შპს"რეფერალური ჰოსპიტალი" კრედიტორთა კრების მოწვევის შესახებ.

საქმე № 2/23233-14

 

განჩინება

საქართველოს სახელით

კრედიტორთა კრების მოწვევის შესახებ

 

 

  26.02.2015 წელი                                                          თბილისი

 

 

 

  თბილისის საქალაქო სასამართლოს სამოქალაქო საქმეთა კოლეგია

მოსამართლე თამარ ჭუნიაშვილი

 

 

განმცხადებელი -  შპს ,,რეფერალური ჰოსპიტალი’’

(საიდენტიფიკაციო ნომერი 208148011)

დირექტორი - თენგიზ კახიძე

 

მოთხოვნა -  გაკოტრების საქმის წარმოების  დაწყება

 

სასამართლომ  განიხილა კრედიტორთა კრების მოწვევის საკითხი და 

 

გამოარკვია:

 

2014 წლის 31 დეკემბერს თბილისის საქალაქო სასამართლოს სამოქალაქო საქმეთა კოლეგიას განცხადებით მომართა შპს ,,რეფერალური ჰოსპიტალის’’ დირექტორმა თენგიზ კახიძემ და მოითხოვა შპს ,,რეფერალური ჰოსპიტალის’’ მიმართ გაკოტრების  საქმის წარმოების დაწყება.

 

თბილისის საქალაქო სასამართლოს სამოქალაქო საქმეთა კოლეგიის 2015 წლის 20 იანვრის განჩინებით განცხადება მიღებული იქნა სასამართლო წარმოებაში, კრედიტორთა პირველი კრება მოწვეული იქნა 2015 წლის 26 თებერვალს 15:00 საათზე შემდეგი დღის წესრიგით: 1. მეურვის საფინანსო ანგარიში; კრედიტორთა მოთხოვნების აღიარება; 3. გაკოტრების მმართველის დანიშვნა.

კრედიტორთა კრებაზე განხილული იქნა მეურვის საფინანსო ანგარიში და მოხდა კრედიტორთა ნაწილის მოთხოვნების აღიარება.

 

სასამართლომ კრებაზე საკითხების განხილვისას მიიჩნია, რომ კრედიტორთა კრება უნდა შეწყდეს და  გაგრძელდეს იგივე დღის წესრიგით. ,,გადახდისუუნარობის საქმის წარმოების შესახებ’’ საქართველოს კანონის 27-ე მუხლის პირველი და მეორე ნაწილების თანახმად, კრედიტორთა კრება იმართება გადახდისუუნარობის საქმის განმხილველ სასამართლოში. კრედიტორთა კრებას ამზადებს და ორგანიზაციულად უზრუნველყოფს მეურვე თავისი უფლებამოსილების ვადის განმავლობაში, ხოლო გაკოტრების ან რეაბილიტაციის პერიოდში – გაკოტრების/რეაბილიტაციის მმართველი. კრედიტორთა კრებას უძღვება მოსამართლე. კრედიტორთა კრების მოწვევისა და მასზე გადაწყვეტილების მიღების წესი განისაზღვრება ამ კანონით.

 

  

სასამართლომ იხელმძღვანელა ,,გადახდისუუნარობის საქმის წარმოების შესახებ” საქართველოს კანონის მე-5, მე-7, მე-8, მე-9, 25-ე, 27 -ე მუხლებით, საქართველოს სამოქალაქო საპროცესო კოდექსის 284-285 მუხლებით.

     

დ ა ა დ გ ი ნ ა  :

 

1. კრედიტორთა კრება გაგრძელდეს იგივე დღის წესრიგით 2015 წლის 19 მარტს 17:00 საათზე თბილისის საქალაქო სასამართლოში (მდებარე ქ. თბილისში დ. აღმაშენებლის ხეივანი მე-12 კმ. №6) სხდომის დარბაზი №1.

 

2. განჩინება გამოქვეყნდეს ,,საკანონმდებლო მაცნეში’’ და ვებგვერდზეwww. Tcc.gov.ge.

 

3. განჩინება შეიძლება გასაჩივრდეს გამოცემიდან 5 დღის ვადაში კერძო საჩივრით თბილისის საქალაქო სასამართლოს სამოქალაქო საქმეთა კოლეგიაში.

 

მოსამართლე                                              თამარ ჭუნიაშვილი