საქართველოს დაზვერვის სამსახურის მოსამსახურის ფიცის დამტკიცების შესახებ

საქართველოს დაზვერვის სამსახურის

მოსამსახურის ფიცი

მე, ---------------------------, ვხდები რა საქართველოს დაზვერვის სამსახურის მოსამსახურე, საზეიმოდ ვფიცავ:

− სიცოცხლის ბოლომდე ერთგულად ვემსახურო საქართველოს;

− განუხრელად დავიცვა საქართველოს კონსტიტუცია და კანონმდებლობით განსაზღვრული მოთხოვნები, კეთილსინდისიერად შევასრულო დაკისრებული მოვალეობები;

− მტკიცედ ვიდგე ჩემი ქვეყნის კონსტიტუციური წყობისა და უსაფრთხოების სადარაჯოზე;

− არსად, არასოდეს, არცერთ ვითარებაში არ გავამჟღავნო სახელმწიფო და პროფესიული საიდუმლოება;

− თუ გავტეხ ამ ფიცს, პასუხს ვაგებ ღვთისა და კანონის წინაშე.

ვემსახურები საქართველოს, ვცოცხლობ საქართველოსთვის,

გვფარავდეს ღმერთი!