„საქართველოს სოფლის მეურნეობის სამინისტროს ცენტრალური აპარატის მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების და საკონკურსო თემატიკის დამტკიცების თაობაზე“ საქართველოს სოფლის მეურნეობის მინისტრის 2013 წლის 13 ნოემბრის N2-247 ბრძანებაში ცვლილების შეტანის შესახებ

საქართველოს სოფლის მეურნეობის მინისტრის

2015 წლის 23 აპრილი

ქ. თბილისი

1. „გ“ ქვეპუნქტით დამტკიცებული „იურიდიული და პარლამენტთან ურთიერთობის დეპარტამენტის მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნები და საკონკურსო თემატიკის“ (დანართი №3) მე-6 მუხლის „ბ“ ქვეპუნქტი ჩამოყალიბდეს შემდეგი რედაქციით:

„ბ) სპეციალობით მუშაობის არანაკლებ 1-წლიანი გამოცდილება;“.

2. „დ“ ქვეპუნქტით დამტკიცებულ „შიდა აუდიტის დეპარტამენტის მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნები და საკონკურსო თემატიკის“ (დანართი №4) მე-7 მუხლის „კ“ ქვეპუნქტი ჩამოყალიბდეს შემდეგი რედაქციით:

„კ) „საბიუჯეტო ორგანიზაციების ბუღალტრული აღრიცხვის და ფინანსური ანგარიშგების შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2014 წლის 31 დეკემბრის №429 ბრძანება“.

3. „ზ“ ქვეპუნქტით დამტკიცებული „საზოგადოებასთან ურთიერთობის დეპარტამენტის მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნები და საკონკურსო თემატიკას“ (დანართი №7) დაემატოს შემდეგი შინაარსის 5² მუხლი:

„მუხლი 5²

მედიასთან ურთიერთობის სამმართველოს უფროსი სპეციალისტის ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნებია:

ა) უმაღლესი განათლება;

ბ) საზოგადოებასთან ურთიერთობის და მედიის განხრით, კერძოდ ფოტო/ვიდეო გადაღების, აუდიო ჩაწერისა და სატელევიზიო მონტაჟის კუთხით მუშაობის არანაკლებ 2 წლიანი სამუშაო გამოცდილება;

გ) სასურველია უცხო ენის (ინგლისური, რუსული) ცოდნა;

დ) კომპიუტერული პროგრამების ცოდნა (Microsoft Word, Excel, Power Point, Outlook).“

4. „თ“ ქვეპუნქტით დამტკიცებული „პოლიტიკისა და ანალიტიკის დეპარტამენტის მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნები და საკონკურსო თემატიკას“ (დანართი №8):

ა) დაემატოს შემდეგი შინაარსის 3¹ მუხლი:

„მუხლი 3¹

სტატისტიკისა და ანალიტიკის სამმართველოს მთავარი სპეციალისტის ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნებია: 

ა) უმაღლესი განათლება ეკონომიკის, კომპიუტინგის/ინფორმატიკის, მათემატიკის სპეციალობით;

ბ) შესაბამისი პროფილით მუშაობის არანაკლებ 1-წლიანი გამოცდილება;

გ) ადმინისტრაციულ ორგანოში მსგავს პოზიციაზე მუშაობის გამოცდილება ჩაითვლება უპირატესობად;

დ) სავალდებულოა ინგლისური ენის ცოდნა, დამატებით სხვა უცხო ენ(ებ)ის ცოდნა ჩაითვლება უპირატესობად;

ე) სავალდებულოა MS Office Application-ის, განსაკუთრებით Exel-ის და Access-ის მაღალ დონეზე ცოდნა.“;

ბ) დაემატოს შემდეგი შინაარსის 6¹ და 6² მუხლები:

„მუხლი 6¹

პოლიტიკისა და სტრატეგიის  სამმართველოს მთავარი სპეციალისტის ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნებია:

ა) უმაღლესი განათლება ეკონომიკის, ბიზნესის ადმინისტრირების, აგრობიზნესის და/ან აგრარული მეცნიერებების მიმართულებით;

ბ) შესაბამისი პროფილით მუშაობის არანაკლებ 1-წლიანი გამოცდილება;

გ) ადმინისტრაციულ ორგანოში მსგავს თანამდებობაზე მუშაობის გამოცდილება ჩაითვლება უპირატესობად;

დ) სავალდებულოა ინგლისური ენის ცოდნა, დამატებით სხვა უცხო ენ(ებ)ის ცოდნა ჩაითვლება უპირატესობად;

ე) სავალდებულოა MS Office Application-ს ცოდნა.

მუხლი 6²

პოლიტიკისა და სტრატეგიის  სამმართველოს უფროსი სპეციალისტის ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნებია:

ა) უმაღლესი განათლება ეკონომიკის, ბიზნესის ადმინისტრირების, აგრობიზნესის და/ან აგრარული მეცნიერებების მიმართულებით;

ბ) სავალდებულოა ინგლისური ენის ცოდნა, დამატებით სხვა უცხო ენ(ებ)ის ცოდნა ჩაითვლება უპირატესობად;

გ) სავალდებულოა MS Office Application-ის ცოდნა.“