„წალენჯიხის მუნიციპალიტეტის გამგეობის დებულების დამტკიცების შესახებ“ წალენჯიხის მუნიციპალიტეტის საკრებულოს 2014 წლის 29 ივლისის N15 დადგენილებაში ცვლილების შეტანის შესახებ

„3. გამგებლის წარმომადგენელი:

ა) აკონტროლებს და გამგებელს წარუდგენს ინფორმაციას შესაბამის ადმინისტრაციული ერთეულის ტერიტორიაზე ადგილობრივი თვითმმართველობის ორგანოების მიერ მიღებული გადაწყვეტილებათა შესრულების მიმდინარეობის შესახებ;

ბ) გამგებელს წარუდგენს წინადადებებს შესაბამის ტერიტორიაზე არსებული პრობლემების და მათი შესაძლო გადაწყვეტის გზების შესახებ;

გ) მოქალაქეებზე გასცემს ადგილობრივი თვითმმართველობის კომპეტენციას მიკუთვნებულ საკითხებზე სხვადასხვა სახის ცნობებს;

დ) უზრუნველყოფს ადმინისტრაციული ერთეულის  მოსახლეობის კავშირს  გამგეობასთან და ადგილობრივი თვითმმართველობის თანამდებობის პირებთან;

ე) უზრუნველყოფს სტატისტიკურ და სხვა სახის მონაცემებისა და გამგებლის დავალებით მოთხოვნილი ინფორმაციის შეგროვებას, ადგილობრივი თვითმმართველობის სამართლებრივი აქტების მოსახლეობისათვის გაცნობას;

ვ) ვალდებულია  პერიოდულად  დადგენილი ფორმით გამგებელს წარუდგინოს  ინფორმაცია: მუნიციპალიტეტის შესაბამის დასახლებაში მოსახლეობის რაოდენობის შესახებ, დასაქმებისა და მიგრაციის შესახებ, იმ პირთა შესახებ, რომელთა დახმარება ხდება სახელმწიფო ან თვითმმართველი ერთეულის ბიუჯეტიდან, ჩასახლებული დევნილების რაოდენობის შესახებ, მოსახლეობის ელექტროენერგიით, გაზით, შეშითა და სასმელი წყლით უზრუნველყოფის მდგომარეობის შესახებ.  სოციალური (ჯანდაცვის, განათლების, კულტურის, დასვენების, კეთილმოწყობის და სხვა) და ინფრასტრუქტურის ობიექტების (გზები, ხიდები, სტიქიისაგან დამცავი ნაგებობები და სხვა) მდგომარეობისა და  მათ სარეაბილიტაციოდ გასატარებელი ღონისძიებების შესახებ;

ზ) მონაწილეობს ადგილობრივი ბიუჯეტის პროექტის შედგენაში, ამზადებს წინადადებეს ადმინისტრაციულ ერთეულში ადგილობრივი ბიუჯეტიდან დასაფინანსებელი ღონისძიების შესახებ, ორგნიზებას უწევს ადმინისტრაციული ერთეულის მოსახლეობისათვის ბიუჯეტის  პროექტის გაცნობას და საჯარო განხილვებს, ახორციელებს ბიუჯეტის პროექტთან დაკავშირებით მოსახლეობის შენიშვნებისა და წინადადების სისტემატიზაციას;

თ) ორგანიზებას უწევს ადმინისტრაციული ერთეულის მოსახლეობის გამოკითხვის და სახალხო განხილვების ჩატარებას. საჭიროების შემთხვევაში ამზადებს წინადადებებს სამუშაო ჯგუფის (ჯგუფების) შექმნის თაობაზე;

ი) თვალყურს ადევნებს ადმინისტრაციული ერთეულის  ტერიტორიაზე ბუნების,  კულტურის და ისტორიული ძეგლების მდგომარეობას და ინფორმაციას წარუდგენს მუნიციპალიტეტის გამგებელს;

კ) გამგეობის შესაბამისი სამსახურის ხელშეწყობის მიზნით მონაწილეობს მოქალაქეთა სამხედრო აღრიცხვაზე აყვანის და სამხედრო სავალდებულო სამსახურში გაწვევის, სამხედრო-სასწავლო შეკრების ჩატარების, დაწყებითი სამხედრო სწავლების, სამხედრო-პატრიოტული აღზრდის და სამოქალაქო თავდაცვის  ორგანიზების საკითხებში;

ლ) შეიმუშავებს  წინადადებებს ადმინისტრაციული ერთეულის ტერიტორიის ზონებად დაყოფის, მათი საზღვრების დადგენისა და შეცვლის, დასახელებების ქუჩების, მოედნების სახელდებისა და ნუმერაციის შესახებ;

მ) მონაწილეობს ადმინისტრაციული ერთეულის  სივრცით-ტერიტორიულ დაგეგმვაში, ადმინისტრაციული ერთეულის სივრცით–ტერიტორიული დაგეგმვის ნორმებისა და წესების, მიწათსარგებლობის გენერალური გეგმის, განაშენიანების რეგულირების გეგმის, დასახლებათა ტერიტორიების გამოყენებისა და განაშენიანების რეგულირების წესების, ტერიტორიის კეთილმოწყობისა და საინჟინრო ინფრასტრუქტურის განვითარების პროგრამათა პროექტების მომზადებაში და მათი განხორციელებისა და დაცვის უზრუნველყოფის ღონისძიებებში;

 ნ) ახორციელებს სხვა უფლებამოსილებებს გამგებლის  დავალებით.

4. გამგებლის წარმომადგენელზე გამგებლის დავალება გაიცემა და დავალების შესრულებაზე ინფორმაცია მიიღება უშუალოდ გამგებლის, ან  ადმინისტრაციული სამსახურის მეშვეობით.“;

„5. გამგებლის წარმომადგენელი ანგარიშვალდებულია გამგებლის წინაშე. მას აქვს   ბეჭედი და  ბლანკი შესაბამისი ადმინისტრაციული ერთეულის სახელწოდების მითითებით.“.