ქარელის მუნიციპალიტეტის საკრებულოს 2014 წლის 03 ოქტომბრის №43 დადგენილებაში „ქარელის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ” ცვლილებების და დამატებების შეტანის თაობაზე

„მუხლი  3¹. გამგეობის ელექტრონული საქმისწარმოების უზრუნველყოფა

გამგეობის ადმინისტრაციული სამსახური უზრუნველყოფს გამგეობის სტრუქტურული ერთეულების ელექტრონულ საქმისწარმოებას. ელექტრონული დოკუმენტბრუნვა გამგეობაში ხორციელდება „სახაზინო (საბიუჯეტო) დაწესებულებებში საქმისწარმოების ავტომატიზებული სისტემის მინიმალური სტანდარტის დამტკიცების შესახებ“  საქართველოს მთავრობის 2012 წლის 21 თებერვლის №64 დადგენილების შესაბამისად.  ადმინისტრაციული საქმისწარმოება ხორციელდება ავტომატიზებული ელექტრონული პროგრამის „მუნიციპალიტეტების მართვის სისტემა“ მეშვეობით.

1.  გამგეობის საქმისწარმოებაში ადმინისტრაციული სამსახური  უზრუნველყოფს:

ა)  სსიპ „საჯარო რეესტრის ეროვნული სააგენტოს“ ავტომატიზებული დოკუმენტბრუნვის ელექტრონული სისტემის დანერგვას 2015 წლის 31 დეკემბრამდე;

ბ) ავტომატიზებული ელექტრონული პროგრამის „მუნიციპალიტეტების მართვის სისტემა“  დანერგვას 2015 წლის  31 დეკემბრამდე;

2. ელექტრონული საქმისწარმოების დანერგვამდე  გამგეობის საქმისწარმოება დასაშვებია დადგენილი წესით, ქაღალდზე შესრულებული ბეჭდური დოკუმენტების მეშვეობით, დოკუმენტბრუნვის არსებული სისტემის შესაბამისად.“.