საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიული პირის - ეროვნული სატყეო სააგენტოს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №634
2015 წლის 26 მარტი
ქ. თბილისი
საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიული პირის - ეროვნული სატყეო სააგენტოს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ
„სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, საქართველოს გარემოსა და ბუნებრივი რესურსების დაცვის სამინისტროს სსიპ - ეროვნული სატყეო სააგენტოს მართვას დაქვემდებარებული სახელმწიფო ტყის ფონდის ტერიტორიაზე სატყეო-სამეურნეო გზების მშენებლობის/მოწყობისა და შეკეთების, ხანძარსაწინააღმდეგო, ტყის მოვლა-აღდგენისა და ხე-ტყის დამზადების ღონისძიებების განხორციელების მიზნით, სსიპ - ეროვნულ სატყეო სააგენტოს, მის ბალანსზე რიცხული სპეციალური ტექნიკის (ტრაქტორები, ბულდოზერები, ექსკავატორები, მაღალი გამავლობის სატვირთო ავტომანქანები და სხვა მსგავსი) შეკეთებისათვის მიეცეს უფლება, გამარტივებული შესყიდვის საშუალებით განახორციელოს სპეციალური ტექნიკის ტექნიკური მომსახურების ან/და ასეთი მომსახურებისათვის საჭირო სათადარიგო ნაწილების ან/და საცხებ-საპოხი მასალების სახელმწიფო შესყიდვა.
პრემიერ-მინისტრი ი. ღარიბაშვილი