ქ.თბილისში, ჩუღურეთის რაიონში, ივერთუბნის ქუჩასთან მდებარე უსახელო ქუჩისთვის თამარ და აკაკი პაპავების სახელის მინიჭების შესახებ

ქალაქ თბილისის მუნიციპალიტეტის საკრებულოს

განკარგულება №224

2015 წლის 23 ივნისი

ქ. თბილისი

ქ.თბილისში, ჩუღურეთის  რაიონში, ივერთუბნის ქუჩასთან მდებარე უსახელო ქუჩისთვის თამარ და აკაკი პაპავების სახელის მინიჭების შესახებ

1. საქართველოს ორგანული კანონის  „ადგილობრივი თვითმმართველობის კოდექსი” 68-ე მუხლის პირველი პუნქტის „გ“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239  დადგენილების და „ქ.თბილისის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ ქ.თბილისის მუნიციპალიტეტის საკრებულოს 2015 წლის 16 ივნისის №14-59 დადგენილების თანახმად   ქ.თბილისის მუნიციპალიტეტის საკრებულომ დაადგინა:

ა) ჩუღურეთის რაიონში, ივერთუბნის ქუჩასთან მდებარე უსახელო ქუჩას მიენიჭოს XX საუკუნის ქართული ემიგრანტი მწერლებისა და მეცნიერების თამარ და აკაკი პაპავების სახელი, თანდართული რუკის თანახმად ;

ბ) ქ.თბილისის მუნიციპალიტეტის მერიამ ოთხი თვის ვადაში უზრუნველყოს ამ განკარგულების შესასრულებლად საჭირო ღონისძიებების განხორციელება.

2. განკარგულება შეიძლება გასაჩივრდეს ერთი თვის ვადაში თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით  აღმაშენებლის ხეივანი, მე-12 კმ ; №6).

ქალაქ თბილისის მუნიციპალიტეტის

საკრებულოს თავმჯდომარე  გ. ალიბეგაშვილი