აჭარის ავტონომიური რესპუბლიკის რესპუბლიკური ბიუჯეტით გამოყოფილი ასიგნებების საბიუჯეტო კლასიფიკაციის მუხლებსა და კოდებს შორის თანხების გადანაწილების წესის დამტკიცების შესახებ

აჭარის ავტონომიური რესპუბლიკის რესპუბლიკური ბიუჯეტით გამოყოფილი ასიგნებების საბიუჯეტო კლასიფიკაციის მუხლებსა და კოდებს შორის თანხების გადანაწილების წესის დამტკიცების შესახებ აჭარის ავტონომიური რესპუბლიკის მთავრობის დადგენილება №10 2015 წლის 9 ივნისი ქ. ბათუმი აჭარის ავტონომიური რესპუბლიკის რესპუბლიკური ბიუჯეტით გამოყოფილი ასიგნებების საბიუჯეტო კლასიფიკაციის მუხლებსა და კოდებს შორის თანხების გადანაწილების წესის დამტკიცების შესახებ 1. საქართველოს საბიუჯეტო კოდექსის 92-ე მუხლისა და „აჭარის ავტო­ნო­მიუ­რი რესპუბლიკის საბიუჯეტო პროცესისა და უფლებამოსილებათა შესახებ“ აჭარის ავტონომიური რესპუბლიკის კანონის 33​1 მუხლის შესაბამისად, დამტკიცდეს: ა) „აჭარის ავტონომიური რესპუბლიკის რესპუბლიკური ბიუჯეტით გამოყოფილი ასიგნებების საბიუჯეტო კლასიფიკაციის მუხლებსა და კოდებს შორის თანხების გადანაწილების წესი“, თანახმად №1 დანართისა; ბ) „აჭარის ავტონომიური რესპუბლიკის საბიუჯეტო პროცესისა და უფლება­მოსი­ლებათა შესახებ“ აჭარის ავტონომიური რესპუბლიკის კანონის მე-2 მუხლის ბ​1 და ბ​2 პუნქტებით განსაზღვრული საჯარო სამართლის  იურიდიული პირებისა და არასამეწარმეო (არაკომერციული) იურიდიული პირების ბიუჯეტების დაზუსტებისა და საბიუჯეტო კლასიფიკაციის მუხლებს შორის თანხების გადანაწილების წესი, კანონმდებლობით ნებადართული სხვა (არასაბიუჯეტო სახსრები) შემოსავლებით მიღებული სახსრების ნაწილში, თანახმად №2 დანართისა. 2. ძალადაკარგულად გამოცხადდეს „აჭარის ავტონომიური რესპუბლიკის რესპუბლიკური ბიუჯეტით გამოყოფილი ასიგნებების საბიუჯეტო კლასიფიკაციის მუხლებსა  და  კოდებს  შორის  თანხების  გადანაწილების  წესის“  დამტკიცების შესახებ“ აჭარის ავტონომიური რესპუბლიკის მთავრობის 2013 წლის 24 ოქტომბრის N24 დადგენილება (სსმ, 05/11/2013, სარეგისტრაციო კოდი 190020000.32.057.016141). 3. დადგენილება ამოქმედდეს გამოქვეყნებისთანავე.აჭარის ავტონომიური რესპუბლიკის მთავრობის თავმჯდომარეარჩილ ხაბაძე                                                                                          დანართი №1 აჭარის ავტონომიური რესპუბლიკის რესპუბლიკური ბიუჯეტით  გამოყოფილი ასიგნებების საბიუჯეტო კლასიფიკაციის მუხლებსა  და კოდებს შორის თანხების გადანაწილების წესი მუხლი 1🔗 1. აჭარის ავტონომიური რესპუბლიკის რესპუბლიკური ბიუჯეტით გამოყოფილი ასიგნებების საბიუჯეტო კლასიფიკაციის მუხლებსა და კოდებს შორის თანხების გადანაწილების წესი (შემდგომში – წესი) შემუშავებულია საქართველოს საბიუჯეტო კოდექსის 92-ე მუხლისა და „აჭარის ავტონომიური რესპუბლიკის საბიუჯეტო პროცესისა და უფლებამოსილებათა შესახებ“ აჭარის ავტონომიური რესპუბლიკის კანონის 33​1 მუხლის საფუძველზე. 2. ეს წესი განსაზღვრავს მხარჯავი დაწესებულებისათვის აჭარის ავტონომიური რესპუბლიკის რესპუბლიკური ბიუჯეტით გამოყოფილი ასიგნებების, წლიური საბიუჯეტო კანონით განსაზღვრული საერთო-რესპუბლიკური  მნიშვნელობის გადასახდელებიდან სამართლებრივი აქტის საფუძველზე მხარჯავი დაწესებულე­ბისათვ­ის  ან/და საერთო-რესპუბლიკური მნიშვნელობის გადასახ­დელე­ბის პროგრამული კოდისათვის გამოყოფილი სახსრების, აგრეთვე საერთო-რესპუბლიკური მნიშვ­ნელობის გადასახდელების საბიუჯეტო კლასიფიკაციის მუხლებსა და კოდებს შორის თანხების გადანაწილების მექანიზმს.  3. აჭარის ავტონომიური რესპუბლიკის ფინანსთა და ეკონომიკის სამინისტრო უფლებამოსილია აჭარის, ავტონომიური რესპუბლიკის მთავრობის შესაბამისი სამართ­ლებრივი აქტის საფუძველზე სახელმწიფო ბიუჯეტით გათვალისწინებული საერ­თო-სახელმწიფოებრივი მნიშვნელობის გადასახდელებიდან გამოყოფილი თანხების ასახვის მიზნით, განახორციელოს ცვლილებები (მათ შორის, პროგრა­მის/­ქვეპროგრამის დამატება) ბიუჯეტით დამტკიცებულ შემოსულობებსა და გადასახ­დელებში. ეს ცვლილებები 1 თვის ვადაში, მაგრამ არაუგვიანეს საბიუჯეტო წლის დასრულებისა, უნდა წარედგინოს აჭარის ავტონომიური რესპუბლიკის უმაღლეს საბჭოს.  4. აჭარის ავტონომიური რესპუბლიკის რესპუბლიკური ბიუჯეტით მხარჯავი დაწესებულებისათვის განსაზღვრული პროგრამების ასიგნებებს შორის თანხების გადანაწილება შეიძლება განხორციელდეს წლიური საბიუჯეტო კანონით მისთვის დამტკიცებული  ასიგნებების  საქართველოს  საბიუჯეტო  კოდექსითა  და  „აჭარის ავტონომიური რესპუბლიკის საბიუჯეტო პროცესისა და უფლებამოსილებათა შესახებ“ აჭარის ავტონომიური რესპუბლიკის კანონით განსაზღვრული პროცენტული ლიმიტის ფარგლებში. 5. მხარჯავი დაწესებულებების ერთი პროგრამის ფარგლებში არსებული ქვეპროგრამების და საერთო-რესპუბლიკური მნიშვნელობის გადასახდელების ასიგნებების კვარტალებს, საბიუჯეტო კლასიფიკაციის მუხლებსა და პროგრამულ კოდებს შორის თანხების გადანაწილება შეიძლება განხორციელდეს ამ დადგე­ნილებით დადგენილი წესით, შეუზღუდავად.  6. მხარჯავი დაწესებულებების მიერ წარმოდგენილი წინადადებისა და აჭარის ავტონომიური რესპუბლიკის მთავრობის მიერ მიღებული გადაწყვეტილების საფუძველზე მხარჯავი დაწესებულებებისათვის გამოყოფილი ასიგნებებიდან თანხები შეიძლება გადანაწილდეს საერთო-რესპუბლიკური მნიშვნელობის გადასახდელებზე, საერთო-რესპუბლიკური მნიშვნელობის გადასახდელებისათვის დამტკიცებული ასიგნებების საქართველოს საბიუჯეტო კოდექსითა და „აჭარის ავტონომიური რესპუბლიკის საბიუჯეტო პროცესისა და უფლებამოსილებათა შესახებ“ აჭარის ავტონომიური რესპუბლიკის კანონით განსაზღვრული პროცენტული ლიმიტის ფარგლებში (გარდა საბიუჯეტო კოდექსის 90-ე და 91-ე მუხლების შესაბამისად გამოყოფილი ასიგნებებისა).  7. შესაბამისი სამართლებრივი აქტის საფუძველზე საერთო-რესპუბლიკური მნიშვნელობის გადასახდელებიდან გამოყოფილი სახსრების გადანაწილება აჭარის ავტონომიური რესპუბლიკის ფინანსთა და ეკონომიკის სამინისტროსთან შეთანხ­მებით შესაძლებელია განხორციელდეს შეუზღუდავად.  8. წლიური საბიუჯეტო კანონის გათვალისწინებულ ვადებში მიუღებლობის შემთხვევაში საქართველოს საბიუჯეტო კოდექსის მე-13 მუხლის მიხედვით გასცემს თანხებს აჭარის ავტონომიური რესპუბლიკის ფინანსთა და  ეკონომიკის სამი­ნისტრო აჭარის ავტონომიური რესპუბლიკის მთავრობასთან შეთანხმებით. მუხლი 2🔗 1. საბიუჯეტო წლის განმავლობაში აჭარის ავტონომიური რესპუბლიკის რესპუბლიკური ბიუჯეტით გამოყოფილი ასიგნებების ეფექტიანად ხარჯვის მიზნით მხარჯავი დაწესებულება გადანაწილების შესახებ მოთხოვნას (შემდგომში – მოთხოვნა) წარუდგენს აჭარის ავტონომიური რესპუბლიკის ფინანსთა და ეკო­ნო­მიკის სამინისტროს, ხოლო საერთო-რესპუბლიკური მნიშვნელობის გადასახ­დე­ლების კვარტალებს, საბიუჯეტო კლასიფიკაციის მუხლებსა და პროგრამულ კოდებს შორის თანხების გადანაწილებაზე, საქართველოს კანონმდებლობის შესაბამისად გადაწყვეტილებას იღებს აჭარის ავტონომიური რესპუბლიკის ფინანსთა და ეკონომიკის სამინისტრო.  2. აჭარის ავტონომიური რესპუბლიკის ფინანსთა და ეკონომიკის სამინისტროსთვის წარდგენილ მოთხოვნაში აუცილებელია მოყვანილ იქნეს შესა­ბამისი დასაბუთება მხარჯავი დაწესებულების მიერ მოთხოვნილ გადანაწილებაზე. მხარჯავ დაწესებულებას ეკისრება სრული პასუხისმგებლობა მოთხოვნის შინაარსსა და გადანაწილების მიზანშეწონილობაზე. მხარჯავი დაწესებულება ასევე ვალდებულია წარმოადგინოს ცნობა შესაბამისი პროგრამის/ქვეპროგრამის ფინან­სური მდგომარეობის შესახებ.   3. მხარჯავი დაწესებულება ვალდებულია მოთხოვნაში ცალკე გამიჯნოს საერთო-რესპუბლიკური მნიშვნელობის გადასახდელებიდან სამართლებრივი აქ­ტით ამავე მხარჯავი დაწესებულებისათვის გამოყოფილი სახსრების გადანა­წი­ლებაზე ინფორმაცია თითოეული სამართლებრივი აქტის და ამ აქტის საფუძ­ველზე გამოყოფილი სახსრების წყაროს მიხედვით.   4. აჭარის ავტონომიური რესპუბლიკის ფინანსთა და ეკონომიკის სამინისტროში წარდგენილ მოთხოვნაზე აჭარის ავტონომიური რესპუბლიკის ფინანსთა და ეკონომიკის სამინისტროს მიერ შესაბამისი გადაწყვეტილების მიღებამდე, მხარჯავმა დაწესებულებამ სახელმწიფო ხაზინაში არ უნდა წარადგინოს საქართველოს ფინანსთა მინისტრის მიერ დამტკიცებული, სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესაბამისად გათვა­ლის­წინებული ვალდებულებების და მოთხოვნის დოკუმენტები იმ თანხებზე, რომლებზედაც არსებობს გადანაწილების მოთხოვნა.   5. აჭარის ავტონომიური რესპუბლიკის ფინანსთა და ეკონომიკის სამინისტრო უფლებამოსილია, მხარჯავი დაწესებულების მიერ გადანაწილების თაობაზე წარდგენილი მოთხოვნის განხორციელების შესახებ გადაწყვეტილების მიღებამდე, შეზღუდოს მოთხოვნით გათვალისწინებულ თანხებზე სახელმწიფო ხაზინაში გადახდაზე ვალდებულების დარეგისტრირების შესაძლებლობა.  6. აჭარის ავტონომიური რესპუბლიკის რესპუბლიკური ბიუჯეტით მხარჯავი დაწესებულებისათვის გამოყოფილი ასიგნებების კვარტალებს, ბიუჯეტით დამტკიცებული პროგრამებისა და ქვეპროგრამების ღონისძიებებში ცვლილებებს, საბიუჯეტო კლასიფიკაციის მუხლებსა და პროგრამულ კოდებს შორის თანხების გადანაწილების თაობაზე მხარჯავი დაწესებულების მოთხოვნას აჭარის ავტონომიური რესპუბლიკის ფინანსთა და ეკონომიკის სამინისტროს საბიუჯეტო დეპარტამენტი განიხილავს და არაუგვიანეს 10 კალენდარული დღის ვადაში მინისტრს წარუდგენს შესაბამის წინადადებებს გადანაწილების თაობაზე.  7. ბიუჯეტით დამტკიცებული პროგრამებისა და ქვეპროგრამების ღონისძიებებში ცვლილებების (მათ შორის ახალი ღონისძიების დამატება) საკითხს განიხილავს აჭარის  ავტონომიური  რესპუბლიკის  მთავრობის  2014  წლის  5  თებერვლის  №14  განკარგულების საფუძველზე შექმნილი კომისია, რომლის რეკომენდაცია წარედ­გინება საბიუჯეტო დეპარტამენტს.  8. „აჭარის ავტონომიური რესპუბლიკის საბიუჯეტო პროცესისა და უფლება­მოსილებათა შესახებ“ აჭარის ავტონომიური რესპუბლიკის კანონის 33​1 მუხლის შესაბამისად გადანაწილებაზე გადაწყვეტილებას ღებულობს აჭარის ავტონომიური რესპუბლიკის ფინანსთა და ეკონომიკის მინისტრი.  9. აჭარის ავტონომიური რესპუბლიკის რესპუბლიკური ბიუჯეტით გამოყოფილი ასიგნებების გადანაწილებას, როგორც მხარჯავი დაწესებულებისათვის დამტკი­ცებული წლიური კანონით განსაზღვრული საბიუჯეტო კლასიფიკაციის მუხლებს შორის, ასევე კვარტალებს შორის ასიგნებების გადანაწილებაზე გადაწყვეტილებას იღებს აჭარის ავტონომიური რესპუბლიკის ფინანსთა და ეკონომიკის მინისტრი.  10. ასიგნებების გადანაწილებაზე მიღებული დადებითი გადაწყვეტილების შემთხვევაში ავტონომიური რესპუბლიკის ფინანსთა და ეკონომიკის სამინისტროს საბიუჯეტო დეპარტამენტი ამზადებს ხარჯთაღრიცხვის ცვლილების ცნობას ელექტ­რონული ფორმით და ახორციელებს ცვლილებას განწერით დამტკიცებული ასიგნებების დაზუსტების მიზნით ბიუჯეტის მართვის ელექტრონული სისტემის მეშვეობით.  11. ხარჯთაღრიცხვის ცვლილების ცნობას ადასტურებენ ავტონომიური რესპუბლიკის ფინანსთა და ეკონომიკის სამინისტროს საბიუჯეტო დეპარტამენტის უფროსი და ამავე დეპარტამენტის რესპუბლიკური ბიუჯეტის ფორმირებისა ან/და შესრულების ანალაზისა და ნაერთი ბიუჯეტის განყოფილებების უფროსი. აღნიშნულ ცნობას ენიჭება თარიღი და ნომერი. 12. ავტონომიური რესპუბლიკის ფინანსთა და ეკონომიკის სამინისტროს საბიუჯეტო დეპარტამენტის ხარჯთაღრიცხვის ცვლილების ცნობის ელექტრონული ფორმით ასევე ზუსტდება საერთო-რესპუბლიკური მნიშვნელობის გადასახდელებით გათვალისწინებული ასიგნებები. 13. განხორციელებული ცვლილებები მხარჯავი დაწესებულებისათვის ხელმისაწვდომი გახდება ბიუჯეტის მართვის ელექტრონული სისტემის მეშვეობით, ხოლო ავტონომიური რესპუბლიკის ფინანსთა და ეკონომიკის სამინისტროს მიერ გადანაწილებაზე უარყოფითი გადაწყვეტილების მიღების შემთხვევაში, აღნიშნული გადაწყვეტილების შესახებ მხარჯავ დაწესებულებას ეცნობება წერილობით.                                                                                            დანართი №2 „აჭარის ავტონომიური რესპუბლიკის საბიუჯეტო პროცესისა და უფლებამოსილებათა შესახებ“ აჭარის ავტონომიური რესპუბლიკის  კანონის მე-2 მუხლის ბ​1 და ბ​2 პუნქტებით განსაზღვრული საჯარო  სამართლის იურიდიული პირებისა და არასამეწარმეო (არაკომერციული) იურიდიული პირების ბიუჯეტების დაზუსტებისა და საბიუჯეტო კლასიფიკაციის მუხლებს შორის თანხების გადანაწილების წესი, კანონმდებლობით ნებადართული სხვა (არასაბიუჯეტო სახსრები) შემოსავლებით მიღებული სახსრების ნაწილში მუხლი 1🔗 1. „აჭარის ავტონომიური რესპუბლიკის საბიუჯეტო პროცესისა და უფლებამოსილებათა შესახებ“ აჭარის ავტონომიური რესპუბლიკის კანონის მე-2 მუხლის ბ​1 და ბ​2 პუნქტებით განსაზღვრული საჯარო სამართლის იურიდიული პირე­ბისა და არასამეწარმეო (არაკომერციული) იურიდიული პირების (შემდგომ - (სსიპ-ი/ა(ა)იპ-ი) ბიუჯეტების დაზუსტების და საბიუჯეტო კლასიფიკაციის მუხლებს შორის თანხების გადანაწილების წესი, კანონმდებლობით ნებადართული სხვა (არასაბიუჯეტო სახსრები) შემოსავლებით მიღებული სახსრების ნაწილში შემუ­შავებულია საქართველოს საბიუჯეტო კოდექსის 92-ე მუხლისა და „აჭარის ავტონომიური რესპუბლიკის საბიუჯეტო პროცესისა და უფლებამოსილებათა შესახებ“ აჭარის ავტონომიური რეს-პუბლიკის კანონის 33​1 მუხლის საფუძველზე. 2. სსიპ-ის/ა(ა)პ-ის ბიუჯეტის კვარტლებს, საბიუჯეტო კლასიფიკაციის მუხლებსა და პროგრამულ კოდებს შორის ცვლილების შეტანის საკითხის გადაწყვეტა ხდება საქართველოს კანონმდებლობის შესაბამისად და ეს წესი არეგულირებს მხოლოდ განხორციელებული ცვლილების ბიუჯეტის კვარტალურ განწერაში ასახვის წესს, ასევე საბიუჯეტო კლასიფიკაციის მუხლებს შორის თანხების გადანაწილების მექანიზმებს კანონმდებლობით ნებადართული სხვა (არასაბიუჯეტო სახსრები) შემოსავლებით მიღებული სახსრების ნაწილში. 3. სსიპ-ი/ა(ა)იპ-ი მოთხოვნას, მისთვის დამტკიცებული ბიუჯეტის განწერაში ცვლილების შეტანის შესახებ, წარუდგენს მისი კონტროლის განმახორციელებელ მხარჯავ   დაწესებულებას,   რომელიც   ხარჯთაღრიცხვის   ცვლილების   შესაბამისი ელექტრონული ცნობით ახორციელებს მოთხოვნილი ცვლილების ასახვას ბიუჯეტის მართვის ელექტრონულ სისტემაში.   4. ის სსიპ-ი/ა(ა)იპ-ი, რომელიც თავად წარმოადგენს აჭარის ავტონომიური რესპუბლიკის რესპუბლიკური ბიუჯეტის მხარჯავ დაწესებულებას ან არ ჰყავს კონტროლის განმახორციელებელი ორგანო ამ წესის პირველი მუხლის მე-3 პუნქტით გათვალისწინებულ პროცედურას ახორციელებს თავად.  5. „აჭარის ავტონომიური რესპუბლიკის საბიუჯეტო პროცესისა და უფლე­ბამოსილებათა შესახებ“ აჭარის ავტონომიური რესპუბლიკის კანონის მე-2 მუხლის ბ​1 და ბ​2 პუნქტებით გათვალისწინებული სსიპ(ებ)-ის/ა(ა)იპ(ებ)-ის ბიუჯეტებში ცვლი­ლების განხორციელების მიზანშეწონილობის საკითხის გადაწყვეტა სცილდება ამ წესის რეგულაციებს და ხორციელდება საქართველოს კანონმდებლობით დადგენილი წესით. მუხლი 2🔗 1. ხარჯთაღრიცხვის ცვლილების ცნობას ადასტურებენ ბიუჯეტის მართვის ელექტრონულ სისტემაში ცნობის დადასტურებაზე უფლებამოსილი პირები. 2. ცვლილების ასახვაზე უფლებამოსილი უწყების თანამშრომლისთვის შესაბამისი ცნობის შექმნისა და დადასტურების უფლების მინიჭების მიზნით, უწყება წერილობით მიმართავს საქართველოს ფინანსთა სამინისტროს. 3. დაუშვებელია ამ წესით განსაზღვრული ცვლილების ცნობის ერთი და იმავე პირის მიერ შექმნა და დადასტურება. 4. განხორციელებული ცვლილებები სსიპ-ის/ა(ა)იპ-ისათვის ხელმისაწვდომი ხდება ბიუჯეტის მართვის ელექტრონული სისტემის მეშვეობით.  5. მხარჯავი დაწესებულება განხორციელებული ცვლილების შესახებ ინფორმაციას წარუდგენს აჭარის ავტონომიური რესპუბლიკის ფინანსთა და ეკონომიკის სამინისტროს.