ქალაქ ხობის ტერიტორიაზე ძაღლის ან სხვა შინაური ცხოველის მცირე ოდენობის ფეკალური მასებით დაბინძურების რეგულირების შესახებ

საქართველოს კანონის „ნარჩენების მართვის კოდექსი“ 33-ე მუხლის პირველი ნაწილისა და „ნორმატიული აქტების შესახებ“ საქართველოს კანონის მე-20 მუხლის შესაბამისად, ხობის მუნიციპალიტეტის საკრებულო ადგენს:

განისაზღვროს ქალაქ ხობში დასახლებული ტერიტორიები, სადაც ძაღლის ან სხვა შინაური ცხოველის მცირე ოდენობის ფეკალური მასებით ტერიტორიის დაბინძურებისთვის კანონით დადგენილია სანქციები:

ა) ცოტნე დადიანის ქუჩაზე მდინარე ხობის წყლის ხიდიდან, ცოტნე დადიანისა და  რუსთაველის ქუჩების გადაკვეთამდე არსებული პარკ-ხეივნებისა და ტროტუარების ტერიტორია;

ბ) სტალინის ქუჩაზე ბაზრისა და ავტოსადგურის მიმდებარე ტერიტორიიდან  სტალინისა და რუსთაველის ქუჩების გადაკვეთამდე არსებული მოედნებისა და ტროტუარების ტერიტორია;

გ) 9 აპრილის ქუჩაზე არსებული ტროტუარების ტერიტორია;

დ) კოსტავას ქუჩაზე არსებული ტროტუარების ტერიტორია;

ე) ბერიას ქუჩიდან აღმაშენებლისა და კოსტავას ქუჩების გადაკვეთამდე არსებული ტროტუარების ტერიტორია.

ვ) ჭყონდიდელის ქუჩაზე არსებული ტროტუარებისა და 9 აპრილის პარკ-ხეივნის მიმდებარე  ტერიტორია.

პირველი მუხლით განსაზღვრული დასახლებული ტერიტორიის ძაღლის ან სხვა შინაური ცხოველის მცირე ოდენობის ფეკალური მასებით დაბინძურება გამოიწვევს პირის დაჯარიმებას 50 ლარის ოდენობით.

ძაღლის ან სხვა შინაური ცხოველის მცირე ოდენობით ფეკალური მასებით დაბინძურებისას გათვალისწინებული პასუხისმგებლობა არ დაეკისრება ძაღლის ან სხვა შინაური ცხოველის მეპატრონეს, თუ იგი დაუყოვნებლივ და სრულად დაასუფთავებს ფეკალური მასებით დაბინძურებულ ტერიტორიას. 

დადგენილება ამოქმედდეს გამოქვეყნებისთანავე.