„ახალციხის მუნიციპალიტეტის 2015 წლის ბიუჯეტიდან სოციალური დახმარების გაცემის წესის დამტკიცების შესახებ“ ახალციხის მუნიციპალიტეტის საკრებულოს 2015 წლის 19 თებერვლის №11 დადგენილებაში ცვლილებების შეტანის შესახებ

1. მე-7  მუხლის მეორე პუნქტში შევიდეს ცვლილება და მუხლი ჩამოყალიბდეს შემდეგი რედაქციით:

„მუხლი 7. მუნიციპალიტეტის სოფელ აწყურში მეწყერის შედეგად დაზარალებული    უსახლკაროთათვის სოციალური დახმარების გაწევა

1. მუნიციპალიტეტის ბიუჯეტით გათვალისწინებული ასიგნებებიდან ახალციხის მუნიციპალიტეტის სოფელ აწყურში მეწყერის შედეგად დაზარალებულ უსახლკაროთათვის ყოველთვიური სოციალური დახმარება გაიცემა 150 (ას ორმოცდაათი) ლარის ოდენობით.

2. სოციალური დახმარება გაიცემა შემდეგ მოქალაქეებზე:

ა) შურა ლაბაძე (პირადი №47001026021);

ბ) ივანე ლაბაძე (პირადი №47001030342);

გ) მარიამ კაპანაძე (პირადი №47001019536);

დ) მარიამ ლაბაძე (პირადი №47001034719);

ე) თეიმურაზ თაბაგარი (პირადი №47001029805).

3. შესაბამისი ადმინისტრაციული ერთეულის წარმომადგენელმა უნდა წარმოადგინოს მოხსენებითი ბარათი.

4. ანაზღაურება მოხდება უნაღდო ანგარიშსწორების ფორმით, მოსარგებლე პირის პირად საბანკო ანგარიშზე.”.

2. მე-8 მუხლში შევიდეს ცვლილება და  ჩამოყალიბდეს შემდეგი რედაქციით:

„მუხლი 8. მუნიციპალიტეტის სოფელ აწყურში მეწყერის შედეგად დაზარალებული უსახლკაროთათვის  საცხოვრებელი ფართით უზრუნველყოფა

1. ახალციხის მუნიციპალიტეტი ფინანსურ თანამონაწილეობას იღებს ახალციხის მუნიციპალიტეტის სოფელ აწყურში რეგისტრირებულ მეწყერის შედეგად დაზარალებული    უსახლკაროთათვის საცხოვრებელი ფართით უზრუნველყოფაში, მუნიციპალიტეტის ბიუჯეტით გათვალისწინებული  ასიგნებებიდან.

2. თანამონაწილეობისას მუნიციპალიტეტის  მხრიდან თანხის ოდენობა განისაზღვრება ბენეფიციარის მიერ დარჩენილი გადასახდელი თანხიდან -  არაუმეტეს 5000 ლარის ოდენობით.

3. თანადაფინანსებისათვის  მოქალაქემ უნდა წარმოადგინოს:

ა) განცხადება;

ბ) განმცხადებელის და ოჯახის სხვა წევრების პირადობის მოწმობების ასლები;

გ) საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა  სამინისტროს შუამდგომლობა, ბენეფიციარისათვის საცხოვრებელი ფართის შესაძენად მუნიციპალიტეტის მხრიდან ხელშეწყობის განხორციელების თაობაზე,  სადაც მითითებული იქნება  შესაძენი უძრავი ქონების საბაზრო ღირებულება ან ბენეფიციარის მიერ შესაძენ უძრავ ქონებაზე ფაქტობრივად გადასახდელი თანხის ოდენობა;

დ) გეოლოგიური დასკვნა შესაძენი უძრავი ქონების მდგომარეობის შესახებ;

ე) უძრავი ქონების გამყიდველი პირის  პირადობის მოწმობის ასლი.

4. ანაზღაურება განხორციელდება უნაღდო ანგარიშსწორების ფორმით, გამყიდველი ან მყიდველი  პირის პირად ანგარიშზე.“.