასაპატიო მიზეზით უფლებამოსილების შეუსრულებლობისა და საკრებულოს რეგლამენტის დარღვევის შემთხვევაში, საკრებულოს წევრს მიმდინარე თვის ხარჯი არ აუნაზღაურდება.