„საჯარო ინფორმაციის პროაქტიული გამოქვეყნების წესისა და საჯარო ინფორმაციის ელექტრონული ფორმით მოთხოვნის სტანდარტის დამტკიცების შესახებ” საქართველოს ცენტრალური საარჩევნო კომისიის 2013 წლის 16 ივლისის №27 დადგენილებაში ცვლილების შეტანის შესახებ

ა) ცესკოს დადგენილებას - მიღებიდან 24 საათის განმავლობაში;

ბ) რეგისტრირებული პარტიების/საარჩევნო ბლოკების სიას, აგრეთვე იმ პარტიების/ბლოკების სიას, რომელთაც უარი ეთქვათ რეგისტრაციაზე ან რომელთა რეგისტრაციაც გაუქმდა - პერიოდულად, მაგრამ არჩევნების დღემდე არაუგვიანეს 30-ე დღისა;

გ) წარდგენილ კანდიდატთა სიას - წარდგენის ვადის ამოწურვიდან 2 დღის ვადაში;

დ) ინფორმაციას პოლიტიკური პარტიების მიერ საოლქო საარჩევნო კომისიის წევრების დანიშვნის შესახებ - დანიშვნიდან 5 კალენდარული დღის ვადაში;

ე) ცესკოს/ცესკოს თავმჯდომარის განკარგულებას - არაუგვიანეს გამოცემის მომდევნო დღისა;

ვ) ცესკოს მდივნის განკარგულებებს - არაუგვიანეს გამოცემის მომდევნო დღისა;

ზ) რეგისტრირებულ პრეზიდენტობის კანდიდატების სიებს - კენჭისყრამდე არა უგვიანეს 24 დღისა;

თ) ცესკოს სხდომის ოქმს - ხელმოწერისთანავე;

ი) საარჩევნო ადმინისტრაციის თანამდებობრივ ხეს (სტრუქტურას) - ცესკოს დადგენილების/განკარგულების  მიღებიდან 24 საათის განმავლობაში;

კ) ცესკოს აპარატის დეპარტამენტების დებულებებს - გამოცემიდან 24 საათის განმავლობაში; ცვლილებების/დამატებების შეტანის შემთხვევაში - გამოცემიდან 24 საათის განმავლობაში;

ლ) ინფორმაციას ცესკოს და საოლქო საარჩევნო კომისიის საკადრო მიგრაციის შესახებ -  გამოცემიდან 24 საათის განმავლობაში;

მ) ცესკოს აპარატსა და საოლქო საარჩევნო კომისიებში ვაკანტურ თანამდებობაზე კონკურსის გამოცხადების შესახებ განაცხადებას - შესარჩევი კონკურსის გამოცხადებისთანავე;

ნ) ცესკოს აპარატის კონკურსში მონაწილე კონკურსანტთა სიას - საბუთების მიღების ვადის ამოწურვიდან 5 დღის ვადაში;

ო) ცესკოს აპარატის შესარჩევი კონკურსის II ტურში (გასაუბრება) მონაწილე კანდიდატთა სიას - საკონკურსო კომისიის გადაწყვეტილების მიღებიდან 24 საათის განმავლობაში;

პ) საოლქო საარჩევნო კომისიის წევრის შესარჩევ კონკურსში მონაწილე კანდიდატთა სიას - საბუთების მიღების ვადის ამოწურვიდან 5 დღის ვადაში;

ჟ) ცესკოს აპარატსა და საოლქო საარჩევნო კომისიებში კონკურსის შედეგად შერჩეული/არჩეული კანდიდატის შესახებ ინფორმაციას - საკონკურსო კომისიის გადაწყვეტილების მიღებიდან 24 საათის განმავლობაში;

რ) ინფორმაციას ცესკოს აპარატში სტაჟიორთა მისაღები კონკურსის გამოცხადების შესახებ - ცესკოს თავმჯდომარის ბრძანების გამოცემიდან 24 საათის განმავლობაში;

ს) ცესკოს აპარატში სტაჟირების მსურველთათვის განაცხადის ფორმას - სტაჟიორთა მისაღები კონკურსის გამოცხადებისთანავე;

ტ) ინფორმაციას პარტიების საარჩევნო ადმინისტრაციაში წარმომადგენლების შესახებ - გადაწყვეტილების მიღებიდან 48 საათში;

უ) ინფორმაცია ცესკოს თავმჯდომარის, მოადგილის, მდივნის და წევრების შესახებ: სახელი, გვარი, ბიოგრაფიული მონაცემები - განახლდება ცვლილების შემთხვევაში;

ფ) ცესკოს დეპარტამენტების და განყოფილებების უფროსების შესახებ, ასევე ცესკოს თავმჯდომარის მრჩეველის, ცესკოს ხელმძღვანელი პირების თანაშემწეების შესახებ: სახელი, გვარი - განახლდება ცვლილების შემთხვევაში;

ქ) საოლქო საარჩევნო კომისიების მუდმივი წევრების შესახებ: სახელი, გვარი - განახლდება ცვლილების შემთხვევაში;

ღ) საოლქო საარჩევნო კომისიების დროებითი წევრების შესახებ: სახელი, გვარი - ქვეყნდება არჩევნების პერიოდში;

ყ) ცესკოს მისამართის, ელექტრონული ფოსტის მისამართის, ტელეფონის ნომრის შესახებ - განახლდება ცვლილების შემთხვევაში;

შ) საოლქო საარჩევნო კომისიების მისამართის, ელექტრონული ფოსტის მისამართის, ტელეფონის ნომრის შესახებ - განახლდება ცვლილების შემთხვევაში;

ჩ) საჯარო ინფორმაციის ხელმისაწვდომობის უზრუნველყოფისათვის პასუხისმგებელი პირის სახელის, გვარის, სამსახურის ელექტრონული ფოსტის, სამსახურის ტელეფონის ნომრის შესახებ - განახლდება ცვლილების შემთხვევაში.

ა) ცესკო სახელმწიფო შესყიდვების წლიური გეგმის შესახებ - ქვეყნდება ყოველწლიურად;

ბ) ცესკოს მიერ სახელმწიფო შესყიდვების წლიური გეგმის ფარგლებში განხორციელებული სახელმწიფო შესყიდვების შესახებ - მიმწოდებლის, შესყიდვის ობიექტის, შესყიდვის საშუალებისა და ხელშეკრულების ღირებულების მითითებით - ქვეყნდება კვარტალურად;

გ) გადაუდებელი აუცილებლობით ცესკოს მიერ განხორციელებული სახელმწიფო შესყიდვების შესახებ - ქვეყნდება კვარტალურად;

დ) ცესკოს თანამდებობის პირებზე, წევრებზე, თანამშრომლებზე გაცემული სარგოს, დანამატებისა და პრემიების კვარტალური ოდენობების შესახებ (ჯამურად) - ქვეყნდება კვარტალურად;

ე) ცესკოს თანამშრომელთა ოფიციალური და სამუშაო ვიზიტებისათვის გაწეული სამივლინებო ხარჯების შესახებ (ჯამურად) (ცალკე - ქვეყნის შიგნით და ცაკლე - ქვეყნის გარეთ განხორციელებული მივლინებებისათვის) - ქვეყნდება კვარტალურად;

ვ) ცესკოს ბალანსზე რიცხული ავტოსატრანსპორტო საშუალებების შესახებ - მოდელის მითითებით - ქვეყნდება ყოველწლიურად;

ზ) ცესკოს მიერ საწვავის მოხმარებაზე გაწეული ხარჯის შესახებ (ჯამურად) - ქვეყნდება ყოველწლიურად;

თ) ცესკოს ბალანსზე რიცხული ავტოსატრანსპორტო საშუალებების ტექნიკურ მომსახურებაზე გაწეული ხარჯების შესახებ (ჯამურად) - ქვეყნდება ყოველწლიურად;

ი) ცესკოს მიერ სატელეკომუნიკაციო მომსახურების შესყიდვაზე გაწეული ხარჯების შესახებ - ქვეყნდება ყოველწლიურად;

კ) ცესკოს მიერ გაწეული წარმომადგენლობითი ხარჯების შესახებ - ქვეყნდება ყოველწლიურად.

3. კოორდინაციის, მართვისა და ანგარიშგების დეპარტამენტი:

ა) ცესკოს მიერ შესრულებული სამუშაოს შესახებ ანგარიშს - ყოველწლიურად;

ბ) ეთნიკური უმცირესობებისა და შეზღუდული შესაძლებლობის მქონე პირთა მიმართ განხორციელებული საქმიანობის ანგარიშს - ყოველწლიურად;

გ) ცესკოს სტრატეგიას და სამოქმედო გეგმას - პერიოდულად;

დ) ცესკოს კონტაქტ-ცენტრში შემოსული ზარებისა და ,,ონლაინ ჩათი’’-ს მომსახურების შესახებ სტატისტიკურ მონაცემებს - პერიოდულად;

ე) ცესკოს მიერ არჩევნების დროს შესრულებული სამუშაოს შესახებ ანგარიშს - ყოველი არჩევნების შედეგების შეჯამებიდან 60 დღის ვადაში;

ვ) გენდერულ სტატისტიკას - წინამდებარე წესის მე-6 მუხლის მე-4 პუნქტით გათვალისწინებულ ვადაში.

4. საორგანიზაციო დეპარტამენტი:

ა) საარჩევნო უბნების საზღვრების, ნომრების, მისამართების, ტელეფონის (ფაქსის) ნომრების შესახებ ინფორმაციას (ასეთის არსებობის შემთხვევაში) - მიღებისთანავე;

ბ) იმ შენობა-ნაგებობების ჩამონათვალის შესახებ, სადაც აკრძალულია საარჩევნო პლაკატების გაკვრა, აგრეთვე იმ შენობა-ნაგენობათა ჩამონათვალი, სადაც დასაშვებია/აკრძალულია საარჩევნო შეხვედრებისა და ღონისძიებების ჩატარება - ცენტრალური საარჩევნო კომისიისათვის გადმოცემიდან 2 დღის ვადაში;

გ) მაჟორიტარულ საარჩევნო ოლქში რეგისტრირებულ კანდიდატთა შესახებ ინფორმაციას, მათი რეგისტრაციიდან/რეგისტრაციის გაუქმებიდან 3 დღის ვადაში, მაგრამ კენჭისყრამდე არა უგვიანეს მე-20 დღისა;

დ) საოლქო საარჩევნო კომისიის მიერ კანდიდატის არჩევნებიდან მოხსნის შესახებ - ინფორმაციის მიღებისთანავე;

ე) საოლქო და საუბნო საარჩევნო კომისიებიდან შემოსულ ყველა სახის განცხადებას/საჩივარს და შესაბამის გადაწყვეტილებებს - არსებული წესის შესაბამისად;

ვ) საოლქო საარჩევნო კომისიებში სტაჟიორობის კანდიდატთა სიას - განაცხადების მიღების ვადის ამოწურვიდან  2 დღის განმავლობაში;

ზ) საოლქო საარჩევნო კომისიებში სტაჟიორებად დანიშნულ პირთა სიას - ოლქის თავმჯდომარის განკარგულების მიღებიდან 5 დღის განმავლობაში;

თ) სხვა სახელმწიფოში შექმნილი საარჩევნო უბნებისა და მისამართების შესახებ - მიღებისთანავე;

ი) გამონაკლის შემთხვევაში შექმნილი საარჩევნო უბნების ჩამონათვალს ოლქების მიხედვით - მიღებისთანავე;

კ) საუბნო საარჩევნო კომისიის წევრთა სიას - პერიოდულად, ცვლილებების შესაბამისად; 

ლ) არჩევნებისა და რეფერენდუმის/პლებისციტის შედეგების შემაჯამებელ ოქმებს -არჩევნების საბოლოო შედეგების შეჯამებიდან 5 დღის ვადაში; 

მ) საოლქო საარჩევნო კომისიის მიერ კენჭისყრის შედეგების შემაჯამებელ ოქმებს - შესაბამისი კომისიებიდან მიღებისთანავე.

5. იურიდიული დეპარტამენტი:

ა) ცესკოს ვებგვერდზე განთავსებულ საკანონმდებლო აქტებში შესულ ცვლილებებთან და დამატებებთან დაკავშირებით, აქტების კონსოლიდირებულ ვარიანტებს - პერიოდულად;

ბ) საჩივრების რეესტრს (საჩივრების რეესტრის ადმინისტრირებას ახორციელებს იურიდიული დეპარტამენტის სასამართლოებთან ურთიერთობისა და საარჩევნო დავების განყოფილება, საორგანიზაციო დეპარტამენტთან ერთად) - საარჩევნო პერიოდში;

გ) განცხადება/საჩივრის სარეკომენდაციო ფორმას - გამოცემიდან 24 საათის განმავლობაში;

დ) საქართველოს პარლამენტისათვის, საქართველოს პრეზიდენტისა და საქართველოს პრემიერ-მინისტრისათვის წარდგენილ სა­ქარ­თველოს ზოგადი ადმინისტრაციული კოდექსის 49-ე მუხლით გათვალისწინებულ ყოველწლიურ ან­გარიშს - ქვეყნდება ყოველწლიურად;

ე) საჭიროების შემთხვევაში მომზადებულ სახელმძღვანელო ინსტრუქციებს - მიღებიდან 48 საათის განმავლობაში.

6. საინფორმაციო ტექნოლოგიების დეპარტამენტი:

ა) ამომრჩეველთა რაოდენობის შესახებ - პერიოდულად;

ბ) ამომრჩეველთა ერთიან სიას - პერიოდულად;

გ) ამომრჩეველთა რაოდენობას ოლქების მიხედვით - პერიოდულად;

დ) საუბნო საარჩევნო კომისიის მიერ კენჭისყრის შედეგების შემაჯამებელ ოქმებს - შესაბამისი კომისიებიდან მიღებისთანავე; 

ე) არჩევნების შედეგების შესახებ, თითოეული საარჩევნო უბნის მიხედვით - არჩევნების საბოლოო შედეგის შეჯამებისთანავე.