გარდაბნის მუნიციპალიტეტის წარმატებულ სპორტსმენთა დაჯილდოების წესის დამტკიცების შესახებ

გარდაბნის მუნიციპალიტეტის წარმატებულ სპორტსმენთა დაჯილდოების წესის დამტკიცების შესახებ  გარდაბნის მუნიციპალიტეტის საკრებულოს დადგენილება №40 2015 წლის 24 ივნისი ქ. გარდაბანი „გარდაბნის მუნიციპალიტეტის წარმატებულ სპორტსმენთა დაჯილდოების წესის“ დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსი“–ს მე-16 მუხლის მე-3 და მე-4 ნაწილების შესაბამისად, გარდაბნის მუნიციპალიტეტის საკრებულო ადგენს:  მუხლი 1🔗 დამტკიცდეს „გარდაბნის მუნიციპალიტეტის წარმატებულ სპორტსმენთა დაჯილდოების წესი“  (დანართი).  მუხლი 2🔗 დადგენილება ამოქმედდეს გამოქვეყნებისთანავე. მუხლი 3🔗 დადგენილება შეიძლება გასაჩივრდეს რუსთავის საქალაქო სასამართლოში (ქ. რუსთავი, ბოსტანქალაქის ქ. №6), საქართველოს ადმინისტრაციული საპროცესო კოდექსის 22-ე მუხლის მე-3 ნაწილით დადგენილი წესით. გარდაბნის მუნიციპალიტეტის საკრებულოს თავმჯდომარევაჟა გენგაშვილი დანართი გარდაბნის მუნიციპალიტეტის წარმატებულ სპორტსმენთა დაჯილდოების წესი მუხლი 1🔗 გარდაბნის მუნიციპალიტეტის წარმატებულ სპოტსმენთა დაჯილდოება ხდება ცხოვრების ჯანსაღი წესის დამკვიდრების, სამოქალაქო აქტიურობის, სპორტის გავრცელებული სახეობებისათვის ტრადიციების შენარჩუნებისა და მათი პოპულარიზაციის მიზნით.  მუხლი 2🔗 წარმატებულ სპორტსმენთა დაჯილდოება შესაძლებელია განხორციელდეს გარდაბნის მუნიციპალიტეტის საკრებულოს ინიციატივით ან მუნიციპალიტეტის გამგეობის შუამდგომლობით. მუხლი 3🔗 გადაწყვეტილებას წარმატებულ სპორტსმენთა დაჯილდოების შესახებ  სხდომაზე იღებს მუნიციპალიტეტის საკრებულო განკარგულების სახით. მუხლი 4🔗 წარმატებულ სპორტსმენთა დასაჯილდოებლად განსაზღვრულია შემდეგ ოდენობამდე ფულადი ჯილდოები: 4.1. საქართველოს ჩემპიონატზე ჭაბუკთა შორის პირველი ადგილის დაკავების შემთხვევაში – 400 ლარამდე; ახალგაზრდებს შორის პირველი ადგილის დაკავების შემთხვევაში – 600 ლარამდე; მოზრდილთა შორის პირველი ადგილის დაკავების შემთხვევაში – 1000 ლარამდე. 4.2. ევროპის ჩემპიონატზე (ჭაბუკები) პირველი ადგილის დაკავების შემთხვევაში – 1000 ლარამდე; მეორე ადგილის დაკავების შემთხვევაში – 600 ლარამდე; მესამე ადგილის დაკავების შემთხვევაში – 400 ლარამდე. 4.3. ევროპის ჩემპიონატზე (ახალგაზრდები) პირველი ადგილის დაკავების შემთხვევაში – 1500 ლარამდე; მეორე ადგილის დაკავების შემთხვევაში – 1000 ლარამდე; მესამე ადგილის დაკავების შემთხვევაში – 800 ლარამდე. 4.4. ევროპის ჩემპიონატზე (მოზრდილები) პირველი ადგილის დაკავების შემთხვევაში – 2000 ლარამდე; მეორე ადგილის დაკავების შემთხვევაში – 1500 ლარამდე; მესამე ადგილის დაკავების შემთხვევაში – 1000 ლარამდე. 4.5. მსოფლიო ჩემპიონატზე (ჭაბუკები) პირველი ადგილის დაკავების შემთხვევაში – 1500 ლარამდე; მეორე ადგილის დაკავების შემთხვევაში – 1200 ლარამდე; მესამე ადგილის დაკავების შემთხვევაში – 1000 ლარამდე. 4.6. მსოფლიო ჩემპიონატზე (ახალგაზრდები) პირველი ადგილის დაკავების შემთხვევაში – 2000 ლარამდე; მეორე ადგილის დაკავების შემთხვევაში – 1500 ლარამდე; მესამე ადგილის დაკავების შემთხვევაში – 1200 ლარამდე. 4.7. მსოფლიო ჩემპიონატზე (მოზრდილები) პირველი ადგილის დაკავების შემთხვევაში – 5000 ლარამდე; მეორე ადგილის დაკავების შემთხვევაში – 3000 ლარამდე; მესამე ადგილის დაკავების შემთხვევაში – 2000 ლარამდე. მუხლი 5🔗 გრანპრის (Grand Prix) პრიზიორი უთანაბრდება ევროპის პრიზიორს. მუხლი 6🔗 ოლიმპიური ჩემპიონების შემთხვევები, გარდაბნის მუნიციპალიტეტის საკრებულოს ბიუროზე და სხდომაზე განიხილება ინდივიდუალურად. მუხლი 7🔗 განკარგულება წარმატებულ სპორტსმენთა დაჯილდოების შესახებ დასაფინანსებლად იგზავნება მუნიციპალიტეტის გამგეობის საფინანსო-საბიუჯეტო სამსახურში. მუხლი 8🔗 წარმატებული სპორტსმენის დაჯილდოების შესახებ გამოცემული განკარგულება საჩივრდება საქართველოს ადმინისტრაციული საპროცესო კოდექსით დადგენილი წესით.