„ბაღდათის მუნიციპალიტეტის გამგეობის დებულების დამტკიცების შესახებ“ ბაღდათის მუნიციპალიტეტის საკრებულოს 2014 წლის 18 აგვისტოს №115 დადგენილებაში ცვლილებების შეტანის შესახებ“, ბაღდათის მუნიციპალიტეტის საკრებულოს 2015 წლის 30 იანვრის №2 დადგენილებაში ცვლილების შეტანის თაობაზე

მე-10  მუხლის მე-4 ნაწილის „ვ“ და ,,ი“ ქვეპუნქტები  ჩამოყალიბდეს შემდეგი რედაქციით:

4. გამგეობის სამსახურებია:

ვ) კულტურის, განათლების, სპორტისა და ახალგაზრდულ საკითხთა სამსახური;

ი) სამხედრო აღრიცხვისა და გაწვევის სამსახური;

მე-11 მუხლის მე-6 და მე-9 ნაწილი ჩამოყალიბდეს შემდეგი რედაქციით:

6. კულტურის, განათლების, სპორტისა და ახალგაზრდულ საკითხთა სამსახურის ძირითადი ფუნქციებია: მუნიციპალიტეტის განათლებისა და სკოლამდელი აღზრდის,  კულტურული მემკვიდრეობისა და ძეგლთა დაცვის, სპორტისა და ახალგაზრდულ საკითხთა მუნიციპალური პროგრამების შემუშავებისა და განხორციელების უზრუნველყოფა;

9) სამხედრო აღრიცხვისა და გაწვევის სამსახურის ძირითადი ფუნქციებია: სამხედრო აღრიცხვისა და გაწვევის საკითხებში მუნიციპალიტეტისათვის დელეგირებული უფლებამოსილების განხორციელების უზრუნველყოფა.