„ახალგორის მუნიციპალიტეტის 2015 წლის ბიუჯეტით გათვალისწინებული სოციალური პროგრამების განკარგვის, დაფინანსების და გაცემის წესის დამტკიცების შესახებ“ ახალგორის მუნიციპალიტეტის საკრებულოს 2015 წლის 22 იანვრის N3 დადგენილებაში (190040000.35.150.016077) ცვლილებისა და დამატების შეტანის შესახებ

 1. დადგენილების შესავალი ნაწილიდან (პრეამბულა) ამოღებულ იქნეს მეორე აბზაცის ბოლო წინადადება „თუ იგი არ მოიცავს მშობიარობისა ან დამატებითი ფასიანი მომსახურებისათვის გასაწევ ხარჯებს“.

„ავადმყოფთა სოციალური დაცვის პროგრამა ითვალისწინებს დევნილი მოქალაქეების იმ გადაუდებელი გამოკვლევების, მკურნალობების, ოპერაციებისა და სხვა სამედიცინო მომსახურების დაფინანსებას, რომელიც არ ფინანსდება ან ნაწილობრივ ფინანსდება საყოველთაო ჯანდაცვის პროგრამით. დაფინანსება ეხება ახალგორის მუნიციპალიტეტიდან დევნილ მოქალაქეებს, რომელთაც გააჩნიათ შესაბამისი სტატუსი, 2008 წლის აგვისტოს შემდეგ დევნილ მოქალაქეებზე დაქორწინებულთ, აგრეთვე მათ, ვისაც ფულად კომპენსაციაზე ყოფნის ან სხვა მიზეზის გამო არა აქვთ დევნილის სტატუსი და შესაბამისი ტერიტორიული ორგანოს რწმუნებული ცნობის საშუალებით ადასტურებს 2008 წლის აგვისტოს მოვლენებამდე მოქალაქის ახალგორის მუნიციპალიტეტის ტერიტორიაზე მუდმივად ცხოვრების ფაქტს.".

„1.   ახალგორის მუნიციპალიტეტის 2015 წლის ბიუჯეტით გათვალისწინებული სოციალური პროგრამების განკარგვა-გაცემის პროცესის ორგანიზებას უზრუნველყოფს ახალგორის მუნიციპალიტეტის გამგეობის ჯანმრთელობისა და სოციალური დაცვის სამსახური, ახალგორის მუნიციპალიტეტის საკრებულოს სოციალური პროგრამების განკარგვისა და დაფინანსების კომისია.        

  ჯანმრთელობისა და სოციალური დაცვის სამსახურში ხდება მოქალაქეთა განცხადებების, დახმარების მისაღებად საჭირო დოკუმენტების თავმოყრა, პირველადი განხილვა და კომისიის სხდომისათვის მომზადება.

2. კომისია ამოწმებს მუნიციპალიტეტში შემოსულ განცხადებებს თანდართულ დოკუმენტებთან ერთად. შემოწმების შემდგომ სრულყოფილი დოკუმენტაციის შემთხვევაში კომისიაზე განხილვის შემდეგ ამზადებს დასკვნას, ხოლო ხარვეზების შემთხვევაში დოკუმენტაციას უბრუნებს ჯანმრთელობისა და სოციალური დაცვის სამსახურს შენიშვნების გამოსასწორებლად.

განმცხადებლის ქმედუუნარობის შემთხვევაში განცხადება და დოკუმენტაცია შესაძლებელია წარმოადგინოს ოჯახის წევრმა.".

„1. სოციალური დახმარების გაწევის თაობაზე საბოლოო გადაწყვეტილება მიიღება მუნიციპალიტეტის გამგებლის ბრძანებით.".

„1.     პროგრამის მოქმედება არ ვრცელდება: ქვეყნის ფარგლებს გარეთ მკურნალობაზე, მშობიარობაზე (მათ შორის საკეისრო კვეთა), ფიზიოთერაპიულ და კურორტულ მომსახურებაზე; ტრანსპლანტაციის ხარჯებზე (არ ნაზღაურდება ინპლანტატის საფასური, გარდა იმ ნოზოლოგიისა, რომელიც ფინანსდება საყოველთაო ჯანდაცვის პროგრამით), სამედიცინო ხასიათის დამხმარე საშუალებების დაფინანსებაზე: სათვალე, კონტაქტური ლინზები, სმენის აპარატი (მათ შორის, იმ პროცედურებზე, რომელთა ჩადგმა საჭიროებს ქირურგიულ ჩარევას), გარდა იმ ნოზოლოგიებისა, რომლებიც ფინანსდება საყოველთაო ჯანდაცვის პროგრამით: სტომატოლოგიურ მომსახურებაზე (გარდა იმ ნოზოლოგიისა, რომელიც ფინანსდება საყოველთაო ჯანდაცვის პროგრამით), მედიკამენტებზე.