ა(ა)იპ „ავტოდრომი“-ს მომსახურებით სარგებლობის ტარიფების დამტკიცების შესახებ

ა(ა)იპ „ავტოდრომი“-ს მომსახურებით სარგებლობის ტარიფების დამტკიცების შესახებ ქალაქი ბათუმის საკრებულოს დადგენილება №7 2015 წლის 19 მარტი ქ. ბათუმი ა(ა)იპ „ავტოდრომის“ მომსახურებით სარგებლობის ტარიფების დამტკიცების შესახებ  საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-3 პუნქტის შესაბამისად, ქალაქ ბათუმის მუნიციპალიტეტის საკრებულო ადგენს: 1. დამტკიცდეს ა(ა)იპ „ავტოდრომის“ მომსახურების ღირებულების განმსაზღვრელი ტარიფები:    ა) ავტოდრომის ტრასაზე საკუთარი ავტომობილით რბოლის ღირებულება განისაზღვროს: - 30 წუთი - 15 (თხუთმეტი) ლარი; - 60 წუთი - 25 (ოცდახუთი) ლარი.   ბ) ავტოდრომის ტრასაზე საკუთარი ავტომობილით რბოლის ღირებულება სხვა ავტომობილებთან ერთად (ერთდროულად დაიშვება არაუმეტეს 3 ავტომობილისა) განისაზღვროს: - 30 წუთი - 5 (ხუთი) ლარი; - 60 წუთი - 10 (ათი) ლარი.   გ) ავტოდრომის ტრასის ერთი დღით (8 საათი)  შეჯიბრის მოწყობის მიზნით დაქირავების ღირებულება განისაზღვროს 400 (ოთხასი) ლარით;   დ) კარტინგისათვის  ავტოდრომის  ტრასის  დაქირავების  ღირებულება  (8  საათი თვის განმავლობაში) განისაზღვროს 200 (ორასი) ლარით;   ე) ა(ა)იპ „ავტოდრომის“ მიერ ორგანიზებულ შეჯიბრებაში მონაწილეობის ღირებულება განისაზღვროს 25 (ოცდახუთი) ლარით. 2. დადგენილება ამოქმედდეს გამოქვეყნებისთანავე.ქალაქ ბათუმის მუნიციპალიტეტის საკრებულოს თავმჯდომარეირაკლი ჭეიშვილი